ទស្សនិកជនដែលបានចូលទៅទស្សនាភាពរឿង «ស្នេហាល្ងង់+ល្ងង់» បានផ្ទុះការចាប់អារម្មណ៍យ៉ាងខ្លាំង បន្ទាប់ពីផ្ទៃរឿងមួយនេះ បានបង្កប់ឈុតឆាកស្នេហាបែបរោ.លរាល និងស៊ីអារម្មណ៍ ដែលត្រូវបានគេចាត់ទុកជារឿងដ៏
រាជធានីភ្នំពេញ ៖ ទស្សនិកជនដែលបានចូលទៅទស្សនាភាពរឿង «ស្នេហាល្ងង់+ល្ងង់» បានផ្ទុះការចាប់អារម្មណ៍យ៉ាងខ្លាំង បន្ទាប់ពីផ្ទៃរឿងមួយនេះ បានបង្កប់ឈុតឆាកស្នេហាបែបរោ.លរាល និងស៊ីអារម្មណ៍ ដែលត្រូវបានគេចាត់ទុកជារឿងដ៏សិចស៊ី (១៨+) មួយប្រចាំឆ្នាំ។ រឿង «ស្នេហាល្ងង់+ល្ងង់»នេះ ត្រូវបានផលិតឡើងដោយផលិតកម្មក្នុងស្រុកមួយ និងត្រូវបានដាក់បញ្ចាំងតែនៅលើ APP របស់ផលិតកម្មនេះប៉ុណ្ណោះ ខណៈពេលរឿងនេះចូលរួមសម្តែងដោយតារាស្រីនាង ហ្វា ហ្វា និងតួឯកប្រុសលោក ឡៅ បញ្ញា ជាអតីតម្ចាស់ជ័យលាភីចំណាត់ថ្នាក់លេខ២ ក្នុងកម្មវិធីប្រកួតបុរសឯក Mister Asian International 2019។
ក្នុងពេលដែលទស្សនិកជនជាច្រើនបានផ្ទុះការចាប់អារម្មណ៍ និងមានការជជែកវែកញែកគ្នាពាសពេញបណ្តាញសង្គមទៅលើផ្ទៃសាច់រឿងដែលត្រូវបានផ្សព្វផ្សាយ គេសង្កេតឃើញមានមហាជនខ្លះក៏មានការសរសើរថាល្អមើល និងមហាជនខ្លះទៀតក៏បានរិះគន់នូវឈុតសម្តែងនៅក្នុងផ្ទៃរឿងយ៉ាងចាស់ដៃផងដែរ។
មហាជនខ្លះបានចូលទៅធ្វើការខំមិនពីក្រោមរូបភាព Poster ផ្សព្វផ្សាយរឿងខាងលើ ដែល ហ្វា ហ្វា បានបង្ហោះតាមគណនីហ្វេសប៊ុករបស់ខ្លួន ដោយមានអ្នកខ្លះបាននិយាយដោយពាក្យបញ្ចោចបញ្ចើ លេបខាយ ក្នុងពេលដែលគេបានឃើញឈុតសម្តែងរបស់នាងជាមួយតួប្រុសមើលសិចស៊ី ក្តៅរោ.លរាលយ៉ាងខ្លាំង។
ទន្ទឹមនឹងការខំមិនលើរូបភាពនៅក្នុងឈុតនៃរឿងខាងលើ គេក៏សង្កេតឃើញមានការកាត់ប្លង់មួយចំនួនយកមកធ្វើការលេងសើច (Troll) និងបានចែកចាយពេញបណ្តាញសង្គមផងដែរ ដោយនៅក្នុងនោះគេក៏បានឃើញអ្នកលេងហ្វេសប៊ុកខ្លះហាក់សម្តែងការមិនគាំទ្រនូវការថតបែបអា.សអាភា.សបែបនេះឡើយ។
