បន្ទាប់ពីបានសម្រេចចិត្តចាប់ដៃគ្នាសាងគ្រួសារអស់រយៈពេលជាច្រើនឆ្នាំមក ពេលនេះ តារាស្រី Jooy និងស្វាមី លោក Dj Push បានប្រកាសពីដំណឹងល្អរបស់ខ្លួន ពីព្រោះថា អស់រយៈពេលជាច្រើនខែទៅហើយ ដែលក្រុមគ្រួសាររបស់អ្នកទាំងពីរ ក៏ដូចជាមហាជនអ្នកគាំទ្រទន្ទឹងរង់ចាំ
ប្រទេសថៃ ៖ បន្ទាប់ពីបានសម្រេចចិត្តចាប់ដៃគ្នាសាងគ្រួសារអស់រយៈពេលជាច្រើនឆ្នាំមក ពេលនេះ តារាស្រី Jooy និងស្វាមី លោក Dj Push បានប្រកាសពីដំណឹងល្អរបស់ខ្លួន ពីព្រោះថា អស់រយៈពេលជាច្រើនខែទៅហើយ ដែលក្រុមគ្រួសាររបស់អ្នកទាំងពីរ ក៏ដូចជាមហាជនអ្នកគាំទ្រទន្ទឹងរង់ចាំអោយដល់ពេលឆាប់ៗ ដោយនៅថ្ងៃទី២៨ ខែវិច្ឆិកា ឆ្នាំ២០២២ នេះ តារាសម្ដែងប្រុសស្រីគូស្វាមីភរិយាដ៏ល្បីល្បាញទទួលបាននៅការគាំទ្ររូបនេះ បានសម្រាលកូនប្រកបដោយសុវត្ថិភាព។ ហើយវាជារឿងដ៏ល្អមួយ ដែលធ្វើឲ្យអ្នកទស្សនា ក៏ដូចជាអ្នកគាំទ្រមិនតិចនាក់នោះទេ មានការរំភើបសប្បាយរីករាយ និងពេញចិត្តបំផុត ដែលថ្ងៃនេះ PJ Noi បានឃើញពិភពលោកហើយ (ខែវិច្ឆិកា ឆ្នាំ២០២២)។
គ្រាន់តែបានឃើញមុខកូនរបស់ខ្លួន និងបានក្លាយជាឪពុកម្តាយភ្លាម ស្រាប់តែតារាប្រុសរូបស្រស់សង្ហា លោក Put Puttichai និងតារាស្រី Jui Warattaya បានធ្វើការបង្ហោះរូបភាពប៉ុន្មានសន្លឹក នៅក្នុងគណនី Instagram ផ្ទាល់ខ្លួន ឃើញដូច្នេះក៏មានមហាជនមិនតិចនាក់នោះ នាំគ្នាសម្តែងការស្វាគមន៍ ត្រេកអរចំពោះ PJ ដែលជាអ្នកស្នងមរតក បន្ទាប់ពីរពួកគេខំទន្ទឹងរង់ចាំអស់រយៈពេល៣ឆ្នាំសម្រាប់ពួកគេទាំងពីរ។
បន្ទាប់ពីបានទទួលការព្យាបាលជាមួយ GFC មជ្ឈមណ្ឌលសម្រាប់សេវាវេជ្ជសាស្ត្រមួយកន្លែង ដែលបានរៀបចំមុនពេលមានកូន ក៏ដូចជាការព្យាបាលភាពគ្មានកូន ដែលបានជួយធ្វើឱ្យក្តីសុបិនរបស់គ្រួសារខ្លួនក្លាយជាការពិត មានកូនដូចការរំពឹងទុក មានខ្សែ.កមាសដែលជាអំណោយដ៏មានតម្លៃបំផុតក្នុងជីវិត។ សូមពុកម៉ែបងប្អូនដែលបានឃើញរូបថតខ្ញុំ ស្រលាញ់រាប់អាន មេត្តាអាណិតខ្ញុំផង។ ហើយសំខាន់បំផុត គឺសូមអរគុណ GFC អស់ពីបេះដូងដែលបានផ្តល់ឱ្យគ្រួសារយើងនូវអំណោយដ៏មានតម្លៃបំផុតក្នុងជីវិត PJ មកដល់ហើយ ។
គួរបញ្ជាក់ផងដែរថា តារាសម្ដែងស្រីដ៏ល្បីល្បាញអ្នកនាង Warattaya Nilkuha (ឈ្មោះហៅក្រៅ Jooy) គឺជាតារាសម្តែង និងជាតារាបង្ហាញម៉ូដថៃ នាងបានចុះហត្ថលេខាជាមួយស្ថានីយប៉ុស្តិ៍លេខ ៧HD ប៉ុន្តែឥឡូវនាងបានក្លាយទៅជាតារាសម្តែងឯករាជ្យមួយរូបនាពេលបច្ចុប្បន្ននេះ។ នាងបានរៀបការបញ្ចប់ភាពនៅលីវ ជាមួយនឹងតារាសម្ដែងរួមគ្នាដែលមានមុខមាត់ស្រស់សង្ហា មានមន្តស្នេហ៍ នោះគឺលោក Push Puttichai Kasetsin កាលពីថ្ងៃទី១៦ ខែវិច្ឆិកា ឆ្នាំ២០១៨កន្លងទៅ ហើយមង្គលការរបស់តារាសម្ដែងប្រុសស្រី២ដួងរបស់ថៃ DJ Push និងJooy Warattaya ពិតជាពោរពេញដោយទិដ្ឋភាពពិសេសៗ ហើយកាន់តែកក់ក្ដៅជាមួយនឹងការចូលរួមពីសំណាក់តារាប្រុសស្រី ដែលជាមិត្តភ័ក្ដិរបស់កូនកំលោះ និងកូនក្រមុំផងដែរ៕
ចែករំលែកព័តមាននេះ