ខេត្តឧត្តរមានជ័យ ៖ សេចក្តីរាយការណ៍ឱ្យដឹងថា បុរសជាប្តី បានយកភ្លើងទៅដុតផ្ទះខ្លួនឯងឆេះហ្មត់អស់ ក្រោយពីមានជម្លោះក្នុងគ្រួសារប៉ុណ្ណោះ កើតឡើងកាលពីវេលាម៉ោង០៩ និង៥០នាទីព្រឹកថ្ងៃទី២៦ ឧសភា ស្ថិតក្នុងភូមិអូរខ្លាឃ្មុំ សង្កាត់អូរស្មាច ក្រុបសំរោង ខេត្តឧត្តរមានជ័យ ។
ប្រភពឱ្យដឹងថា ជនបង្កហិង្សាដុតផ្ទះចោលនេះ មានឈ្មោះភាព សុផាត អាយុ៣៥ឆ្នាំ មានប្រពន្ធឈ្មោះចិន សុច អាយុ៣២ឆ្នាំ មានកូន៦(ស្រី៤នាក់) ។ ដោយឡែក ផ្ទះដែលឆេះមានទំហំ៣ គុណ៤ម៉ែត្រ ដំបូលប្រក់ស័ង្កសី ។
ទោះបីជាយ៉ាងណា គេមិនទាន់ដឹងច្បាស់ថា តើជម្លោះរហូតក្លាយជាភ្លើងទៅដុតផ្ទះចោលនេះ កើតឡើងដោយសារអ្វីនោះទេ ។ បច្ចុប្បន្ន ស្ត្រីប្រពន្ធបានមកដាក់ពាក្យបណ្តឹងដល់សមត្ថកិច្ចឱ្យជួយអន្តរាគមន៍ឃាត់ខ្លួន ខណៈប្តីនោះបានរត់គេចខ្លួនចូលក្នុងទឹកដីថៃបាត់ ។
ចែករំលែកព័តមាននេះ