ជារឿងមួយដ៏គួរឲ្យចាប់អារម្មណ៍ និងភ្ញាក់ផ្អើលយ៉ាងខ្លាំង សម្រាប់ប្រិយមិត្តពុកម៉ែបងប្អូន ក៏ដូចជាហ្វេនកម្ពុជា ដែលតែងតែនិយមតាមដានតារាសម្ដែងប្រុសដ៏លេចធ្លោរបស់ថៃ គឺលោក Pope Thanavat ដែលបច្ចុប្បន្នដើរជាតួអង្គឯកប្រុសនៅក្នុងរឿង
ប្រទេសថៃ ៖ ជារឿងមួយដ៏គួរឲ្យចាប់អារម្មណ៍ និងភ្ញាក់ផ្អើលយ៉ាងខ្លាំង សម្រាប់ប្រិយមិត្តពុកម៉ែបងប្អូន ក៏ដូចជាហ្វេនកម្ពុជា ដែលតែងតែនិយមតាមដានតារាសម្ដែងប្រុសដ៏លេចធ្លោរបស់ថៃ គឺលោក Pope Thanavat ដែលបច្ចុប្បន្នដើរជាតួអង្គឯកប្រុសនៅក្នុងរឿង «បុព្វេសន្និវាស»ដែលជារឿងភាគថៃដ៏ល្បីល្បាញនោះ ថ្មីៗនេះត្រូវបានប្រភពព័ត៌មានក្នុងស្រុកទម្លាយពីតម្លៃខ្លួនក្នុងទីផ្សារការងារសិល្បៈរបស់លោកក្នុងឆ្នាំ២០២២ ខ្ទេចខ្ទីគ្មានសល់ ខណៈចំណូលទទួលបានខ្ពស់កប់ពពក ក្រោយជោគជ័យ និងផ្ទុះខ្លាំងនៅក្នុងរឿងភាគ «បុព្វេសន្និវាស»។
តាមប្រភពព័ត៌មានក្នុងស្រុកថៃ បានឲ្យដឹងថា ក្នុងឆ្នាំ២០២២នេះ តម្លៃខ្លួនតារាប្រុសរូបនេះ មានការហក់ឡើងខ្ពស់គួរឲ្យកត់សម្គាល់ ដោយបានចំណូលខ្ពស់កប់ពពកខុសពីឆ្នាំមុនៗឆ្ងាយណាស់។
ប្រភពខាងលើបានទម្លាយថា ការថតរឿងភាគក្នុងមួយភាគ លោក Pope ទទួលបានតម្លៃខ្លួនចាប់ពី ៨០ ០០០ បាត ប្រហែលស្មើនឹង ២ ១៦០ ដុល្លារអាមេរិក។ ចំណែកឯការថតឃោសនា និងផ្សាយពាណិជ្ជកម្មផ្សេងៗតម្លៃ ៧ លានបាត ប្រហែលស្មើនឹង ១៨៨ ៨០០ ដុល្លារអាមេរិក។ រីឯការចូលរួមកម្មវិធីផ្សេងៗមួយចំនួនទៀតនោះ គឺទទួលបាន ២៥០ ០០០ បាត ប្រមាណ ៦ ៧៥០ ដុល្លារ។ នេះជាការបញ្ជាក់របស់ប្រភពព័ត៌មានក្នុងស្រុកថៃ ដែលត្រូវបានគេផ្សព្វផ្សាយបន្តយ៉ាងផុសផុលនៅលើ Social Media។
ទន្ទឹមនឹងការទម្លាយពីតម្លៃខ្លួន និងកំពុងជោគជ័យខ្លាំងតាមរយៈរឿងភាគ «បុព្វេសន្និវាស» នេះដែរ ប្រភព័ត៌មានក៏បានលើកឡើងថា បច្ចុប្បន្ននេះ លោក Pope កំពុងផ្ទុះទីផ្សារខ្លាំងរកចំណូលបានលើសលប់ស្ទើរតែមិននឹកស្មានដល់ ជាពិសេសពីមួយថ្ងៃទៅមួយថ្ងៃ តារាសម្ដែងប្រុសរូបនេះ ហាក់មមាញឹកខ្លាំងទៅលើការងារសិល្បៈ និងទទួលបានការងារថ្មីៗជាបន្តបន្ទាប់ស្ទើរតែរកពេលសម្រាកគ្មាននោះឡើយ។
គួរបញ្ជាក់ផងដែរថា រឿង «បុព្វេសន្និវាស» ភាគ១ បានចប់មួយរយៈធំមកហើយ ហើយតួអង្គឯកប្រុស និងតួអង្គឯកស្រី គឺលោក Pope Thanavat និងអ្នកនាង Bella Ranee។ ដោយឡែករឿងភាគថៃ «បុព្វេសន្និវាស» ភាគ២ ក៏កំពុងចាប់ផ្ដើមចេញមកបន្តបន្ទាប់គ្រប់រោងភាពយន្ត និងចាក់បញ្ចាំងរោងកុនទាំងក្នុង និងក្រៅប្រទេសផងដែរ។
Pope Thanavat ជាគ្រាប់ពេជ្រដ៏មានតម្លៃប៉ុស្តិ៍លេខ ៣ និងជាមនុស្សរបស់មហាជន ដែលមានអ្នកគាំទ្រទូទាំងប្រទេស និងលើពិភពលោក។ តារាសម្ដែងប្រុសថៃ លោក Pope Thanavat មានឈ្មោះពិតថា Thanavat Vatthanaputi កើតនៅថ្ងៃទី២៧ ខែធ្នូ ឆ្នាំ១៩៨២ ស្ថិតក្នុងទីក្រុងបាងកក៕
ចែករំលែកព័តមាននេះ