ភាពខ្មៅនៅចន្លោះរវាងភ្លៅ និងតំបន់អាថ៌កំបាំង គឺជាបញ្ហាទាក់ទងនឹងសម្រស់ដែលអាចធ្វើឲ្យអ្នកមានភាពអាម៉ាស់ ប៉ុន្តែសំណាងល្អវាមិនទាក់ទងនឹងបញ្ហាសុខភាពទេ ។
ដោយសារស្បែកនៅតំបន់អាថ៌កំបាំងនេះមានភាពស្តើង ងាយនឹងប្រតិកម្ម វាមិនមែនជារឿងល្អទេ ក្នុងការប្រើប្រាស់ផលិតផលធ្វើឲ្យស្បែកសដែលសម្បូរទៅដោយសារធាតុគីមីដើម្បីកែខៃបញ្ហានេះ ។
មានវិធីសាស្ត្រធម្មជាតិងាយស្រួលជាច្រើនដើម្បីបំបាត់ភាពខ្មៅនៅតំបន់នេះ។ វិធីសាស្ត្រទាំងនេះអាចចំណាយពេលយូរបន្តិច ដូច្នេះអ្នកត្រូវមានភាពអត់ធ្មត់ដើម្បីទទួលបានលទ្ធផលវិជ្ជមាន ។
១-ប្រទាលកន្ទុយក្រពើ
ប្រទាលកន្ទុយក្រពើគឺជាឱសថធម្មជាតិមួយដ៏ពេញនិយមជួយធ្វើឲ្យស្បែកស ។ នៅពេលដែលបានប្រើជាប្រចាំ វាអាចជួយឱ្យស្បែកមានភាពភ្លឺថ្លាជាងមុន និងបន្ថយចំណុចខ្មៅលើស្បែក។ វាថែមទាំងអាចជួយជួសជុលកោសិកាស្បែក និងជំរុញការបង្កើតកោសិកាស្បែកឡើងវិញ ។
-យកជែលចេញពីស្លឹកប្រទាលកន្ទុយក្រពើនេះ ។
-លាបជែលនេះនៅលើកន្លែងស្បែកខ្មៅនៅតំបន់អាថ៌កំបាំងរបស់អ្នក ។
-ទុកវាចោលប្រហែល២០នាទីបន្ទាប់មកលាងវាចេញជាមួយទឹក ។
-ធ្វើដូចនេះម្តងជារៀងរាល់ថ្ងៃដើម្បីទទួលបានលទ្ធផលរហ័ស ។
២-ទឹកក្រូចឆ្មារ
ទឹកក្រូចឆ្មារជាឱសថធម្មជាតិជួយធ្វើឲ្យស្បែកមានភាពសស្អាតបានយ៉ាងមានប្រសិទ្ធ ភាពដោយសារតែលក្ខណៈសម្បត្តិនៃទឹកអាស៊ីតរបស់វា ។ វីតាមីន C នៅក្នុងទឹកក្រូចឆ្មារក៏អាចជួយកម្ចាត់កោសិកាស្លាប់ និងធ្វើឱ្យសុខភាពស្បែកទូទៅមានភាពប្រសើរឡើងផងដែរ។ វាក៏ជួយពន្លឿនការបង្កើតកោសិកាស្បែកដែលមានសុខភាពល្អឡើងវិញ ។
កាត់ផ្លែក្រូចឆ្មារជាពីរ និងត្រដុសវាត្រង់ស្បែកខ្មៅរយៈពេលពីរទៅបីនាទី។ ទុកទឹកក្រូចឆ្មារលើស្បែករយៈពេល១០ទៅ១៥នាទី ។ លាងជម្រះវាចេញជាមួយទឹកក្តៅ ឧណ្ណៗ ។
ដោយសារទឹកក្រូចឆ្មារអាចធ្វើឲ្យស្បែករបស់អ្នកស្ងួត ដូច្នេះអ្នកគួរតែលាបផលិតផលផ្តល់សំណើមដល់ស្បែករបស់អ្នក ឬលាបប្រេងដូងបន្ទាប់ពីការអនុវត្តវិធីនេះ ។
៣-ទឹកត្រសក់
ទឹកត្រសក់មានលក្ខណៈសម្បត្តិធ្វើឲ្យស្បែកស។ វីតាមីន A ដែលមាននៅក្នុងផ្លែត្រសក់អាចជួយបន្ថយភាពខ្មៅលើស្បែកដោយជួយគ្រប់គ្រងការផលិតជាតិមេឡានីនរបស់ស្បែក ។ លើសពីនេះជាតិទឹកខ្ពស់ជួយរក្សាសំណើមដល់ស្បែក និងធ្វើឲ្យស្បែកភ្លឺរលោង ។
លាបទឹកត្រសក់នៅលើស្បែកខ្មៅនៃកន្លែងអាថ៌កំបាំងរបស់អ្នក។ ទុកវាចោលរយៈពេល១០ ទៅ១៥នាទី បន្ទាប់មកលាងវាចេញជាមួយទឹកត្រជាក់ ។ ធ្វើដូចនេះពីរដងជារៀងរាល់ថ្ងៃដើម្បីទទួលបានលទ្ធផលឆាប់រហ័ស ។
៤-សម្បកក្រូច
ជំនួសឱ្យការបោះចោលសម្បកក្រូច បន្ទាប់ពីអ្នកទទួលទានក្រូចហើយ អ្នកអាចប្រើសម្បកវាដើម្បីធ្វើឲ្យស្បែកនៅតំបន់អាថ៌កំបាំងរបស់អ្នកមានភាពសភ្លឺថ្លាឡើងវិញ ។ សម្បកក្រូចនេះមាននាទីធ្វើឲ្យស្បែកសពីធម្មជាតិ និងអាចជួយបន្ថយភាពខ្មៅលើស្បែក ។
សម្បកនេះមានផ្ទុកវីតាមីន C ច្រើនជាងសាច់ក្រូចរបស់វា ។ វីតាមីននេះដើរតួនាទីយ៉ាងសំខាន់ក្នុងការប្រយុទ្ធប្រឆាំងនឹងរ៉ាឌីកាល់សេរីដែលអាចបំផ្លាញតួនាទីរបស់កោសិកាស្បែក និងអាចធ្វើឱ្យស្បែករបស់អ្នកមានភាពចែងចាំង ៕
ចែករំលែកព័តមាននេះ