ចាក់ថ្នាំបំបាត់ស្នាមជ្រួញលើថ្ងាស់ តែចុងក្រោយ…
តាមប្រភពព័ត៌មាន Metro បានឲ្យដឹងថា ស្ត្រីម្នាក់បានទទួលការវះកាត់បង្ហូរខ្ទុះ ក្រោយពេលមានការបង្ករោគនៅក្រោមស្បែកថ្ងាស់របស់នាង។ នេះជាលទ្ធផលដែលនាងទទួលបាន ក្រោយពេល
តាមប្រភពព័ត៌មាន Metro បានឲ្យដឹងថា ស្ត្រីម្នាក់បានទទួលការវះកាត់បង្ហូរខ្ទុះ ក្រោយពេលមានការបង្ករោគនៅក្រោមស្បែកថ្ងាស់របស់នាង។ នេះជាលទ្ធផលដែលនាងទទួលបាន ក្រោយពេល
ថៃ ៖ តាមប្រភពព័ត៌មាន Metro បានឲ្យដឹងថា ស្ត្រីម្នាក់បានទទួលការវះកាត់បង្ហូរខ្ទុះ ក្រោយពេលមានការបង្ករោគនៅក្រោមស្បែកថ្ងាស់របស់នាង។ នេះជាលទ្ធផលដែលនាងទទួលបាន ក្រោយពេលបានចាក់ Dermal Filler ទៅលើថ្ងាស់ ក្នុងគោលបំណងដើម្បីបំបាត់ស្នាមជ្រួញ។
Nong Guang អាយុ៤១ឆ្នាំ បានចាក់ Filler តាំងពី២ឆ្នាំមុន តែនៅពេលថ្មីៗនេះនាងស្រាប់តែមានអារម្មណ៍ថា មុខរបស់នាងមានសភាពទន់ៗដូចចាហួយ។ នាងបានទៅទទួលការពិនិត្យនៅគ្លីនិក បន្ទាប់ពីនាងមានការឈឺចាប់នៅដើមខែនេះ ហើយគ្រូពេទ្យប្រាប់នាងថា នាងមានការបង្ករោគក្រោមស្បែកដែលនាងធ្លាប់ចាក់ Filler។
វីដេអូដែលគេថតនៅក្នុងគ្លីនិក Teeraporn ក្នុងទីក្រុងបាំងកក បានបង្ហាញពីសកម្មភាពរបស់គ្រូពេទ្យក្នុងការច្របាច់សារធាតុស្អិតៗចេញពីក្រោមថ្ងាស់របស់ Nong Guang។ បន្ទាប់ពីរយៈពេល ១០នាទីកន្លងផុតទៅសារធាតុ Filler ត្រូវបានគ្រូពេទ្យយកចេញអស់ មុនពេលការដេរបិទទៅវិញ និងការលាបថ្នាំសម្លាប់មេរោគ ចាប់ផ្តើមអនុវត្តទៅលើមុខរបួស។
ស្ត្រីវ័យ៤១ឆ្នាំ បាននិយាយថា៖ «ខ្ញុំបានចាក់ Filler តាំងពី២ឆ្នាំមុន តែនៅពេលពីរបីថ្ងៃមុននេះ វាចាប់ផ្តើមធ្វើឲ្យខ្ញុំឈឺចាប់យ៉ាងខ្លាំង ដែលតម្រូវឲ្យខ្ញុំមកជួបគ្រូពេទ្យ។
ថ្ងាស់របស់ខ្ញុំឡើងទន់ៗ នៅពេលខ្ញុំប៉ះវា។ គ្រូពេទ្យបានប្រាប់ថា វាមានការបង្ករោគហើយ។ វាមានការឈឺចាប់ណាស់ នៅពេលខ្ញុំធ្វើឲ្យវាក្រឡិចក្រឡាច់នៅក្រោមស្បែករបស់ខ្ញុំ។ តែខ្ញុំសប្បាយចិត្តណាស់ ព្រោះថាឥលូវនេះបញ្ហាត្រូវបានដោះស្រាយហើយ»។
អ្នកនាំពាក្យរបស់គ្លីនិកខាងលើ បាននិយាយថា ការចាក់ Filler របស់អ្នកជម្ងឺនេះមិនមែនធ្វើឡើងដោយគ្លីនិករបស់ខ្លួនឡើយ។ តែគ្លីនិករបស់ខ្លួនគឺជាអ្នកព្យាបាលបញ្ហាបង្ករោគនៅកន្លែងចាក់ Filler នោះ៕
ចែករំលែកព័តមាននេះ