ក្រសួងការងារបើកកិច្ចពិភាក្សា
រាជធានីភ្នំពេញ ៖ ក្រសួងការងារនិងបណ្តុះបណ្តាលវិជ្ជាជីវៈ បានបើកសិក្ខារួមគ្នាជាលក្ខណៈត្រីភាគី ដើម្បីពិភាក្សាលើសេចក្តីព្រាងច្បាប់ស្តីពីប្រាក់ឈ្នួលអប្បបរមាសម្រាប់កម្មករនិយោជិត នៅក្នុង
រាជធានីភ្នំពេញ ៖ ក្រសួងការងារនិងបណ្តុះបណ្តាលវិជ្ជាជីវៈ បានបើកសិក្ខារួមគ្នាជាលក្ខណៈត្រីភាគី ដើម្បីពិភាក្សាលើសេចក្តីព្រាងច្បាប់ស្តីពីប្រាក់ឈ្នួលអប្បបរមាសម្រាប់កម្មករនិយោជិត នៅក្នុង
រាជធានីភ្នំពេញ ៖ ក្រសួងការងារនិងបណ្តុះបណ្តាលវិជ្ជាជីវៈ បានបើកសិក្ខារួមគ្នាជាលក្ខណៈត្រីភាគី ដើម្បីពិភាក្សាលើសេចក្តីព្រាងច្បាប់ស្តីពីប្រាក់ឈ្នួលអប្បបរមាសម្រាប់កម្មករនិយោជិត នៅក្នុងប្រទេសកម្ពុជា ។
សិក្ខាសាលានេះ ប្រារព្ធធ្វើឡើងនាព្រឹកថ្ងៃទី២០ ខែមេសា នៅសណ្ឋាគារភ្នំពេញ ដោយមានការចូលរួមពីត្រីភាគីគឺ ក្រសួងការងារនិងបណ្តុះបណ្តាលវិជ្ជាជីវៈ តំណាងនិយោជក និងតំណាងកម្មករនិយោជិត និងបានលើកយកសេចក្តីព្រាងច្បាប់ដែលមាន៦ជំពូក ៣៣មាត្រាមកពិភាក្សា។
លោក រដ្ឋមន្ត្រី អិុត សំហេង ថ្លែងថា ខ្លឹមសារនៃសេចក្តីព្រាងច្បាប់ គឺដើម្បីធានាបាននូវយន្តការកំណត់ប្រាក់ឈ្នួលអប្បបរមា ដែលពិតជាមានសារប្រយោជន៍យ៉ាងខ្លាំងក្នុងការធានាបាននូវសុខដុមរមនានៃទំនាក់ទំនងវិជ្ជាជីវៈ ក៏ដូចជាការលើកកម្ពស់កម្រិតជីវភាពរបស់កម្មករនិយោជិត ព្រមទាំងធានានូវស្ថិរភាព និរន្តរភាពនៃវិស័យពាណិជ្ជកម្ម និងការទាក់ទាញការវិនិយោគនៅប្រទេសកម្ពុជា ។ ក្រសួងបានរៀបចំសេចក្ដីព្រាងច្បាប់ស្ដីពីប្រាក់ឈ្នួលអប្បបរមា ដោយអនុលោមតាមរដ្ឋធម្មនុញ្ញនៃព្រះរាជាណាចក្រកម្ពុជា មាត្រា៣៦ វាក្យខណ្ឌទី២ ដែលបញ្ញត្តិថា «ប្រជាពលរដ្ឋខ្មែរទាំងពីរភេទ មានសិទ្ធិទទួលប្រាក់បំណាច់ស្មើគ្នាចំពោះការងារដូចគ្នា»។
លោករដ្ឋមន្ត្រីបន្តថា សេចក្តីព្រាងច្បាប់នេះធ្វើឡើងស្របតាមច្បាប់ស្ដីពីការងារ ដែលក៏កំណត់ផងដែរអំពីប្រាក់ឈ្នួលអប្បបរមា ដែលចាំបាច់ក្នុងការធានានូវជីវភាពរស់នៅសមរម្យរបស់កម្មករនិយោជិតគ្រប់រូប និងអនុសញ្ញាអន្តរជាតិខាងការងារលេខ១៣១ និងអនុសាសន៍លេខ១៣៥ ស្ដីពីការកំណត់ប្រាក់ឈ្នួលអប្បបរមា ដែលតម្រូវឱ្យមានប្រព័ន្ធកំណត់ប្រាក់ឈ្នួលអប្បបរមាមួយ តាមបែបវិទ្យាសាស្ត្រ។
លោករដ្ឋមន្ត្រីបញ្ជាក់ថា «សេចក្តីព្រាងច្បាប់នេះ គឺជាសមិទ្ធផលថ្មីមួយទៀត ក្នុងការអភិវឌ្ឍក្របខ័ណ្ឌគតិយុត្ត ។ សេចក្តីព្រាងច្បាប់នេះ ត្រូវបានដាក់ឱ្យប្រជុំពិភាក្សាក្នុងកិច្ចប្រជុំត្រីភាគីចំនួន ២លើករួចមកហើយ ដែលលើកទី១ ធ្វើឡើងនៅថ្ងៃទី២៨ ខែវិច្ឆិកា ឆ្នាំ២០១៦ និងលើកទី២ ធ្វើឡើងនៅថ្ងៃទី១៦ ខែធ្នូ ឆ្នាំ២០១៦ កន្លងទៅ»៕
ចែករំលែកព័តមាននេះ