សន្តិសុខធនាគារម្នាក់ដើឆ្លងផ្លូវរកទិញអីហូប ជួបគ្រោះយ៉ាងរន្ធ.ត់មុខវិទ្យាល័យទួលអំពិល
- ភ្នំពេញ
រាជធានីភ្នំពេញ ៖ ម៉ូតូYAMAHA YZF-R1 មួយគ្រឿង បើកបរដោយយុវជនម្នាក់ក្នុងល្បឿនលឿន
រាជធានីភ្នំពេញ ៖ ម៉ូតូYAMAHA YZF-R1 មួយគ្រឿង បើកបរដោយយុវជនម្នាក់ក្នុងល្បឿនលឿន
រាជធានីភ្នំពេញ ៖ ម៉ូតូYAMAHA YZF-R1 មួយគ្រឿង បើកបរដោយយុវជនម្នាក់ក្នុងល្បឿនលឿន បានជ្រុលទៅបុ.កបុរសជាសន្តិសុខយាមធនាគារម្នាក់ទៀតកំពុងដើឆ្លងផ្លូវ បណ្តាលឲ្យរងរបួសធ្ងន់ធ្ងរ ហើយបន្ទាប់មកបានស្លា.ប់ក្រោយពេលបញ្ជូនទៅសង្គ្រោះដល់មន្ទីពេទ្យ ។ ចំណែកម៉ូតូនោះពុំបានដួលនៅនឹងកន្លែងភ្លាមៗទេ បានជ្រុលទៅមុខបុកបង្គោលដែកដួលរលំ៣ដើម រួចជ្រុលទៅបុ.កបង្គោលភ្លើងថ្ម១ដើមទៀតទើបដួលរងការខូចខាត ហើយយុវជនអ្នកជិះម៉ូតូនេះរងរបួសស្រាល។
ហេតុការណ៍ខាងលើនេះបានកើតឡើងនៅវេលាម៉ោង១០ព្រឹកថ្ងៃទី១០ ខែវិច្ចិការឆ្នាំ២០២២ ត្រង់ចំណុចមុខនិងវិទ្យាល័យទួលអំពិល តាមបណ្តោយផ្លូវលេខ២១៧ ស្ថិតនៅក្នុងភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ។
ម៉ូតូមួយគ្រឿងខាងលើម៉ាកYAMAHA YZF-R1 ពណ៍ទឹកប្រាក់ ពាក់ស្លាកលេខ ភ្នំពេញ 1GY-0558 បើកបរដោយយុវជនមិនស្គាល់ឈ្មោះម្នាក់រងរបួសស្រាល ។ ចំណែកបុរសរងគ្រោះដល់បាត់បង់ជីវិតឈ្មោះ ឈួន វ៉ាន់ធីរិន អាយុ៤៧ឆ្នាំ មុខរបជាសន្តិសុខយាមនៅធនាគារមួយកន្លែង ជាប់នឹងកន្លែងកើតហេតុ មានទីលំនៅបច្ចុប្បន្នភូមិ៤ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
អ្នកឃើញហេតុការណ៍បាននិយាយថា នៅមុនកើតហេតុ ម៉ូតូខាងលើបានបើកបរធ្វើដំណើរក្នុងល្បឿនលឿនពីជើងទៅត្បូង លុះពេលទៅដល់ត្រង់ចំណុចកើតហេតុ ក៏បានជ្រុលទៅបុ.កបុរសរងគ្រោះ ដែលកំពុងដើរឆ្លងផ្លូវក្នុងទិសដៅពីកើតទៅលិចដើម្បីរកទិញអីហូប បណ្ដាលឲ្យខ្ទា.តប៉ើងជាច្រើនម៉ែត្ររងរបួសធ្ងន់ធ្ងរ ។ បន្ទាប់ម៉ូតូខាងលើពុំបានបានដួលនោះទេ បានជ្រុលទៅបុ.កបង្គោលដែលខ្លីៗដែលគេដាំនៅលើចិញ្ចើមផ្លូវ ដួលរលំអស់៣ដើមរួចជ្រុលទៅបង្គោលភ្លើងថ្ម១ដើមទៀត ទើបម៉ូតូនេះដួលហើយរងការខូចខាតយ៉ាងដំណំ ប៉ុន្តែយុវជនអ្នកបើកបរបានរងរបួសស្រាលប៉ុណ្ណោះ។
តាមប្រភពដដែលបានប្រាប់ឲ្យដឹងបន្តថា ក្រោយពេលកើតហេតុ សន្តិសុខដែលរងរបួសធ្ងន់ត្រូវបានបញ្ជូនទៅសង្គ្រោះបន្ទាន់ ប៉ុន្តែជាអកុសលពេលបញ្ជូនទៅដល់មន្ទីរពេទ្យ ក៏បានស្លា.ប់បាត់បង់ជីវិត ។ ចំណែកនគរបាលចរាចរណ៍ខណ្ឌដង្កោនិងនគរបាលប៉ុស្តិ៍ដង្កោ បានចុះទៅធ្វើការវាស់វែងនិងនាំយកម៉ូតូនិងអ្នកបើកបរទៅធ្វើការសាកសួរនិងចាត់ការតាមច្បាប់ ៕
ចែករំលែកព័តមាននេះ