ដេកលង់លក់ក្នុងដំណេក លុះព្រឹកឡើងផ្អើលឆោឡោ
រាជធានីភ្នំពេញ ៖ លំនៅឋានមួយកន្លែងដែលម្ចាស់ដេកលង់លក់ត្រូវក្រុមចោរធ្វើសកម្មភាពឆ្កិះសោទ្វារចូលលួចយកប្រាក់ និងសម្ភារមួយចំនួន ហេតុការណ៍នេះបង្កឱ្យមានការភ្ញាក់ផ្អើលកាលពី
រាជធានីភ្នំពេញ ៖ លំនៅឋានមួយកន្លែងដែលម្ចាស់ដេកលង់លក់ត្រូវក្រុមចោរធ្វើសកម្មភាពឆ្កិះសោទ្វារចូលលួចយកប្រាក់ និងសម្ភារមួយចំនួន ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៦ព្រឹក ថ្ងៃទី៦ ខែមិថុនា ឆ្នាំ២០១៧ នៅចំណុចផ្ទះលេខ១១២៤ ផ្លូវលេខ៩៩RB ក្នុងភូមិបឹងសាឡាង ខណ្ឌឬស្សីកែវ ។
ម្ចាស់ផ្ទះដែលចោរចូលលួចឈ្មោះ ផល្លី តាំងយូ ភេទស្រី អាយុ២៨ឆ្នាំ មុខរបរជាកម្មកររោងចក្រ ស្នាក់នៅភូមិ-ឃុំកើតហេតុខាងលើ។
បើតាមម្ចាស់ផ្ទះឱ្យដឹងថា នៅវេលាម៉ោងប្រមាណជាង១០យប់ ថ្ងៃទី០៥ រូបគាត់និងប្តីជាជនជាតិចិនបានទុកម៉ូតូនៅក្នុងផ្ទះ រួចចាក់សោទ្វាររបង តែមិនបានចាក់សោរទ្វារផ្ទះនោះទេ ។ ចំណែកប្រាក់៤.៣០០ដុល្លារទុកក្នុងថតតុនៅលើបន្ទប់ឡៅតឿ ហើយនាំប្តីនិងប្អូនស្រីបង្កើតទៅនៅបន្ទប់ជាន់ទី១។ លុះព្រឹកឡើងស្រាប់តែឃើញទ្វាររបង និងទ្វារផ្ទះចំហ ក៏ស្រែកហៅឱ្យក្រោក និងមើលរបស់របរ តែប្រាក់ត្រូវចោរលួចអស់។ ហើយរបស់របរដែលលួចនោះមានលុយចំនួន៤.៣០០ដុល្លារ, ម៉ូតូម៉ាកស្កុបពីមួយគ្រឿង និងទូរស័ព្ទដៃមួយគ្រឿង ដែលសរុបទឹកប្រាក់អស់ប្រមាណជាង៥.០០០ដុល្លារ ។ បន្ទាប់ពីចោរឆ្កិះសោចូលលួចរួច នៅវេលាម៉ោងប្រមាណ១១ព្រឹក ក៏បានទៅដាក់ពាក្យប្តឹងនៅប៉ុស្តិ៍នគរបាលរដ្ឋាបាលឬស្សីកែវ ដើម្បីឱ្យជួយស្រាវជ្រាវរក៕
ចែករំលែកព័តមាននេះ