រាជធានីភ្នំពេញ ៖ លោកស្រីតែ ម៉ានីរ៉ុង សមាជិកគណៈកម្មាធិការជាតិរៀបចំការបោះឆ្នោត បានថ្លែងនៅក្នុងសន្និសីទកាសែតផ្សាយបិទការឃោសនាបោះឆ្នោត នៅថ្ងៃទី០២ មិថុនា ស្ថិតនៅទីស្តីការ គ.ជ.ប ថា គិតមកទល់ថ្ងៃបិទការឃោសនាបោះឆ្នោត១៤ថ្ងៃ គ.ជ.
រាជធានីភ្នំពេញ ៖ លោកស្រីតែ ម៉ានីរ៉ុង សមាជិកគណៈកម្មាធិការជាតិរៀបចំការបោះឆ្នោត បានថ្លែងនៅក្នុងសន្និសីទកាសែតផ្សាយបិទការឃោសនាបោះឆ្នោត នៅថ្ងៃទី០២ មិថុនា ស្ថិតនៅទីស្តីការ គ.ជ.ប ថា គិតមកទល់ថ្ងៃបិទការឃោសនាបោះឆ្នោត១៤ថ្ងៃ គ.ជ.ប បានទទួលពាក្យបណ្តឹងសរុប៧៩ពាក្យបណ្តឹង នៅថ្នាំឃុំ-សង្កាត់រៀបចំការបោះឆ្នោត ខេត្តរៀបចំការបោះឆ្នោត និងគណៈកម្មាធិការ ជាជាតិរៀបចំការបោះឆ្នោត ។
លោកស្រីបានលើកឡើងថា ជាទូទៅសកម្មភាឃោសនា សម្រាប់អាណត្តិទី៤នៃការឃោសនាបោះឆ្នោតឃុំ-សង្កាត់ បានលក្ខណៈល្អប្រសើរជាងអាណត្តិមុនៗ ព្រោះគណបក្សនយោបាយ ដែលបានចូលរួមការឃោសនា មានភាពចាស់ទុំ នយោបាយនិងមិនមានអំពើហិង្សាកើតឡើងនោះទេ ក្នុងកំឡុងឃោសនា១៤ថ្ងៃនេះ ។
លោកស្រីបានលើកឡើងថា ក្នុងចំណោមពាក្យបណ្តឹង៧៩ ក្នុងនោះមាន៥៣ពាក្យបណ្តឹងរបស់គណបក្សប្រជាជនកម្ពុជា ។ ពាក្យបណ្តឹង២០ ជារបស់គណបក្សសង្គ្រោះជាតិ ១ពាក្យបណ្តឹងជារបស់គណបក្សហ្វុ៊នស៊ិនប៉ិច និង៥ពាក្យជារបស់ប្រជាពលរដ្ឋ ។ពាក្យបណ្តឹងនៅឃុំ-សង្កាត់ រៀបចំការបោះឆ្នោតបាន៧៨បណ្តឹង បន្តដល់រាជធានី-ខេត្ត រៀបចំការបោះឆ្នោត មាន១០បណ្តឹង ១បណ្តឹងប្តឹងមកគណៈកម្មាធិការរាជធានី រៀបចំការបោះឆ្នោតផ្ទាល់ និងមកដល់គ.ជ.បចំនួន១បណ្តឹង ។ លោកស្រីបានលើកឡើងថា ជាទូទៅការឃោសនាបោះឆ្នោតឃុំ-សង្កាត់១៤ថ្ងៃ ប្រព្រឹត្តទៅយ៉ាងល្អ និងបញ្ចប់ទៅដោយជោគជ័យ ។
ចែករំលែកព័តមាននេះ