ឈិន សុធារី ត្រៀមទៅស្រោចទឹកឱ្យជ្រះឧបទ្រពចង្រៃ
រាជធានីភ្នំពេញ ៖ តារាចម្រៀងអ្នកនាងឈិន សុធារី ជួបគ្រោះថ្នាក់ចរាចរណ៍ខូចរថយន្តខ្លាំង តែមិនទទួលបានសំណងទេ ។ ហេតុការណ៍នោះកើតឡើងកាលពីរាត្រីថ្ងៃទី២៧ ខែឧសភា ឆ្នាំ២០១៧ ។
រាជធានីភ្នំពេញ ៖ តារាចម្រៀងអ្នកនាងឈិន សុធារី ជួបគ្រោះថ្នាក់ចរាចរណ៍ខូចរថយន្តខ្លាំង តែមិនទទួលបានសំណងទេ ។ ហេតុការណ៍នោះកើតឡើងកាលពីរាត្រីថ្ងៃទី២៧ ខែឧសភា ឆ្នាំ២០១៧ ។
អ្នកនាងឈិន សុធារី ចាត់ទុកគ្រោះថ្នាក់នោះគឺជាការជួបទុក្ខ ផ្ទួនៗក្នុងជីវិតរបស់នាងនាអំឡុងពេលនេះ បន្ទាប់ពីជួបរឿងបែកបាក់ជីវិតអាពាហ៍ពិពាហ៍ ។
តាមហ្វេសប៊ុកឈិន សុធារី សរសេរថា «ហ៊ឺ…ជួបទុក្ខផ្ទួនៗ» ទើបតែមានព័ត៌មានដែលហួសចិត្ត «ឥឡូវមកជួបគ្រោះចរាចរណ៍ត្រូវគេបុកឡានទៀត» ។ តែគេថាអត់លុយសងទេ ហើយនិយាយពាក្យសុំទោសមួយម៉ាត់ឱ្យគេទៅដែរ ដល់ពេលគិតចុះគិតឡើង យើងត្រូវធ្វើឡានអស់លុយខ្លួនឯង ។ «ហ៊ឺ…ប្អូនជិះម៉ូតូឡើងលឿនស្លេវ អត់មើលមុខមើលក្រោយទេ ដល់ពេលគ្រោះថ្នាក់ទើបដឹង យ៉ាប់ណាស់ ក្មេងៗឥឡូវជិះព្រហើនអត់ខ្លាច និងគិតដល់អាយុជីវិតទេ ។ ហ៊ឺ ! ឥឡូវបើជ្រុលតែស៊យឱ្យវាស៊យឱ្យអស់តែម្តងទៅ ដោះស្រាយម្តងចប់» ។
ក្រោយជួបរឿងនោះឈិន សុធារី បានផ្តាំផ្ញើដល់យុវវ័យត្រូវបើកបរប្រុងប្រយ័ត្ន ព្រោះអាយុជីវិតសំខាន់ណាស់ មានលុយក៏មិនអាចទិញមកវិញបានទេ ។ នាងបន្តថា «នេះប៉ះបងដែលអនុគ្រោះ បើប៉ះគេផ្សេងវិញមិនដឹងយ៉ាងម៉េចទេ បើឡានរបស់គេខូចធ្វើអស់រាប់ពាន់ទៅហើយ គ្មានអ្នកណាឱ្យរួចខ្លួនទេ ។ បើខុសសុំទោសគេទៅមិនខុសទេហើយសូមឱ្យ ។ ប្រកបដោយក្រមសីលធម៌ជាការប្រពៃ ចេះអនុគ្រោះ និងអធ្យាស្រ័យគ្នាគឺល្អបំផុត ហើយសម្រាប់យើងជាខ្មែរដូចគ្នា » ។
បន្ទាប់ពីជួបរឿងអកុសល ផ្ទួនៗគ្នានោះមកឈិន សុធារី បញ្ជាក់ថា នាងនឹងទៅស្រោចទឹក បណ្តេញគ្រោះចង្រៃ ក្រោយពេលដែលនាងជួសជុលរថយន្តរួចរាល់ហើយ ៕
ចែករំលែកព័តមាននេះ