ថ្ងៃទី២៦ និងថ្ងៃទី២៧ ខែវិច្ឆិកា ឆ្នាំ២០២២នេះ គឺជាថ្ងៃគម្រប់៧ថ្ងៃ នៃស.ពតារាចម្រៀង កំប្លែង និងអាយ៉ៃ លោក ខាត់ ចំរើន ដែលបានចែកឋានក្នុងវ័យ៤០ឆ្នាំ ដោយសាររោគា។ មរណភាពតារាប្រុសរូបនេះ បានធ្វើអោយបងប្អូនត្រកូលខាត់រួមឈា.មតែមួយ មានអារម្មណ៍
រាជធានីភ្នំពេញ ៖ ថ្ងៃទី២៦ និងថ្ងៃទី២៧ ខែវិច្ឆិកា ឆ្នាំ២០២២នេះ គឺជាថ្ងៃគម្រប់៧ថ្ងៃ នៃស.ពតារាចម្រៀង កំប្លែង និងអាយ៉ៃ លោក ខាត់ ចំរើន ដែលបានចែកឋានក្នុងវ័យ៤០ឆ្នាំ ដោយសាររោគា។ មរណភាពតារាប្រុសរូបនេះ បានធ្វើអោយបងប្អូនត្រកូលខាត់រួមឈា.មតែមួយ មានអារម្មណ៍សោកសៅ និងនៅតែទទួលយកមិនបាននោះឡើយ ហើយក៏មិនធ្លាប់គិតថា បន្តជួបរឿងបែបនេះ។ មហាជនសែនស្តាយរឿងនេះ ព្រោះបាត់បង់ធនធានសិល្បៈ។
ហើយអ្វីដែលទប់ទឹកភ្នែកមិនបាន អ្នកនាង ខាត់ សុឃីម បានបង្ហោះរូបថត១ ដោយដៃអង្អែលរូបថតប្អូនប្រុស ហើយយំ កាន់តែធ្វើអោយអ្នកលេងហ្វេសប៊ុកក្តុកក្តួលយ៉ាងខ្លាំង។ ព្រោះតែបុណ្យ៧ថ្ងៃបងប្រុសនេះហើយ បានជំរុញអោយ ខាត់ ស្រីវង ហោះពីអាមេរិកមកធ្វើបុណ្យជូនបងប្រុស និងបានមកមើលរូបថតឪពុកបង្កើតដែលបានចែកឋាន។ បំណងដែលអ្នកនាង ខាត់ ស្រីវង មកនេះ គឺដើម្បីរើសឆ្អឹងបងប្រុសមកដាក់ក្នុងកោដ្ឋដែលជាបំណងធំបំផុត។ ហើយអ្នកនាងបានសម្រេចមកតែឯង មិនបាននាំកូន និងប្តីរួមដំណើរជាមួយឡើយ។
ពិតណាស់ ត្រកូលខាត់ បានឆ្លងកាត់នូវភាពតស៊ូជាច្រើននៅក្នុងវិថីសិល្បៈ តាំងពីនៅវ័យកុមារ។ ហើយម្នាក់ៗបានដើរច្រៀងផង លេងភ្លេងការផង ដោះដូរយកកម្រៃមកចិញ្ចឹមជីវិត ជាពិសេសអ្នកនាង ខាត់ សុឃីម, ចំរើន និង ស្រីវង ដឹងក្តីជាងគេ គឺបានតស៊ូ ដើម្បីជីវភាព។ ទំរាំតែមានថ្ងៃរីករាយដល់ពេលនេះ ឃើញថា ជួបរួចរាល់អស់ហើយ ឧបសគ្គ ការមាក់ងា.យផ្សេងៗ។ ទើបមរណភាពមួយនេះ បងប្អូនក្នុងគ្រួសារពិបាកកាត់ចិត្តបំផុត ក្នុងការរំសាយអារម្មណ៍នឹកនោះ។
អ្នកនាង ខាត់ សុឃីម បានបង្ហោះសារថា «យប់នេះជាយប់ទី៧ នៃការចែកឋានរបស់ប្អូន ហើយជាយប់ដែលបងសោកសង្រេងបំផុត នៃការចាកចេញរបស់ឯង ខាត់ ចំរើន ពួកយើងលែងបានជួបគ្នា លែងបានឈ្លោះគ្នា លែងបានបន្ទោស លែងបានសើចសប្បាយជាមួយគ្នាទៀតហើយ បងពិតជាចងចាំនូវរូបភាពគ្រប់បែបយ៉ាង តាំងពីក្មេងរហូតមកដល់ពេលនេះ ឯងចិត្តដាច់ពេកហើយ។ សូមអោយវិញ្ញាណក្ខន្ធឯងបានទៅកាន់សុគតិភព»។
អំឡុងពេលឈឺនៅពេទ្យ ចំរើន បានបង្ហាញការព្រួយបារម្ភចំពោះកូនៗទាំង៣នាក់ ដែលនៅក្មេងវ័យ ត្រូវការមើលថែ មានអនាគត។ ពេលនេះឪពុកទៅចោលហើយ អ្នកនាងខាត់ សុឃីម ជាបងសន្យាមើលថែ ព្រោះយល់ថា មានអុស្សាវរីយ៍ច្រើនណាស់ដែលបន្សល់ទុកក្នុងពេលនៅមានជីវិត។ ម្ល៉ោះហើយការបាត់បង់ប្អូនប្រុសបណ្តូលចិត្តនេះ ពិបាកទទួលយកក្នុងត្រកូលខាត់ខ្លាំងណាស់។ សូម្បីតែអ្នកគាំទ្រក៏ពិបាកទប់ចិត្ត ព្រោះស្តាយមនុស្សមានស្នាដៃ និងទេពកោសល្យកម្ររក។ ហើយអ្នកនាង ខាត់ សុឃីម ធ្លាប់ទទូចអោយមហាជនគិតគូពីសុខភាព ព្រោះសុខភាពសំខាន់ណាស់ កុំចាំឈឺចាំព្យាបាល គឺមិនល្អនោះទេ។
ចែករំលែកព័តមាននេះ