រាជធានីភ្នំពេញ ៖ តារាសម្តែង និងពិធីការិនីលឹម មួយហ្គិច មិនសប្បាយចិត្តសោះនៅពេលលើទំព័រហ្វេសប៊ុក របស់នាងត្រូវគេជេររឿង«ដណ្តើមប្តីគេ» ។ ការចោទថាដណ្តើមប្តីគេនោះ លឹម មួយហ្គិច ចាត់ទុកថា
រាជធានីភ្នំពេញ ៖ តារាសម្តែង និងពិធីការិនីលឹម មួយហ្គិច មិនសប្បាយចិត្តសោះនៅពេលលើទំព័រហ្វេសប៊ុក របស់នាងត្រូវគេជេររឿង«ដណ្តើមប្តីគេ» ។ ការចោទថាដណ្តើមប្តីគេនោះ លឹម មួយហ្គិច ចាត់ទុកថា ជាការភ័ន្តច្រឡំ ។
ពិធីការិនីវ័យក្មេងកំពុងតែលូតកេរ្តិ៍ឈ្មោះក្នុងវិថីសិល្បៈនេះ ប្រញាប់ការពារខ្លួនព្រោះការចោទថានាងលួចប្តីគេនោះ ធ្វើឱ្យប៉ះពាល់កិត្តិយសរបស់នាង ។ កញ្ញាលឹម មួយហ្គិច និយាយថា «ខ្ញុំពិតជាស្រឡាំងកាំងខ្លាំងមែនទែនដែលនៅក្នុងហ្វេសប៊ុកម្ចាស់អាកខោនឈ្មោះRith Sky ប្រើពាក្យមិនសមរម្យ ឈ្លើយមែនទែនខូមិនលើហ្វេសប៊ុករបស់នាងខ្ញុំ ដោយសរសេរពាក្យថា «យកប្តីគេហើយធ្វើឲ្យគេបែកបាក់គ្រួសារទៀត មីសំផឹង» ។ គាត់បានឃើញនាងខ្ញុំឈរថតរូបជាមួយតារាស្រីម្នាក់ ដែលមានរឿងជាមួយភាគីខាងនោះ ដោយនាងខ្ញុំអត់ដឹងថាគេមានបញ្ហាអ្វីនោះទេ ។ ប៉ុន្តែម្ចាស់ហ្វេសប៊ុកនោះលែងជាហ្វ្រែនជាមួយគ្នា ដល់ឃើញនាងខ្ញុំឈរជិតបែរជាមកផុសជេរដាក់លើហ្វេសប៊ុកនាងខ្ញុំឲ្យផ្តាំតារាស្រីរូបនោះកុំឲ្យធ្វើអ៊ីចឹងទៀត ។ ឈប់ប្រើពាក្យអ៊ីចឹងទៀត ហើយប្រើពាក្យឲ្យបានគួរសមនៅក្នុងអាកខោនខ្ញុំផង ដោយមិនដឹងថា មានបញ្ហាអ្វីទេ សំខាន់នេះជាអាកខោនផ្ទាល់ខ្លួនរបស់ ខ្ញុំៗគ្មានបានធ្វើអំពើបែបនេះជាមួយអ្នកណាទេ ហើយក៏យល់ពីស្នេហាត្រីកោណនេះដែរ អត់ប៉ះពាល់តែម្តង ។
នាងខ្ញុំទទួលស្គាល់ថា នាងខ្ញុំធ្លាប់ស្គាល់តារាស្រីរូបនោះមែន តែ យូរៗជួបគ្នាម្តងក្នុងកម្មវិធីក៏ឈរថតរូបជាមួយគ្នា ហើយក៏ចប់បែកផ្លូវ រាងៗខ្លួន បែរជាមកសរសេរពាក្យជេរស្តី កប់ៗមកនាងខ្ញុំបែបនេះមិនត្រូវទេ ។ ដូច្នេះនាងខ្ញុំស្នើឲ្យ បងៗខាងលើដែលផុសជេរក្នុងហ្វេសប៊ុកខ្ញុំនោះសូមបញ្ឈប់ ហើយគួរតែឈប់ប្រើពាក្យអាក្រក់ស្តាប់ទាំងនោះទៅ ព្រោះនាងខ្ញុំខ្លាចការយល់ខុសដោយទុកឱកាសឲ្យម្តងទៀត ក៏ដូចជាការជូនដំណឹងជាសាធារណៈ ។
បើប្រិយមិត្តចង់ដឹងបែបណាសូមចូលមកមើលពាក្យជេរទាំងនោះក្នុងអាកខោននាងខ្ញុំដឹងហើយ គឺមិនបានលុបទេ ។
អ្វីដែលជាការអរគុណដល់សារព័ត៌មានដែលបានឃើញពាក្យផុសមិនល្អនោះ ក៏ចាប់អារម្មណ៍សម្ភាសន៍ដើម្បីជាការឆ្លើយតប ភ្លាមៗផងដែរ»។
កញ្ញាលឹម មួយហ្គិច មួយរយៈចុងក្រោយនេះលូតលាស់ក្នុងអាជីពសិល្បៈ ដូច្នេះអាចក្លាយជាតារាលំដាប់លេចធ្លោថ្មីមួយទៀត ៕
ចែករំលែកព័តមាននេះ