ADផ្ទាំងផ្សព្វផ្សាយពាណិជ្ជកម្ម

Picture

សម្រស់​កោះ​ហាន ទីឋាន​សួគ៌​ដ៏​ត្រជាក់​ភ្នែក​បំបាត់​អស់​ទុក្ខ​កង្វល់

1 ខែ មុន
  • ស្ទឹងត្រែង

កោះ​ហាន គឺជា​ឈ្មោះ​មួយ​ក្នុង​ចំណោម​ដី​កោះ​ជា​ច្រើន ស្ថិត​នៅ​ឃុំ​កោះ​ស្នែង ស្រុក​បុរី​អូរ​ស្វាយ​សែន​ជ័យ ហើយ​ក៏​ជា​ដី​កោះ​ដែល​មាន​សម្រស់​ទាក់ទាញ​ផ្នែក​អេកូ​ទេស​ចរណ៍ធម្មជាតិ​ដ៏​សម្បូរ​បែប​ផង​ដែរ​។ នៅ​លើ​ទំហំ​បរិវេណ​កោះ​ហាន មាន​សក្តានុ​ពល ជីវៈចំរុះ ដូច​ជា

ខេត្តស្ទឹងត្រែង ៖ កោះ​ហាន គឺជា​ឈ្មោះ​មួយ​ក្នុង​ចំណោម​ដី​កោះ​ជា​ច្រើន ស្ថិត​នៅ​ឃុំ​កោះ​ស្នែង ស្រុក​បុរី​អូរ​ស្វាយ​សែន​ជ័យ ហើយ​ក៏​ជា​ដី​កោះ​ដែល​មាន​សម្រស់​ទាក់ទាញ​ផ្នែក​អេកូ​ទេសចរណ៍ធម្មជាតិ​ដ៏​សម្បូរ​បែប​ផង​ដែរ​។ នៅ​លើ​ទំហំ​បរិវេណ​កោះ​ហាន មាន​សក្តានុពល ជីវៈចំរុះ ដូច​ជាដើម​ឬ​ស​ឈើ​ព​ប្រះ​ទឹក ហ្វូង​សត្វ​ស្លាប ទឹកទន្លេ​ត្រជាក់ និង​ដី​កោះ​ខ្សាច់​ពណ៌​មាស ។​ល​។ គឺ​ស្ថិត​ក្នុង​តំបន់​រាំ​សារ​។

Picture

ហើយដោយ​សារ​តំបន់​ដី​កោះ​នោះ អំ​ណោ​ច​ផល​ទាក់ទាញ​ផ្នែក​ទេសចរណ៍ តំបន់​ដី​កោះ​នោះ​ក៏​ត្រូវ​បាន​រៀ​ចំ​បង្កើត​ឡើង​អោយទៅ​ជា​សហគមន៍​អេកូ​ទេសចរណ៍ សម្រស់​កោះ​ហាន បែប​ធម្មជាតិ​។ សហគមន៍​អេកូ​ទេសចរណ៍​សម្រស់​កោះ​ហាន ស្ថិត​លើ​ដី​កោះ​ក្នុង​ឃុំ​កោះ​ស្នែង ហើយ​យើង​អាច​ធ្វើ​ដំណើរ​ឆ្លង​តាម​ស្ពាន​សេ​កុង ផ្លូវជាតិ​លេខ​៧ ពី​ទី​រួម​ខេត្តស្ទឹងត្រែង ដែល​មាន​ចម្ងាយ​ប្រហែល​២៤​គីឡូម៉ែត្រ ទៅ​ដល់​កំពង់ដរ​ចម្លង​សហគមន៍ និង​ជិះទូក​បន្ត​ឆ្ពោះទៅ​កាន់​ឃុំ​កោះ​ស្នែង និង​មាន​សហគមន៍​រង់ចាំ​ទទួល​។

