អ្នកណាមិនរំភើប ស្ងាត់ៗនៅព្រឹកថ្ងៃទី១១ ខែវិច្ឆិកា ឆ្នាំ២០២២នេះ អ្នកគាំទ្រឃើញហើយស្ទើរតែមិនចង់ជឿ ក្រោយប្រទះឃើញតារាចម្រៀងស្រីដ៏ល្បីឈ្មោះប្រចាំផលិតកម្មហង្សមាស អ្នកនាង ពេជ្រ សោភា និងតារាសម្ដែងប្រុសដែលមានរូបរាងស្រស់សង្ហាខ្ពស់ស្រឡះ
រាជធានីភ្នំពេញ ៖ អ្នកណាមិនរំភើប ស្ងាត់ៗនៅព្រឹកថ្ងៃទី១១ ខែវិច្ឆិកា ឆ្នាំ២០២២នេះ អ្នកគាំទ្រឃើញហើយស្ទើរតែមិនចង់ជឿ ក្រោយប្រទះឃើញតារាចម្រៀងស្រីដ៏ល្បីឈ្មោះប្រចាំផលិតកម្មហង្សមាស អ្នកនាង ពេជ្រ សោភា និងតារាសម្ដែងប្រុសដែលមានរូបរាងស្រស់សង្ហាខ្ពស់ស្រឡះ លោក ឆឹម សក្កដា អ្នកទាំងពីរបានធ្វើឱ្យមហាជនដែលនិយមលេងនៅក្នុងបណ្ដាញសង្គមទាំងមូលនៅប្រទេសកម្ពុជា មានការភ្ញាក់ផ្អើលយ៉ាងខ្លាំង និងបង្ហាញអារម្មណ៍ក្ដីរំភើបចិត្តជំនួស បន្ទាប់ពីរអ្នកទាំងពីរបានសម្រេចចិត្តដឹកដៃគ្នារៀបចំកម្មពិធីភ្ជាប់ពាក្យយ៉ាងធំដុំ ដោយភ្ជាប់ជាមួយរូបថត និងឈ្មោះគូស្នេហ៍ថែមទៀតផង ក្រោយពីប្រកាសចែកផ្លូវគ្នាប្រមាណជាងមួយឆ្នាំមកនេះ។
ទន្ទឹមនឹងនោះ ជាមួយនឹងទិដ្ឋភាពដ៏រំភើបក្រៃលែង នៃកម្មវិធីភ្ជាប់ពាក្យរបស់តារាស្រីអ្នកនាង ពេជ្រ សោភា និង លោក ឆឹម សក្កដា រួចមកឃើញថា មហាជនអ្នកគាំទ្រ ក៏ដូចជាមិត្តៗរួមនៅក្នុងវិស័យសិល្បៈជាច្រើនក៏បាននាំគ្នាសម្ដែងនៅការអបអរសាទរទៅកាន់អ្នកទាំងពីរថែមទៀតផង។ មិនតែប៉ុណ្ណោះ ពួកគេក៏បានធ្វើការយករូបភាពទាំងនោះបង្ហោះចែករំលែក ក៏ដូចជាសកម្មភាពផ្សេងៗនៃកម្មវីធី ដោយភ្ជាប់ជាមួយសារសប្បាយរីករាយនឹងក្ដីរំភើបចំពោះអ្នកទាំងពីរលើបណ្ដាញសង្គមជាបន្តបន្ទាប់។
ក្នុងនោះផងដែរ ក្រោយបានឃើញតារាប្រុសស្រីទាំងពីរដួងខាងលើនេះ ភ្ជាប់ពាក្យភ្លាម មិនទាន់បានប៉ុន្មានផង ស្រាប់តែគេឃើញតារាប្រុសលោក ញ៉ែម សុគន្ធ ដែលជាតារារៀមច្បងដ៏មានស្នាដៃទេពកោសល្យសមត្ថភាពមិនធម្មតារូបនេះ ក៏បានចេញមុខមកធ្វើការបង្ហោះរូបភាពប៉ុន្មានសន្លឹកនៃពិធីភ្ជាប់ពាក្យរបស់អ្នកទាំងពីរ ដោយបានភ្ជាប់ជាមួយសារអបអរសាទរ និង ជូនពរដល់អ្នកទាំងពីរឆាប់មានដំណឹងល្អចូលរោងការឆាប់ៗផងដែរ ដោយនៅក្នុងខ្លឹមសារនោះ លោកបានសរសេររៀបរាប់បែបនេះថា «សូមចូលរួមអបអរសាទរ Idol ទាំងពីរផង សម្រាប់ថ្ងៃពិសាស្លាដក់កន្សែង និងរង់ចាំថ្ងៃពិសេសរបស់អ្នកទាំងពីរបន្តទៀត កុំយូរពេក Idol»។
ក្រោយឃើញតារាប្រុសរូបនេះបង្ហោះសារមិនទាន់បានប៉ុន្មានផង ក៏មានអ្នកចូលទៅខមិនថា «រីករាយណាស់ បងភាជាទីស្រលាញ់ សូមជូនពរជីវិតគូរបងអោយស្រលាញ់គ្នាដល់អវសាន» «Congratulations idol ទាំង២ធ្វើស៊ីផ្លូវចិត្តហ្វេនបានសម្រេច រំភើបណាស់» «សមគ្នាគួរអោយស្រលាញ់ណាស់ បងទាំងពីរសូមព្រះប្រទានពរ»។
អ្នកខ្លះទៀតខមិនលើកឡើងចំៗថា «ឈ្លោះបន្ទាប់មកក៏ត្រូវ បន្ទាប់មកក៏ភ្ជាប់ពាក្យ អូននិយាយរឿងខ្លួនឯងហេណា» «Private ក៏ Private ចុះអោយតែច្បាស់លាស់ដូចស្នេហា បងសាល និងបងនា ដូចបង ភា និងបង ដា»។
យ៉ាងណាមិញ ក្រោយពីទទួលដំណឹងមួយនេះ ស្ទើរតែគ្មានអ្នកណាម្នាក់ចង់ជឿនោះទេ ដោយសារតែកន្លងទៅ តារាចម្រៀងស្រីដែលមានភាពល្បីល្បាញនៃការគាំទ្រមិនងាយមានអ្នកណាម្នាក់មកប៉ែងជើងបាន អ្នកនាង ពេជ្រ សោភារូបនេះ បានប្រកាសក្ដែងៗថា «ខ្លួនបានផ្ដាច់ទំនាក់ទំនងស្នេហ៍ជាមួយនឹងលោក ឆឹម សក្កដា ហើយចាប់ពីពេលនេះតទៅ» តែទោះបីជាយ៉ាងណាក៏ដោយ មានមិត្ដៗនៅក្នុងសិល្បៈមិនតិចនាក់នោះទេ ជាពិសេសអ្នកគាំទ្រតែម្ដងបានបង្ហាញនៅអារម្មណ៍ត្រេកអរ ចំពោះគូស្នេហ៍អ្នកទាំងពីរគ្រប់ៗគ្នាផងដែរ៕
ចែករំលែកព័តមាននេះ