រាជធានីភ្នំពេញ ៖ ធនាគារជាតិនៃកម្ពុជា(NBC) បានដាក់ដេញថ្លៃសាច់ប្រាក់ចំនួន៤០ពាន់លានរៀលដើម្បីផ្តល់ឲ្យស្ថាប័នមីក្រូហិរញ្ញវត្ថុនានានៅកម្ពុជា ដេញថ្លៃក្នុងអត្រាការប្រាក់៣% ។
យោងតាមសេចក្តីប្រកាសព័ត៌មានរបស់
រាជធានីភ្នំពេញ ៖ ធនាគារជាតិនៃកម្ពុជា(NBC) បានដាក់ដេញថ្លៃសាច់ប្រាក់ចំនួន៤០ពាន់លានរៀលដើម្បីផ្តល់ឲ្យស្ថាប័នមីក្រូហិរញ្ញវត្ថុនានានៅកម្ពុជា ដេញថ្លៃក្នុងអត្រាការប្រាក់៣% ។
យោងតាមសេចក្តីប្រកាសព័ត៌មានរបស់ធនាគារជាតិនៃកម្ពុជា ដែលបានចេញផ្សាយកាលពីថ្ងៃទី១៨ មេសា ឲ្យដឹងថា ការដាក់ដេញថ្លៃសម្រាប់ខែមេសានេះ មានតែគ្រឹះស្ថានមីក្រូហិរញ្ញវត្ថុមួយប៉ុណ្ណោះ ខណៈកាលពីខែមីនាកន្លងមក គ្មានគ្រឹះស្ថានមីក្រូហិរញ្ញវត្ថុណាមួយដេញថ្លៃទេ ។
សេចក្តីប្រកាសដដែលឲ្យដឹងថា ការដេញថ្លៃដែលធ្វើឡើងរៀងរាល់ខែនេះ គឺស្ថិតក្នុងប្រតិបត្តិការផ្តល់សន្ទនីយភាពដោយមានការធានា ដែលធនាគារជាតិនៃកម្ពុជាបានអនុវត្តចាប់តាំងពីចុងឆ្នាំ២០១៦ ដើម្បីបង្កើនការចរាចរប្រាក់រៀលក្នុងទីផ្សារ ។
លោក សាយ សូនី នាយកប្រតិបត្តិគ្រប់គ្រងទីផ្សារនៃស្ថាប័នមីក្រូហិរញ្ញវត្ថុប្រាសាក់ ថ្លែងថា គ្រឹះស្ថានមីក្រូហិរញ្ញវត្ថុប្រាសាក់ធ្លាប់បានចូលរួមដេញថ្លៃប្រាក់រៀលពីធនាគារជាតិ ប៉ុន្តែលើកនេះគ្រឹះស្ថានរបស់លោកមិនចូលរួមដេញថ្លៃទេ ដោយសារសាច់ប្រាក់ដេញថ្លៃកន្លងមកប្រើប្រាស់មិនទាន់អស់ ។ លោកបន្តថា ការចរាចរប្រាក់រៀលនៅលើទីផ្សារ ប្រាសាក់មានគោលនយោបាយផ្តល់ជូនអតិថិជនដែលប្រើប្រាស់ឥណទានក្នុងទំហំសាច់ប្រាក់តូច គឺគ្រឹះស្ថានផ្តល់ជូនជាប្រាក់រៀល ប៉ុន្តែបើអ្នកប្រើប្រាស់ឥណទានក្នុងទំហំសាច់ប្រាក់ធំ យើងតែងតែផ្តល់ជូនជាប្រាក់ដុល្លារ ដោយសារងាយស្រួលទុកដាក់ ។
លោកបន្តថា ៖ « អត្រាការប្រាក់៣% ដែលផ្តល់ជូនពីធនាគារជាតិ ជាការសមរម្យនាពេលកន្លងមក ប៉ុន្តែចាប់តាំងពីរាជរដ្ឋាភិបាលកំណត់ពិដានការប្រាក់ត្រឹម១៨% អត្រាការប្រាក់នេះហាក់ខ្ពស់បន្តិច។ ហេតុនេះ ធនាគារជាតិគួរពិចារណាបញ្ចុះអត្រាការប្រាក់បន្ថែមទៀត ព្រោះប្រាក់រៀលដែលដេញថ្លៃមកមិនបានប្រើប្រាស់១០០% នោះទេ » ។
សេដ្ឋវិទូកម្ពុជា លោកបណ្ឌិត ម៉ី កល្យាណទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិថ្លែងថា ការដាក់ចេញនូវការដេញថ្លៃសាច់ប្រាក់រៀលនេះ ជាដំណើរការល្អដែលនឹងវិវត្តទៅមុខបន្តិចម្តងៗ ព្រោះការធ្វើការជាមួយវិស័យឯកជន រាជរដ្ឋាភិបាលមិនអាចចាប់បង្ខំបានទេ ហើយការដែលមីក្រូហិរញ្ញវត្ថុ និងធនាគារមិនចូលរួមដេញថ្លៃ គឺមកពីពួកគេគិតថា វាគ្មានប្រយោជន៍ ។
លោកបន្តថា ៖ « ការងារលើកកម្ពស់ចរាចរសាច់ប្រាក់រៀលត្រូវការពេលវេលាយូរដើម្បីធ្វើឲ្យការងារនេះដំណើរការដោយរលូន និងទទួលបានការទុកចិត្តពីវិស័យឯកជននានា » ៕
ចែករំលែកព័តមាននេះ