ឥតល្ហែ! គ្រប់កន្លែងចាប់មិនចេះអស់សោះ
រាជធានីភ្នំពេញ ៖ ជនជាតិវៀតណាមប្រុសស្រី១១នាក់ត្រូវកម្លាំងនគរបាលនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ឃាត់ខ្លួនដោយស្នាក់នៅខុសច្បាប់ ។ ការឃាត់ខ្លួននេះ
រាជធានីភ្នំពេញ ៖ ជនជាតិវៀតណាមប្រុសស្រី១១នាក់ត្រូវកម្លាំងនគរបាលនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ឃាត់ខ្លួនដោយស្នាក់នៅខុសច្បាប់ ។ ការឃាត់ខ្លួននេះធ្វើឡើងកាលពីវេលាម៉ោង៦ព្រឹក ថ្ងៃទី០៦ ខែមិថុនា ឆ្នាំ២០១៧ បន្ទាប់ពីសមត្ថកិច្ចចម្រុះចុះត្រួតពិនិត្យនៅតាមបណ្តោយមាត់ទន្លេសាប ក្នុងភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ។
ប្រតិបត្តិការនេះដឹកនាំដោយលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍។
តាមព័ត៌មានឱ្យដឹងថា នៅវេលាព្រឹកព្រលឹមនគរបាលបានធ្វើការឡោព័ទ្ធភូមិនិគមន៍ជនជាតិវៀតណាមស្នាក់ ដើម្បីធ្វើការត្រួតពិនិត្យលិខិតស្នាម ។ នៅព្រឹកនោះសមត្ថកិច្ចរកឃើញជនជាតិវៀតណាមចំនួន៥៥នាក់ ស្រី១៩នាក់ ដែលពុំមានលិខិតស្នាមស្នាក់នៅស្របច្បាប់ ហើយក្នុងនោះមាន១១នាក់ ស្រី៤នាក់គ្មានឯកសារ និងកាន់ឯកសារថតចម្លងត្រូវនគរបាលនាំខ្លួនបញ្ជូនមកកាន់អគ្គនាយកដ្ឋានអន្តោប្រវេសន៍ ដើម្បីត្រួតពិនិត្យឯកសារតាមនីតិវិធីច្បាប់៕
ចែករំលែកព័តមាននេះ