នាយករដ្ឋមន្ត្រីថ្មីម៉ាឡេស៊ីបដិសេធប្រើរថយន្តថ្មី ព្រោះមូលហេតុមួយ
ម៉ាឡេស៊ី ៖ នាយករដ្ឋមន្ត្រីថ្មីរបស់ម៉ាឡេស៊ី លោក Anwar Ibrahim បដិសេធប្រើប្រាស់ឡាន Mercedes-
ម៉ាឡេស៊ី ៖ នាយករដ្ឋមន្ត្រីថ្មីរបស់ម៉ាឡេស៊ី លោក Anwar Ibrahim បដិសេធប្រើប្រាស់ឡាន Mercedes-Benz S600 ដែលទើបនឹងទិញថ្មី។ ផ្ទុយទៅវិញលោកនឹងប្រើរថយន្តដែលមាននៅនាយកដ្ឋាននាយករដ្ឋមន្ត្រីសម្រាប់បំពេញភារៈកិច្ច។
លោកបានសរសេរនៅលើទំព័រហ្វេសបុកថា កាលពីថ្ងៃអាទិត្យ ទី ២៧ វិច្ឆិកាថា «ខ្ញុំសូមជម្រាបជូនថា កាលពីម្សិលមិញ ខ្ញុំបានបដិសេធប្រើប្រាស់រថយន្ត Mercedes S600 ដែលត្រូវបានទិញ និងទទួលបានដោយនាយកដ្ឋាននាយករដ្ឋមន្ត្រី មុនពេលដែលខ្ញុំចូលកាន់តំណែង»។
លោកថាលោកបដិសេធការប្រើរថយន្តថ្មីពីព្រោះមិនចង់ឱ្យមានការចំណាយបន្ថែមទៀតលើគាត់។
កាលពីថ្ងៃសៅរ៍កន្លងទៅនេះ លោកក៏បានធ្វើការប្រកាសស្រដៀងគ្នាដែរបន្ទាប់ពីធ្វើការបួងសួងនៅក្នុងរដ្ឋ Selangor។
លោក Anwar Ibrahim និយាយថា មិនមានការទិញឡានថ្មីណាមួយសម្រាប់ការប្រើប្រាស់របស់គាត់ និងមិនមានការទិញគ្រឿងសង្ហារឹមថ្មីដោយការិយាល័យរបស់លោកនោះទេដែលជាវប្បធម៌ថ្មីមួយប្រឆាំងនឹងការខ្ជះខ្ជាយថវិការសាធារណៈ។
លោកនិយាយថា «គិតពីអ្វីដែលអ្នកអាចសន្សំបាន RM១០០ (២២ដុល្លារ) RM១០០០ ( ២២២ដុល្លារ) RM១០.០០០ (២.២៣២ដុល្លារ) ដែលលុយទាំងនេះអាចផ្តល់អោយអ្នកក្រីក្រ។ ខ្ញុំចាប់ផ្តើមការប្តេជ្ញាចិត្តមិនយកប្រាក់ខែ ប៉ុន្តែអ្វីដែលសំខាន់គឺកុំខ្ជះខ្ជាយថវិការដែលយើងមាន»។
«នេះជាសារមួយទៅកាន់ថ្នាក់ដឹកនាំស្ថាប័នទាំងអស់ឱ្យចងចាំថា នៅក្នុងស្ថានភាពបច្ចុប្បន្ន យើងគួរចាប់ផ្តើមវប្បធម៌។ កុំប្រើប្រាស់ថវិការរដ្ឋាភិបាលសម្រាប់គ្រឿងបរិក្ខាររបស់យើង»។
សូមបញ្ជាក់ថា លោក Anwar Ibrahim វ័យ ៧៥ឆ្នាំ បានក្លាយជានាយករដ្ឋមន្ត្រីថ្មីរបស់ម៉ាឡេស៊ី បន្ទាប់ពីព្រះមហាក្សត្រតែងតាំងរូបលោកកាលពីសប្តាហ៍មុន៕ (យោងតាមប្រភព៖ CNA)
ចែករំលែកព័តមាននេះ