អ៊ីវ៉ា បានធ្វើការវា.យបកទៅកាន់មហាជនមួយចំនួន ដែលនាំគ្នាសើចចំអក និងរិះគន់នាងជាតារាចម្រៀងដែលស្លៀកពាក់តុបតែងខ្លួនបែបស្រែៗមិនទាន់សម័យដូចតារាស្រីល្បីៗមួយចំនួនឡើយ។ គេមិនដឹងថា
រាជធានីភ្នំពេញ ៖ អ៊ីវ៉ា បានធ្វើការវា.យបកទៅកាន់មហាជនមួយចំនួន ដែលនាំគ្នាសើចចំអក និងរិះគន់នាងជាតារាចម្រៀងដែលស្លៀកពាក់តុបតែងខ្លួនបែបស្រែៗមិនទាន់សម័យដូចតារាស្រីល្បីៗមួយចំនួនឡើយ។ គេមិនដឹងថា ការរិះគន់ និងចំអកមកតារាចម្រៀងរូបនេះ កើតចេញពីប្រភពណាឡើយ ប៉ុន្តែបើតាមអ្វីដែល អ៊ីវ៉ា លើកឡើងនោះ គឺកើតឡើងចេញពីការជជែកគ្នារឿងរូបតូចរូបធំ ដែលទំនងចេញពីផ្ទាំងផ្សព្វផ្សាយ។ ផ្ទាំងផ្សព្វផ្សាយនោះ អាចគេមើលឃើញរូបរបស់ អ៊ីវ៉ា តូចជាតារាផ្សេងទៀត ដែលនោះអាចជាដើមចម និងនាំអោយមានការចំអកពីបញ្ហាខាងលើ មកដល់រូបនាងនាពេលនេះតែម្តង។
តារាចម្រៀងក្នុងផលិតកម្មសាន់ដេ នាង អ៊ី វ៉ា បានលើកឡើងតាមរយៈសំណេរបង្ហោះតាមបណ្តាញសង្គមហ្វេសប៊ុកថា កុំអោយតែដឹងរឿងអី តិចថាគេប្រកែកគ្នារឿងរូបតូចរូបធំ តែគិតតាមការគួរចុះមិនចេះប្រកាន់ផ្តេសផ្តាសទេ ហិហិ សំខាន់ អ៊ីវ៉ា ស្ទាយ៍ដែលៗបែបស្រែៗអត់សិចស៊ី អត់ទាន់សម័យ តែអត់ដែលគេជេរ រិះគន់ ដោយសារការស្លៀកពាក់ទេ បែបនិយមនៃការចូលចិត្តគឺផ្សេងគ្នា គេគឺគេ ខ្ញុំគឺខ្ញុំ ហើយខ្ញុំនៅតែមានមនុស្សដែលចូលចិត្ត និងស្រលាញ់ខ្ញុំ ហើយអូនអ្នកនិយាយថា អ៊ីវ៉ា ស្រែៗ និងចេះរកលុយ មានលុយប្រហែលគេនៅពៅ ហិហិៗ បងសុខចិត្តស្រែៗអោយតែមានលុយ មានអ្វីៗគ្រប់យ៉ាង ដោយសាតែស្ទាយ៍ស្រែៗនេះហើយណាកូនប៉ាៗ។
ដោយឡែកជាមួយនឹងសំណេរវា.យបកខាងលើនេះ អ៊ីវ៉ា ក៏បានបង្ហាញកម្មវិធីដែលនាងនឹងត្រូវឡើងច្រៀងតាមខុនសឺត តាមបណ្តាខេត្តនានាជាបន្តបន្ទាប់ចាប់តាំងពីខែធ្នូ រហូតដល់ចុងខែមករា ឆ្នាំ២០២៣។
ជាការកត់សម្គាល់ រហូតមកទល់នាពេលនេះ តារាចម្រៀង អ៊ីវ៉ា បាននិងកំពុងជ្រកក្រោមផលិតកម្មសាន់ដេដដែល ដោយមិនទាន់លេចលឺចេញពីផលិតកម្មនេះ ដូចតារាចម្រៀងមួយចំនួនទៀតនៅឡើយ។ យ៉ាងណា បើទោះបីជាមានតារាចម្រៀងថ្មីៗកើតឡើងដូចផ្សិតក៏ដោយ ប៉ុន្តែសម្រាប់តារាស្រីរូបនេះ ត្រូវបានគេមើលឃើញថា នាងនៅតែមានទីផ្សារការងារសិល្បៈស្ទើរមិនដាច់ដដែល។
ក្រៅពីអាជីពជាតារាចម្រៀង តារារូបនេះក៏មានអាជីពរកស៊ីបើកលក់បុកល្ហុង និងលក់សម្លៀកបំពាក់តាមអនឡាញផងដែរ។ ជោគជ័យការងារសិល្បៈ និងមុខជំនួញផ្ទាល់ខ្លួននេះ បានធ្វើអោយ អ៊ីវ៉ា អាចមានលទ្ធភាពរស់នៅយ៉ាងសមរម្យ ខណៈពេលដែលនាងទើបតែបង្ហាញវីឡាថ្មីដែលនាងត្រៀមចូលរស់នៅសម្រាប់ឆ្នាំថ្មីនេះផងដេរ៕
ចែករំលែកព័តមាននេះ