តើមានមនុស្សប៉ុន្មាននាក់ដែលភ្ញាក់ឡើងហើយទទួលទានកាហ្វេភ្លាមៗ ? ជាតិកាហ្វេអីុនគឺពិតជាពិបាកក្នុងការបដិសេធណាស់។ ប៉ុន្តែតើអ្នកដឹងទេថា កាហ្វេមានអត្ថប្រយោជន៍ជាច្រើនចំពោះសុខភាពស្បែក ?
កាហ្វេពិតជាមានប្រសិទ្ធភាពដ៏មិនគួរឲ្យជឿចំពោះសុខភាពស្បែក ហើយថែមទាំងមានអត្ថប្រយោជន៍ជាច្រើនផងដែរ វាជួយលុបបំបាត់បញ្ហាសម្រស់ទាំងអស់របស់អ្នកក្នុងពេលតែមួយ ។ សូមអានបន្តដើម្បីដឹងពីអត្ថប្រយោជន៍ដ៏អស្ចារ្យនៃកាហ្វេចំពោះសុខភាពស្បែករបស់អ្នក ។
កាហ្វេអាចកាត់បន្ថយការហើមនៅលើស្បែក ជួយឲ្យស្បែកមានភាពភ្លឺថ្លា និងកាត់បន្ថយស្នាមជ្រីវជ្រួយ ។ នៅពេលដែលអ្នកប្រើប្រាស់កាហ្វេជាម៉ាស់បិទមុខ វានឹងជួយពង្រឹងលំហូរឈាមដែលអាចធ្វើឱ្យស្បែករបស់អ្នកមើលទៅម៉ដ្ឋរលោង និងមានជីវិត ។
សារជាតិប្រឆាំងអុកស៊ីតកម្មដែលមានក្នុងកាហ្វេដែលគេស្គាល់ថាជាសារជាតិ flavonoids ត្រូវបានបញ្ចេញនៅពេលអ្នកឆុងកាហ្វេ។ សារធាតុប្រឆាំងអុកស៊ីតកម្មនេះអាចបញ្ច្រាសភាពចាស់ ដោយហេតុនេះវាជួយកាត់បន្ថយស្នាមជ្រីវជ្រួញ និងធ្វើឲ្យស្បែករបស់អ្នកមើលទៅក្មេងជាងវ័យ ។
ខាងក្រោមនេះគឺជាវិធីសាស្ត្រមួយក្នុងការប្រើប្រាស់កាហ្វេដើម្បីថែរក្សាសម្រស់របស់អ្នក ។
ស្ក្រាប់កាហ្វេ ៖
ស្ក្រាប់កាហ្វេនេះនឹងជួយកម្ចាត់កោសិកាស្បែក ចាស់ៗរបស់អ្នក ធ្វើឱ្យស្បែករបស់អ្នកស្អាត និងរលោង ។ ជាតិកាហ្វេនឹងជួយការពារស្បែករបស់អ្នកមិនឲ្យស្ងួតពេក ។
គ្រឿងផ្សំ ៖
-កាហ្វេកិនកន្លះពែង
-ស្ករពណ៌ត្នោតកន្លះពែង
-ប្រេងអូលីវ ១/៤ ពែង
វិធីសាស្ត្រ៖
លាយល្បាយខាងលើក្នុងចានមួយ និងកូរវារហូតទាល់តែក្លាយជាល្បាយស្អិត និងទុកវាចោលមួយភ្លែត ។ លាបស្ក្រាប់នេះលើមុខរបស់អ្នក និងម៉ាស្សាមុខជាចលនារាងរង្វង់ ។ លាងសំអាតមុខរបស់អ្នក បន្ទាប់ពីទុកវាចោលមួយភ្លែត និងជូតដោយក្រណាត់ទន់ស្អាត ។ ប្រើស្ក្រាប់នេះ២ ដងក្នុង១សប្តាហ៍ដើម្បីទទួលបានលទ្ធផលដែលអ្នកចង់បាន ៕
ចែករំលែកព័តមាននេះ