រាជធានី​ភ្នំពេញ ៖ ថ្មី​ៗ​នេះ មានការ​ភ្ញាក់ផ្អើល​ជា​ខ្លាំង ក្រោយ​ពី​បានដឹង​ដំណឹង​យ៉ាង​ព្រោងព្រាត​ពាសពេញ​បណ្ដាញ​សង្គម ពាក់ព័ន្ធ និង​រឿងរ៉ាវ​អ្នកគ្រប់គ្រង​កម្មវិធី​ដ៏​ល្បីល្បាញ​មួយ​រូប​នៅ​ក្នុង​ប្រទេស​កម្ពុជា​នោះ គឺ​លោក អ៊ិ​ន សុ​ភិន ដែល​ជា​ស្ថាបនិក​កម្មវិធី​បវរកញ្ញា​ដ៏​ធំ​មួយ មានការ​លើក​ឡើង​ក្ដៅ​ៗ​គួរ​ឱ្យ​ចាប់អារម្មណ៍ និង​ស្ទើរ​មិន​គួរ​អោយ​ជឿ​រហូត​ធ្វើ​អោយ​អ្នកគាំទ្រ​ហាក់​ស្រឡាំងកាំង​និយាយ​មិន​ចេញ​គ្រប់​ៗ​គ្នា​តែ​ម្ដង ។

សម្រាប់​ទស្សនិកជន​ដែល​តែងតែ​ស្រឡាញ់​ចូល​ចិត្ត និង​គាំទ្រ​វិស័យ​បវរកញ្ញា លោក អ៊ិ​ន សុ​ភិន ស្ថាបនិក Miss Grand Cambodia ត្រូវ​បាន​បញ្ចប់​កុងត្រា​ជាមួយ​ស្ថាប័ន Miss Grand International ហើយ បន្ទាប់​ពី​អ្នកគ្រប់គ្រង​រូប​នេះ លោក​បាន​ទិញ​សិទ្ធិ​រៀបចំ​កម្មវិធី​ប្រកួត​បវរកញ្ញា​ដ៏​ធំ​មួយ​នេះ​អស់​រយៈពេល​៣​ឆ្នាំ ពោល គឺ​ចាប់តាំងពី​ឆ្នាំ​២០២០, ២០២១ និង​ឆ្នាំ ២០២២​មក​ដល់​បច្ចុប្បន្ន​នេះ​។

នេះ​បើ​យោង​ទៅ​តាម​គណនី​ផេ​កមួយ​ដែល​មានឈ្មោះ​ថា​«Team Cambodia Pageant »​បាន​បង្ហោះ​រូប​លោក​អ៊ិ​ន សុ​ភិន​មួយ​សន្លឹង និង​ភ្ជាប់​ជាមួយ​សារ​ដោយ​សរសេរ​រៀបរាប់​បែប​នេះ​ថា​«​ទទួល​ដំណឹង​មក​ថា ប៉ា​ភី​ន នឹង​បញ្ចប់​កុងត្រា​ជាមួយ Miss Grand International ហើយ​។​ដោយ​មិន​មានការ​ប្រកួត Miss Grand Cambodia ក្រោម​ការ​គ្រប់គ្រង​របស់ ប៉ា​ភី​ន ទៀត​នោះ​ឡើយ​»​។

យ៉ាងណាមិញ ចំពោះ​ព័ត៌មាន​ដែល​បាន​បែកធ្លាយ​នៅ​ពាក្យ​ចចាមអារ៉ាម​ពាក់ព័ន្ធ​នឹង​ការ​បញ្ចប់​កុងត្រា​ខាងលើ​នេះ​ដែរ ប្រសិនបើជា​ការ​ពិត​នោះ​មាន​ន័យ​ថា នៅ​ឆ្នាំ​២០២៣ ការ​ប្រកួត​ជ្រើសរើស​បវរកញ្ញា Miss Grand Cambodia 2023 លែង​ស្ថិត​ក្នុង​ការ​គ្រប់គ្រង​របស់​លោក អ៊ិ​ន សុ​ភិន​ទៀត​ហើយ​។

មិន​បង្អង់​យូរ បន្ទាប់​ពី​មានការ​លើក​ឡើង​មិន​ឈប់​ខ្លាំង​ពេក ស្រាប់តែ​លោក​អ៊ិ​ន សុ​ភិន ដែល​ជា​អ្នកគ្រប់គ្រង​កម្មវិធី​Miss Grand Cambodia បាន​ចេញ​មុខ​មក​បង្ហោះ​សារ​បញ្ជាក់​យ៉ាង​ច្បាស់​ៗ​ថា​«​ខ្ញុំ​សុំ​ឈប់​ធ្វើ Miss Grand Cambodia ចាប់ពី​ឆ្នាំ​2023​តទៅ ដោយ​មូលហេតុ​ចង់​សម្រាក​ពី​ការងារ​ផ្នែក​មួយ​នេះ អរគុណ​សម្រាប់​ការ​គាំទ្រ​កន្លង​មក​»​។

