ADផ្ទាំងផ្សព្វផ្សាយពាណិជ្ជកម្ម

ផ្ទុះការវែកញែក! ក្រោយ ជី ដេវីត រាំច្រៀងបទ Jo2 របស់វណ្ណដា ធ្វើព្រងើយក្នុងក្លិបកម្សាន្តមួយ(វីដេអូ)

1 ឆ្នាំ មុន

ភ្នំពេញ
២០ ខែ វិច្ឆិកា ឆ្នាំ ២០២២ ម៉ោង ១៥:៥២

ថ្មីៗនេះផងដែរ បានធ្វើអោយមហាជនជាច្រើនមានការភ្ញាក់ផ្អើល និងស្រឡាំងកាំងជាខ្លាំង បន្ទាប់ពីបានឃើញតារាចម្រៀងរ៉េបរូបរាងស្រស់សង្ហា ខ្ពស់ស្រឡះ លោក ជី ដេវីត បានធ្វើការរាំផង ច្រៀងផង នៅបទចម្រៀង Jo2 របស់វណ្ណដា យ៉ាងសប្បាយរីករាយ នៅក្នុងក្លិបកម្សាន្តមួយកន្លែង រហូតផ្ទុះការចែករំលែកពាសពេញបណ្ដាញសង្គមហ្វេសប៊ុក និងក្នុង

រាជធានីភ្នំពេញ ៖ ថ្មីៗនេះផងដែរ បានធ្វើអោយមហាជនជាច្រើនមានការភ្ញាក់ផ្អើល និងស្រឡាំងកាំងជាខ្លាំង បន្ទាប់ពីបានឃើញតារាចម្រៀងរ៉េបរូបរាងស្រស់សង្ហា ខ្ពស់ស្រឡះ លោក ជី ដេវីត បានធ្វើការរាំផង ច្រៀងផង នៅបទចម្រៀង Jo2 របស់វណ្ណដា យ៉ាងសប្បាយរីករាយ នៅក្នុងក្លិបកម្សាន្តមួយកន្លែង រហូតផ្ទុះការចែករំលែកពាសពេញបណ្ដាញសង្គមហ្វេសប៊ុក និងក្នុង Tik Tok តែម្ដង។ ដោយក្នុងនោះមានហ្វេនៗជាច្រើនបាននាំគ្នាធ្វើការថតជាវីដេអូបង្ហោះនៅក្នុងបណ្ដាញសង្គម TikTok ថែមទាំងដាក់ Caption បែបនេះថា «បទណាបទទៅអត់ខ្វល់ សំខាន់រាំឡូយ»។

ហើយក្រោយពីបង្ហោះមិនទាន់បានប៉ុន្មានផង ក៏មានហ្វេនៗ ជី ដេវីត ជាច្រើននាំគ្នាចូលទៅខមិនព្រាតថា «Ditway គឺចឹងបានខ្ញុំចូលចិត្តគាត់ ព្រោះចិត្តទូលាយ» «គាត់ទាំង២អត់អីផង ណាស់តែ fan fan» «មិនសំខាន់បទអ្នកណាទេ សំខាន់ពួកគាត់ជាខ្មែរ» «បទពីរោះ ភ្លេងបុកឡូយ សួរថា នរណាទ្រាំបាន រាំសិនហើយ» «ជាមនុស្សដែលបើកចិត្ត ហើយមិនប្រកាន់ច្រើន ទើបជាមនុស្សមានគុណធម៌» «រាំមធ្យម ងំច្រៀងតាមទៀត ហើយឡើងចឹងបងសម្លាញ់»។ អ្នកខ្លះទៀតបានលើកឡើងថា «ហ្វេនមួយចំនួនចូលចិត្តលំអៀងម្ខាងៗ គាត់សុទ្ធតែជាសិល្បករ (Rep) ជួរមុខនៅកម្ពុជា ជួយលើកតម្កើនគាត់ទាំងអស់គ្នាទៅសុទ្ធតែជាខ្មែរដូចគ្នាសោះ»។

សូមរំលឹកផងដែរថា កាលពីកន្លងទៅ តារាប្រុសវ័យក្មេងលោក វណ្ណដា បានខឹងសម្បារជាខ្លាំងដោយសារតែតែបទចម្រៀង Jo2 របស់លោកត្រូវបានបែកធ្លាយមុនថ្ងៃចេញជាផ្លូវការដោយសារតែមានអ្នកទម្លាយយកទៅចែកចាយតៗគ្នា ដូច្នេះហើយទើបធ្វើអោយលោ ទ្រាំលែងបាន អស់ការអត់ធ្មត់តទៅទៀត ក៏បានចេញមុខមកបង្ហោះសារនៅក្នុងគណនី IG របស់លោក ដោយបោះសម្ដីចំៗបែបនេះថា «បទ Jo2 បានបែកត្រូវលួចយកដោយពួកថោកទាប បើជ្រុលជាលាក់ហើយ អញជូនតាមសំណូមពរ អាណាក៏ដោយលួចបទអញហើយអត់រួចខ្លួនទាំងអស់»។ ដោយក្នុងថ្ងៃដដែលនេះ លោកក៏បានបញ្ចេញបទថ្មីរបស់លោកភ្លាមៗផងដែរ និងមានការកែឃ្លោងឃ្លាក្នុងបទចម្រៀងរបស់លោកផងដែរ ដែលក្នុងនោះត្រូវបានមហាជនអ្នកគាំទ្រយល់យ៉ាងច្បាស់ថា «ប៉ារ៉ូលនៅក្នុងន័យទាំងនោះ ពិតណាស់ដាក់ចំៗទៅកាន់តារាចម្រៀងរ៉េបល្បីឈ្មោះដូចគ្នានោះ គឺលោក ជី ដេវីត រហូតបង្កើតបានជារលកកំដៅពាសពេញបណ្ដាញសង្គមតែម្ដង។

ភ្លាមៗនោះមិនទុកចាំយូរលោក ជី ដេវីត ក៏បានបញ្ចេញនៅបទចម្រៀងរ៉េបដាក់ទៅវិញ ឌឺដងគ្នាដាក់ប៉ារ៉ូលខ្លាំងៗ ធ្ងន់ៗដាក់ដល់ថ្នាក់ធ្វើអោយហ្វេនៗទាំងសងខាងទាស់សម្ដីគ្នាពាសពេញបណ្ដាញសង្គម តែមួយរយៈចុងក្រោយសង្គ្រាម Top Rapper ពីរដួងខាងលើនេះ ក៏បានស្ងប់ស្ងាត់ទៅវិញ ក្រោយអ្នកទាំងពីរចេញមុខបកស្រាយ ដើម្បីបញ្ចប់ជម្លោះរៀងៗខ្លួនផងដែរ៕