ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា នឹងរៀបចំ​ពិធីបុណ្យ «រំលឹកគុណអង្គរ» រៀងរាល់ឆ្នាំ រយៈពេល ៣ថ្ងៃ នៅថ្ងៃទី១៤-១៦ ខែធ្នូ

1 អាទិត្យ មុន
  • ភ្នំពេញ

ភ្នំពេញ៖ រាជរដ្ឋាភិបាល បានយល់ព្រម​ជាគោលការណ៍ ឱ្យ​រៀបចំ​ពិធីបុណ្យ​រម្លឹកគុណអង្គរ នៅរមណីយដ្ឋាន​អង្គរ ដែលជាបេតិកភណ្ឌពិភពលោក។ ពិធីបុណ្យរម្លឹកគុណអង្គរ មានរយៈពេល ៣ថ្ងៃ នៅថ្ងៃទី១៤-១៦…

ភ្នំពេញ៖ រាជរដ្ឋាភិបាល បានយល់ព្រម​ជាគោលការណ៍ ឱ្យ​រៀបចំ​ពិធីបុណ្យ​រម្លឹកគុណអង្គរ នៅរមណីយដ្ឋាន​អង្គរ ដែលជាបេតិកភណ្ឌពិភពលោក។ ពិធីបុណ្យរម្លឹកគុណអង្គរ មានរយៈពេល ៣ថ្ងៃ នៅថ្ងៃទី១៤-១៦ ខែធ្នូ ឆ្នាំ២០២២ ជារៀងរាល់ឆ្នាំ គិតចាប់ពីឆ្នាំ២០២២ តទៅ​។

ពិធីបុណ្យ “រំលឹកគុណអង្គរ” ប្រារព្ធឡើង ក្នុងគោលបំណងសំខាន់ គឺ​ដើម្បីអបអរសាទរការចុះ​រមណីយដ្ឋានអង្គរ ទៅ​ក្នុងបញ្ជីបេតិកភ័ណពិភពលោក នាថ្ងៃទី១៤ ខែធ្នូ ឆ្នាំ១៩៩២ ក៏ដូចជា ដើម្បីរំលឹកគុណដល់បុព្វការីជនគ្រប់ជំនាន់ ព្រះមហាក្សត្រជំនាន់មុនគ្រប់ព្រះអង្គ ដែលបានកសាងប្រាង្គប្រាសាទនានា បន្សល់ទុកនូវសម្បត្តិបេតិកភ័ណ្ឌសិល្បៈ និងវប្បធ៌មជាច្រើនទៀត ជាគុណប្រយោជន៍ផ្នែកសង្គម និងសេដ្ឋកិច្ចដល់ប្រជាជនកម្ពុជា នាពេលកន្លងមក បច្ចុប្បន្ន និងទៅអនាគត និងដើម្បីបំផុសឱ្យភ្ញៀវជាតិ និងអន្តរជាតិម្នាក់ ចូលរួមទស្សនាអង្គរយ៉ាងហោចណាស់ ១ដង ក្នុងមួយឆ្នាំ។

ពាក់ព័ន្ធនឹងពិធីបុណ្យអង្គរ​ ក្រសួងវប្បធម៌ និងវិចិត្រសិល្បៈ បានណែនាំអាជ្ញាធរជាតិអប្សរា ឱ្យរៀបចំសកម្មភាពលម្អិត​ ពាក់ព័ន្ធនឹងពិធីបុណ្យនេះ ក្នុងនោះ រួមមានកម្មវិធីតាមថ្ងៃនីមួយៗ ទីតាំងប្រារព្ធពិធី សមាសភាពចូលរួម លិខិតអញ្ជើញ ខ្លឹមសារបដា សុន្ទរកថាថ្នាក់ដឹកនាំ និងលទ្ធភាព ថវិកា ជាដើម៕

Picture
Picture
Picture
Picture