ពិភាក្សា​រក​យុទ្ធ​សាស្ត្រ​ប្រឆាំង​​នឹងជំងឺ​​អេដស៍​ឱ្យ​​មាន​ប្រសិទ្ធ​ភាព​


រាជធានីភ្នំពេញ ៖ មន្ត្រីរាជ​រដ្ឋាភិបាល​កម្ពុជា និងអង្គ​ការសង្គម​ស៊ីវិល ដែល​ធ្វើការងារ​ក្នុងវិស័យ​​ប្រយុទ្ធ​ប្រឆាំង​នឹងមេរោគ​អេដស៍ និង​ជំងឺ​អេដស៍ បាន​មកជួប​ជុំ​គ្នាប្រជុំ​ពិគ្រោះ​យោបល់​​ស្តីពីការ​បង្កើត​ក្របខណ្ឌ​វិនិ​យោគ ក្នុងការ​ឆ្លើយតបនឹង​ជំងឺអេដស៍​នៅកម្ពុជា ឲ្យកាន់​តែ​មាន​ប្រសិទ្ធ​ភាព ខណៈ​ពេល​​ដែលថវិកា​សម្រាប់​ទ្រទ្រង់​​ប្រចាំឆ្នាំ​កាន់តែ​មានកម្រិត​ទាប​នោះ។

កិច្ចពិភាក្សា​គ្នាបានធ្វើ​ឡើងកាល​ពីថ្ងៃទី​២៧ កុម្ភៈ ២០១៣ នៅ​សណ្ឋាគារ​ណាហ្គាវើល ក្រោម​វត្តមាន​រ​បស់​លោក​​កៅ ទ្រី អនុ​ប្រធាន​អាជ្ញា​ធរ​ជាតិ​​ប្រយុទ្ធប្រឆាំង​ជំងឺអេដស៍ លោក​​តែង គន្ធី អគ្គលេខា​ធិការ អាជ្ញាធរ​ជាតិប្រយុទ្ធ​ប្រឆាំង​ជំងឺ​អេដស៍ លោក​​ទឹម វរ៉ា នាយក​ប្រតិ​បត្តិអង្គ​ការ HACC និង​អ្នក​​ស្រី ម៉ារីអូ ឌីល​អេម៉ុង តំណាង​អង្គការ UNAIDS។

លោក​កៅ ទ្រី មាន​ប្រសាសន៍​ថា ករណី​ស្លាប់ដោយ​សារ​ជំងឺ​អេដស៍ ក្នុងឆ្នាំ​២០១២ មាន​ចំនួន១,៩១៧​នាក់ ។ លោ​ក​បានបន្តថា កុមារ​កំព្រា​ដែល​​​ឪពុក-ម្តាយស្លាប់ ដោយ​ជំងឺអេដស៍​​បានទទួល​ការ​អប់រំ និងបណ្តុះ​បណ្តាល​ជំនាញ​ផ្សេងៗ​មាន​ចំនួន​១៧.២០០​​នាក់ ទទួល​ការ​ព្យាបាល​​បាន៤,៨០០​​នាក់ ទទួលបាន​ការឧបត្ថម្ភ​ចំណីអាហារ​​១៩.៩៥២​នាក់ ទទួលការ​ថែទាំសុខ​ភាព តាម​សហគមន៍​បាន​១,៧២៥​នាក់ ទទួល​បានការ​គាំទ្រ៦,៨៨​០នាក់៕

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