តាមប្រភពព័ត៌មាន Metro បានឲ្យដឹងថា មនុស្សមួយចំនួននាំគ្នាថា Beyonce ធាត់ ខណៈពេលដែលនាងកំពុងតែពរពោះកូនភ្លោះក្នុងផ្ទៃ។
តារាដ៏ល្បីលំដាប់ពិភពលោកម្នាក់នេះ ត្រូវបានគេដឹងថា មានផ្ទៃពោះនៅត្រីមាសទីបីហើយ ដោយមានកូនភ្លោះក្នុងផ្ទៃ។ នាង និងស្វាមីរបស់នាងត្រៀមនឹងទទួលសមាជិកថ្មីចូលមកក្នុងគ្រួសារ។
តែសម្រាប់អ្នកខ្លះវិញ បានចោទប្រកាន់ថា នាងឡើងគីឡូទាំងភ្លេចគិតថា នាងកំពុងតែមានផ្ទៃពោះ។ នៅពេលមានផ្ទៃពោះការឡើងទម្ងន់ជារឿងធម្មតាទេ។ តើអ្នកទាំងនោះចង់ឲ្យនាងនៅតែរាងដដែលឬក៏យ៉ាងណា? យើងឃើញអ្នករិះគន់ទាំងនោះសរសេរបង្ហោះក្នុង Instagram ដោយប្រើពាក្យមិនសមរម្យ។
ត្រឡប់ទៅឆ្នាំ២០១៣ Beyonce ធ្លាប់បានឆ្លងទន្លេបានកូនស្រីមួយឈ្មោះថា Blue Ivy។ ក្រោយពេលបានឆ្លងទន្លេរួច នាងស្រកទម្ងន់អស់៥៧ផោន។
តារាចម្រៀងល្បីរូបនេះបានប្រាប់ក្នុងទស្សនាវដ្តី Shape ថា៖ «ខ្ញុំមិនមែនជាមនុស្សស្គមពេកនោះទេ តាំងពីដើមមក។ ខ្ញុំគឺជាមនុស្សដែលត្រូវតម និងថែរក្សារាង ដើម្បីឲ្យរាងស្អាត។ គ្មាននរណាម្នាក់អាចមានរាងនៅដដែលទេ។ អ្វីដែលសំខាន់ គឺយើងត្រូវមានសុខភាពល្អ ចេះថែរក្សាសុខភាពឲ្យបានល្អ និងរីករាយនូវអ្វីដែលជាខ្លួនយើង»៕
ចែករំលែកព័តមាននេះ