រាជធានីភ្នំពេញ ៖ កិច្ចប្រជុំពិភាក្សាប្រាក់ឈ្នួលអប្បបរមា សម្រាប់ផ្នែកវាយនភណ្ឌ កាត់ដេរ និងផលិតផលស្បែកជើង សម្រាប់ឆ្នាំ២០១៨ ផ្នែកនឹងត្រូវចាប់ផ្តើមនៅខែកក្កដាខាងមុខនេះ សម្រាប់ការផ្តើមពិភាក្សាប្រាក់ឈ្នួលអប្បបរមា ជាលក្ខណៈផ្ទៃក្នុងរបស់ភាគីនីមួយៗ ។
រាជធានីភ្នំពេញ ៖ កិច្ចប្រជុំពិភាក្សាប្រាក់ឈ្នួលអប្បបរមា សម្រាប់ផ្នែកវាយនភណ្ឌ កាត់ដេរ និងផលិតផលស្បែកជើង សម្រាប់ឆ្នាំ២០១៨ ផ្នែកនឹងត្រូវចាប់ផ្តើមនៅខែកក្កដាខាងមុខនេះ សម្រាប់ការផ្តើមពិភាក្សាប្រាក់ឈ្នួលអប្បបរមា ជាលក្ខណៈផ្ទៃក្នុងរបស់ភាគីនីមួយៗ ។
នេះបើយោងតាមសេចក្តីប្រកាសព័ត៌មានរបស់ក្រសួងការងារ និងបណ្តុះបណ្តាលវិជ្ជាជីវៈ ចុះថ្ងៃទី១៩ មិថុនា នេះ ។ តាមរយៈសេចក្តីប្រកាសព័ត៌មាននេះ ក្រសួងការងារបណ្តុះបណ្តាលវិជ្ជាជីវៈ ក៏បានសម្រេចនីតិវិធី និងកាលបរិច្ឆេទកំណត់យកខែសីហា និងខែកញ្ញា ឆ្នាំ២០១៧នេះ សម្រាប់ការប្រជុំពិភាក្សាប្រាក់ឈ្នួលអប្បបរមាជាលក្ខណៈទ្វេរភាគី និងត្រីភាគី (គឺមាននិយោជក់ ភាគីរាជរដ្ឋាភិបាលនិងតំណាងសហជីពនានា) ។
សម្រាប់ខែតុលាវិញ ក្រសួងកំណត់សម្រាប់ការប្រជុំប្រាក់ឈ្នួលអប្បបរមាជាលក្ខណៈការបើកប្រជុំគណៈកម្មការប្រឹក្សាការងារ ដើម្បីសម្រេចប្រាក់ឈ្នួលអប្បបរមាផ្នែកវាយនភណ្ឌកាត់ដេរ និងផលិតផលស្បែកជើងសម្រាប់ឆ្នាំ២០១៨ ។ ហើយការប្រកាសទទួលស្គាល់ជាធរ មានប្រាក់ឈ្នួលអប្បបរមាថ្មីនឹងប្រកាសនៅថ្ងៃទី០១ មករា ឆ្នាំ២០១៨ នេះ ។
សូមបញ្ជាក់ថា បច្ចុប្បន្ននេះ ប្រាក់ឈ្នួលអប្បបរមាសម្រាប់កម្មករ-កម្មការិនីផ្នែកវាយនភណ្ឌកាត់ដេរ និងផលិតផលស្បែកជើង គឺចំនួន១៥៣ដុល្លារអាមេរិក តែបើបូកផ្សំប្រាក់អត្ថប្រយោជន៍ផ្សេងទៀត គឺកម្មករ-កម្មការិនី តាមតំបន់សហគ្រាសរោងចក្រខ្លះ អាចទទួលបានពី១៧០ ឬ១៩០ដុល្លារអាមេរិក៕
ចែករំលែកព័តមាននេះ