ក្រោយ​បានលឺ​បែប​នេះ ភ្លាម​ក៏​មាន​អ្នក​ចូល​ទៅ​ខ​មិន​បញ្ចេញមតិ​លើក​ឡើង​ចំ​ៗ​យ៉ាង​ដូច្នេះ​ថា​«​អរគុណ​ពូ​សម្រាប់​កន្លង​មក​ដែល​មាន​ធ្វើ​ឲ្យ​មានការ​ប្រកួត​ឈុត​ហែល​ទឹក​លើក​ដំបូង និង​សមិទ្ធផល​ជា​ច្រើន​ទៀត​ដែល​កម្ពុជា​ទទួល​បាន​»«​យ៉ាងណា​ក៏​នៅ​តែ​គោរព​ស្រលាញ់​គាត់​ដ៏​ដែល​» «3​ឆ្នាំ​ចុង​ក្រោយ​នេះ​គាត់​ធ្វើ​បាន​ល្អ​ណាស់​»«​សូម​សរសើរ​ក្រោម​ការ​គ្រប់គ្រង​របស់​គាត់ បវរកញ្ញា​ចូល​top​កំពូល​ទាំងអស់​»«​ស្ដាយ​ព្រោះ​ពេល​គាត់​កាន់​បាន​ធ្វើ​ឱ្យ​យើង​បាន​ស្គាល់ MG Cambodia និង MGC បាន​ពាន​រាល់​ឆ្នាំ​ដែរ​»«​ទោះបី​មានរឿង​ប្លែក​ៗ​ច្រើន តែ​តាម​ប្រទេស​ដែល​គ្រប់គ្រង​MISS GRAND​តែងតែមាន​Drama​គ្រប់​រឿង បី​ឆ្នាំ​ដែល​គាត់​កាន់ គឺ​បវរកញ្ញា​MISS GRAND CAMBODIA ផ្ទុះ​ខ្លាំង​ៗៗៗ អាច​ថា គាត់​ជា​DIRECTOR ដំបូង​ដែល​ធ្វើ​អោយ​មាន​NATIONAL COSTUME ក្នុងស្រុក គាំទ្រ​គាត់​ជា​និច្ច ទោះបី​មាន​ចន្លោះ​ខ្វះខាត​ខ្លះ​ៗ»«​សោកស្ដាយ​សម្រាប់​ការ​លាលែង​របស់​គាត់ ព្រោះ​ធ្វើ​ជា​អ្នកគ្រប់គ្រង​ជា​អ្នកដឹកនាំ​កម្មវិធី​លក្ខណៈ​អន្តរជាតិ​មួយ​ៗ មិន​ងាយ​ទេ ។

សម្រាប់​យើង​មើល​នឹង​ភ្នែក​ស្រួល​ណាស់ តែ​អ្នក​ដែល​កាន់​ការងារ​បែប​នេះ​ជាក់ស្ដែង​ទើប​យល់​» «​ខ្ញុំ​ពិតជា​មិន​ចង់​ឲ្យ​គាត់​ឈប់​កាន់​កម្មវិធី​ទេ​ព្រោះ​គាត់​កាន់​បាន​ល្អ​កម្ពុជា​យើង​ទទួល​បាន top 3 ឆ្នាំ​ជាប់​គ្នា​»​អ្នកខ្លះ​ទៀត​បាន​និយាយ​ថា​«​រោម​ការ​គ្រប់គ្រង​របស់​គាត់​ទោះ​មានការ​ខ្វះចន្លោះ​តែ​បី​ឆ្នាំ​ជាប់​គ្នា​នេះ miss​ម្នាក់​ៗ​ថ្មី​ខ្លាំង​ជាប់​ចេញ​មក​ដឹង​តែ​មាន​គេ​ទទួលស្គាល់​តែ​ម្តង នឹង​ចាប់អារម្មណ៍​ខ្លាំង​ពី​មហាជន​»«3​ឆ្នាំ​នេះ​វា​មិនមែន​ជា​រឿង​ងាយ​ទេ​ទាំង​កា​រស​សើ​រទាំង​ការ​រិះគន់​ដើរ​ទន្ទឹម​គ្នា តែ​អ្វី​ដែល​សំខាន់​3​ឆ្នាំ​នេះ យើង​ទទួល​បាន​កំពូល​នារី​3​រូប​ដែល​បាន​បំបែក​កំណត់​ត្រា​ចូល​top​ក្រោម​ការ​គ្រប់គ្រង​របស់​លោកពូ​»«​មួយ​ចំនួន​បាន​លើក​ឡើង​បែប​នេះ​ថា​«​មូលហេតុ​បញ្ឈប់​កុងត្រា​ទៀត ដោយសារ​ឆ្នាំ​2022​អត់ រក​លុយ​អោយ​កម្មវិធី​របស់​កម្ពុជា​បែ​ជា​រក​លុយ​អោយ​ថៃ​ទៅ​វិញ​»៕ ដោយ ៖ សុភា ដាណែត