ជាក់ស្តែងគណនីហ្វេសប៊ុកបុរសមួយរូប បានលើកឡើងថា សិល្បៈភាពយន្ត គឺជាកញ្ចក់ឆ្លុះបញ្ចាំងពីសង្គម តែសិល្បៈនៅតែជាសិល្បៈ មិនមែនជាការពិតទេ។ លោកបញ្ជាក់ថា ខ្ញុំមិនគាំទ្រចំពោះការថតបែបអា.សអាភា.សទាំងស្រុងឡើយ តែខ្ញុំគាំទ្រការថតឈុតឆាករួមមេត្រីភាពបែបសិល្បៈពិតប្រាកដ ក្នុងក្របខណ្ឌត្រឹមត្រូវមួយ ជាមួយនឹងបំរាមហាមក្មេងក្រោមអាយុទស្សនា ប្រទេសណា ជំនាន់ណា ក៏មានការថតបែបនេះដែរ តែមានការគ្រប់គ្រងត្រឹមត្រូវក្នុងដែនកំណត់ច្បាស់លាស់មួយ។
ពាក់ព័ន្ធទៅនឹងការយល់ឃើញបែបអវិជ្ជមាន និងការរិះគន់ពីមហាជននាពេលនេះ តារាសម្តែង ហ្វា ហ្វា បានក៏លើកឡើងនិយាយពីឈុតឆាកសម្តែងក្នុងរឿងមួយនេះ ដោយនៅក្នុងនោះ នាងបានស្នើឲ្យទស្សនិកជនចូលទៅមើលរឿងខាងលើឲ្យដល់ចប់ ទើបយល់ពីសាច់រឿងទាំងមូល។
នាងបានលើកឡើងថា «អរគុណបង ដែលបងយល់ពីការលះបង់ និងក្តីស្រលាញ់ក្នុងវិស័យសិល្បៈខ្មែរនេះ ពេលថតមានទាំង director ក្រុមការងារ តួ ពួកយើងខំប្រឹងទាំងអស់គ្នាដោយមិនដែលគិតថា ពេលយប់ ឬក៏ថ្ងៃ ពេលខ្លះថត រហូតមិនមានពេលសម្រាប់គ្រួសារផង សូមបងប្អូនចូលទៅមើលរឿងមួយនេះដល់ចប់ ទើបយល់ពីសាច់ថា អប់រំបែបណា»។
នាងបញ្ជាក់ថា «កន្លងមក ទស្សនិកជនធ្លាប់ឃើញការសម្តែងរបស់នាងរួចហើយ ដោយភាគច្រើននាងសម្តែងជាតួអង្គបែបសិចស៊ី និងដណ្តើមតួអង្គប្រុស ប៉ុន្តែការសម្តែងក្នុងរឿងនេះ គឺប្លែកខ្លាំងពីរឿងណាៗទាំងអស់»។ នាងថា «ប្លែកខ្លាំងដោយសារឈុតឆាកខ្លះនាងសម្តែងជាស្នេហាបែបរោ.លរាលខ្លាំង រហូតឈុតខ្លះស្ទើរតែចេញរូបរាងកាយមកក្រៅ ប៉ុន្តែអំឡុងពេលថតនោះ គឺយើងមានការបិទបាំងខ្លះៗដែរ»។
នាងបន្ថែមថា «នេះជាលើកទីមួយហើយ ដែលនាងសម្តែងឈុតបែបនឹង ប៉ុន្តែនាងក៏សប្បាយចិត្តនៅក្នុងការសម្តែងនេះដែរ ព្រោះវាជាបទពិសោធន៍ថ្មី ដើម្បីយកមកអភិវឌ្ឈនៅក្នុងអាជីពសិល្បៈរបស់នាងបន្ថែមទៀត»។ យ៉ាងណាបើតាម ហ្វា ហ្វា ថា «នៅក្នុងរឿងនេះ នាងទទួលស្គាល់ថា វាពិតជាពិបាកស្ទើរតែគ្រប់ឈុតសម្តែងទាំងអស់ ដោយសារនាងនៅមានការខ្មាស់អៀនច្រើន ប៉ុន្តែនាងនៅតែព្យាយាមសម្តែងបាន ក្រោមការណែនាំពីអ្នកដឹកនាំរឿង»៕
ចែករំលែកព័តមាននេះ