Picture

សហគមន៍​អេកូ​ទេសចរណ៍​សម្រស់​កោះ​ហាន មាន​ចំនួន​៤​ភូមិ គឺ​ភូមិ​កោះ​ស្នែង ភូមិ​កោះ​កី ភូមិ​កោះ​ស្រឡៅ និង​ភូមិ​ជាំ​ធំ ហើយ​សហគមន៍​អេកូ​ទេសចរណ៍​សម្រស់​កោះ​ហាន​នេះ បង្កើត​ឡើង​នៅ​ឆ្នាំ​២០១៦ ក្រោម​ការ​ជួយ​គាំទ្រ​ពី​អង្គការ​កម្មវិធី​ផ្លាស់​ប្ដូរ​បទ​ពិសោធន៍​អនុ​ផល​ព្រៃឈើ​កម្ពុជា (NTFP_EP) សហការ​ជាមួយ​អាជ្ញាធរ​មូលដ្ឋាន​ភូមិ ឃុំ ស្រុក មន្ទីរ​បរិស្ថាន និង​មន្ទីរ​ទេសចរណ៍​ខេត្តស្ទឹងត្រែង ដើម្បី​បង្កើន​ប្រាក់​ចំណូល​បន្ថែម លើក​ស្ទួយ​ជីវភាព​ប្រជា​សហគមន៍​ក្នុង​តំបន់ ជា​ពិសេស​បាន​ជួយ​ស្ត្រី​មេម៉ាយ យុវជន និង​សហគមន៍​ទាំងមូល ដោយ​សហគមន៍​បាន​បំរើសេវា​កម្ម​ផ្សេង​ៗ​ជូន​ភ្ញៀវ​ក្នុង​សហគមន៍​ផង​ដែរ​។

Picture

ទីតាំង​តំបន់​ទេសចរណ៍​ក្នុង​សហគមន៍ មាន​៩​កន្លែង ដូច​ជា ៖ ១- ព្រៃ​អ្នកតា / Prey Nek Ta 3km​។ ២- កោះ​សំបួរ / Koh Sambuo 5km​។ ៣- ក្បាលកោះ​ស្នែង / Kbal Koh Snaeng 1km​។ ៤- ក្បាលកោះ​ទន្លេ​មួយ /Kbal Koh Tunle Muoy 3km​។ ៥- ភ្នំ​ត្រងើល / Trangeul mountain 7km​។ ៦- អន្លង់​ថ្មកំបោរ / Anlong Thmor Kambor 7Km​។ ៧- វាល​ព្រ​លាន / Veal Pro Lean 11Km​។ ៨- កន្ទុយ​កោះ​ហាន / Kantuy Koh Han 5km និង​៩- ក្បាលកោះ​ហាន / Kbal Koh Han 1 km​។ ហើយ​ក្នុង​កន្លែង​នីមួយ អ្នក​ទស្សនា​អាច​ទៅ​លេង​បាន​ដូច​ជា​៖ ជិះទូក​មើល​ព្រៃ​លិច​ទឹក សត្វ​ស្លាប​ទឹកទន្លេ​មេគង្គ និង​ឡើង​ភ្នំ ទស្សនា​រូបសំណាក់​ថ្ម​ពាក់ព័ន្ធ​រឿងព្រេង (​ថ្មកំបោរ​) បោះ​តង់​មើល​ថ្ងៃ​លិច និង​ជិះទូក​កៃ​យ៉ាក់ ពិសារ​អាហារ​ប្រចាំ​តំបន់ ដែល​រៀបចំ​ដោយ​សហគមន៍​ផ្ទាល់ ស្នាក់​នៅផ្ទះ​ស្នាក់​សហគមន៍ និង​រៀនសូត្រ​ពី​ជីវភាព​រស់នៅ​របស់​អ្នក​លើ​កោះ​ផង​ដែរ​។

Picture

ទាក់ទង​ទៅ​នឹង​សេវាកម្ម​របស់​សហគមន៍​នេះ​មាន​៖ សេវា​ម្ហូបអាហារ សេវា​ផ្ទះ​ស្នាក់​សហគមន៍ សេវា​អ្នក​នាំ​ភ្ញៀវ សេវា​ទូក​ដឹក​ភ្ញៀវ សេវា​បោះ​តង់​លើ​កោះ សេវា​សន្តិសុខ​សណ្ដាប់ធ្នាប់ សេវា​បរិស្ថាន និង​អនាម័យ សេវា​ដាំ​កូន​ឈើ និង​សេវា​ជិះ​កង់​លើ​កោះ​ផង​ដែរ​៕

Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023