Miss Universe នឹងផ្លាស់ប្តូរកម្មវិធីប្រកួតប្លែកមួយ ក្រោយសេដ្ឋនី១រូបទិញក្នុងតម្លៃ២០លានដុល្លារ
ថៃ ៖ សេដ្ឋីនីនៃប្រព័ន្ធផ្សព្វផ្សាយដ៏ល្បីរបស់ថៃម្នាក់ ដែលជាស្រីកែភេទ បានទិញផ្តាច់យកក្រុមហ៊ុន
ថៃ ៖ សេដ្ឋីនីនៃប្រព័ន្ធផ្សព្វផ្សាយដ៏ល្បីរបស់ថៃម្នាក់ ដែលជាស្រីកែភេ.ទ បានទិញផ្តាច់យកក្រុមហ៊ុន ដែលរៀបចំកម្មវិធីប្រកួតបវរកញ្ញាចក្រវាល (Miss Universe) នៅក្នុងតម្លៃ ២០លានដុល្លារអាមេរិក កាលពីថ្ងៃទី២៦ ខែតុលា ឆ្នាំ២០២២។
លោកស្រី Anne Jakapong Jakrajutatip អាយុ៤៣ឆ្នាំ គឺជាម្ចាស់ក្រុមហ៊ុន JKN Global Group ដែលផលិតកម្មវិធីទូរទស្សន៍នៅថៃ។ គាត់បានសម្តែងក្នុងកម្មវិធីដ៏ពេញនិយមរបស់ថៃ «Project Runway» និង «Shark Tank» ។ ហើយការទិញក្រុមហ៊ុនរៀបចំកម្មវិធី Miss Universe ដែលធ្លាប់ជាសហកម្មសិទ្ធិដោយអតីតប្រធានាធិបតីអាមេរិក លោក Donald Trump អំឡុងឆ្នាំ ១៩៩៦ ដល់ឆ្នាំ ២០០៥ នោះ កើតឡើងពេលសេដ្ឋីនីរូបនេះ មើលឃើញការប្រកួតហាក់មិនបើកចំហរទូលំទូលាយ ។
លោកស្រី Jakrajutatip បានថ្លែងនៅក្នុងសេចក្តីថ្លែងការណ៍មួយថា Miss Universe Organisation គឺជាការបន្ថែមយុទ្ធសាស្ត្រដ៏រឹងមាំដល់ផលប័ត្ររបស់ក្រុមហ៊ុនរបស់អ្នកស្រី។ ដោយសេដ្ឋីនីរូបនេះ បាននិយាយថា «យើងស្វែងរកមិនត្រឹមតែដើម្បីបន្តកេរ្តិ៍ដំណែលក្នុងការផ្តល់នូវវេទិកាមួយដល់បុគ្គល ដែលមានចំណង់ចំណូលចិត្តពីមជ្ឈដ្ឋាន វប្បធម៌ និងប្រពៃណីចម្រុះប៉ុណ្ណោះទេ ប៉ុន្តែយើងថែមទាំងស្វែងរកដើម្បីអភិវឌ្ឍម៉ាកយីហោសម្រាប់មនុស្សជំនាន់ក្រោយ»។
ការទិញយកក្រុមហ៊ុនរៀបចំកម្មវិធី Miss Universe របស់សេដ្ឋីនីថៃរូបនេះ កើតឡើងដើម្បីនាំការប្រកួតប្រជែងឈានឆ្ពោះទៅរកការរួមបញ្ចូលកាន់តែច្រើនឡើង។ ហើយចាប់ពីឆ្នាំក្រោយតទៅ អ្នករៀបចំកម្មវិធីបានបញ្ជាក់ថា ស្ត្រីរៀបការរួច និងអ្នកម្តាយ នឹងត្រូវបានអនុញ្ញាតឱ្យចូលរួមប្រកួតប្រជែងដណ្តើមកម្មវិធីម្កុដឯកលំដាប់ពិភពលោកមួយនេះ។ ដោយសារការប្រកួតមុនៗ គឺបើកចំហរសម្រាប់តែស្ត្រីមិនធ្លាប់រៀបការ និងគ្មានកូនតែប៉ុណ្ណោះ។
សូមជម្រាបថា ការប្រកួត Miss Universe ត្រូវបានធ្វើឡើងជារៀងរាល់ឆ្នាំអស់រយៈពេល៧១ឆ្នាំកន្លងមកហើយ ហើយត្រូវបានចាក់ផ្សាយនៅក្នុងប្រទេសជាង ១៦០ ផងដែរ៕ (ប្រភពពី BBC)
ចែករំលែកព័តមាននេះ