ខេត្តកណ្តាល ៖ តាមសេចក្តីរាយការណ៍ពីភ្នាក់ងារកោះសន្តិភាពបានឱ្យដឹងថា នារសៀលថ្ងៃទី21 មេសានេះ កម្លាំងនគរបាលព្រហ្មទណ្ឌកំរិតធ្ងន់នៃក្រសួងមហាផ្ទៃសហការជាមួយកម្លាំ
ខេត្តកណ្តាល ៖ តាមសេចក្តីរាយការណ៍ពីភ្នាក់ងារកោះសន្តិភាពបានឱ្យដឹងថា នារសៀលថ្ងៃទី21 មេសានេះ កម្លាំងនគរបាលព្រហ្មទណ្ឌកំរិតធ្ងន់នៃក្រសួងមហាផ្ទៃសហការជាមួយកម្លាំងនគរបាលខណ្ឌពោធិ៍សែនជ័យ ជាម្ចាស់ករណី និងកម្លាំងនគរបាលស្រុកលើកដែក ព្រមទាំងកម្លាំងនគរបាលខេត្តព្រៃវែង បាននាំឃាតក2នាក់ ម្នាក់ជាជនជាតិចិន និងម្នាក់ទៀតជនជាតិខ្មែរ ដើម្បីនាំទៅចង្អុលបង្ហាញកន្លែងទម្លាក់សាកសពពីលើស្ពានអ្នកលឿងចូលទៅក្នុងទឹកទន្លេមេគង្គ និងប្រាប់កន្លែងទម្លាក់ចោលវត្ថុតាងមានភួយរុំសពជនរងគ្រោះ នៅចំណុចស្ពានកន្ទ្រាក់ជិតទីរួមខេត្តព្រៃវែង ស្ថិតក្នុងភូមិបាប៉ោង ឃុំបាប៉ោង ស្រុកពាមរ៍ ខេត្តព្រៃវែង ។
រួចហើយក៏បកមកវិញនាំក្រុមគ្រួសារជនរងគ្រោះមកគាស់សាកសពដែលសមត្ថកិច្ចកប់បណ្តោះអាសន្ននៅចំណុចមាត់ទន្លេមេគង្គ ស្ថិតក្នុងភូមិព្រែកបាក់ ឃុំព្រែកទន្លាប់ ស្រុកលើកដែក ខេត្តកណ្តាល ដើម្បីយកសាកសពទៅបញ្ចុះបូជានៅវត្តកំពង់ភ្នំ ក្នុងស្ថិតក្នុងឃុំកំពង់ភ្នំ ស្រុកលើកដែក។
គួរបញ្ជាក់ថា កាលពីថ្ងៃទី១២ មេសា មានករណីចាប់ថៅកែហាងភោជនីដ្នានមួយកន្លែង ជាជនជាតិចិនម្នាក់នៅខណ្ឌពោធិ៍សែនជ័យ ដើម្បីជំរិតទារប្រាក់ ប៉ុន្តែដោយសារតែជំរិតទារប្រាក់ពីបងស្រីជនរងគ្រោះចំនួន40.000ដុល្លារមិនបាន ក៏សម្លាប់ជនរងគ្រោះនៅក្នុងផ្ទះសំណាក់ (ញ៉ូថោន) ស្ថិតនៅក្នុងទឹកដីខណ្ឌពោធិ៍សែនជ័យ រាជធានីភ្នំពេញ។ លុះដល់វេលាម៉ោង៥និង៤៥នាទីព្រឹកថ្ងៃទី១៣ មេសា ប្រជាពលរដ្ឋបានប្រទះឃើញសាកសពជនជាតិចិនម្នាក់ស្លាប់អណ្តែតទឹកទន្លេ នៅចំណុចភូមិព្រែកបាក់ ឃុំព្រែកទន្លាប់ ស្រុកលើកដែក ខេត្តកណ្តាល ដែលសាកសពនោះមិនត្រូវបានស្គាល់អត្តសញ្ញាណទេ ។ បន្ទាប់ពីមានព័ត៌មានករណីជំរិតទារប្រាក់នេះ សមត្ថកិច្ចនគរបាលព្រហ្មទណ្ឌកម្រិតធ្ងន់រាជធានីភ្នំពេញ និងនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបើកការស៊ើបអង្កេតលើបទល្មើសជំរិតទារប្រាក់នេះ ៕
ព័ត៌មានដែលទាក់ទិន ៖ ពិតជាសាហាវណាស់! មិនត្រឹមតែជំរិតទេ ថែមទាំងសម្លាប់ទៀត
នាំខ្លួនជនល្មើសធ្វើត្រាប់សារឡើងវិញករណីឃាតកម្មជនជាតិចិនដូចគ្នា(មានវីដេអូ)
ចែករំលែកព័តមាននេះ