កញ្ញា ហ្វី យ៉ាតា ពោលចំៗថា មិនយកខ្លួនទៅប្ដូរនឹងទ្រព្យសម្បត្តិអ្នកដទៃ និងបោ.កប្រាស់គេឡើយ
- ភ្នំពេញ
រាជធានីភ្នំពេញ ៖ ជារឿងមួយដ៏គួរឲ្យភ្ញាក់ផ្អើល និងចាប់អារម្មណ៍ កាលពីថ្ងៃទី២៣ ខែតុលា ឆ្នាំ២០២២ ម្សិលមិញនេះ តារាសម្ដែងស្រីដ៏មានប្រជាប្រិយភាព និងជាអតីតតារាម៉ូដែលស្រីដ៏ល្បីឈ្មោះ ក្នុងកម្មវិធី Freshie Girls បានពោលចំៗថា «កញ្ញាមិនយកខ្លួនប្រាណទៅប្ដូរនឹងទ្រព្យសម្បត្តិអ្នកដទៃ ដោយការបោ.កប្រាស់ចិត្តមនុស្សប្រុសម្នាក់ឡើយ» ខណៈសារនេះ កញ្ញាក៏បានបញ្ជាក់ថា «មិនពាក់ព័ន្ធគ្រួសារខ្លួនឯឯ ឬឪពុកកញ្ញាឡើយ តែពាក់ព័ន្ធទៅនឹងមនុស្សជិតដិតរបស់កញ្ញា»។
នេះបើយោងតាមសារដែលបានបង្ហោះ តារាស្រីរូបនេះបានលើកឡើងយ៉ាងវែងអន្លាយប្រាប់ទៅអ្នកគាំទ្រអោយបានដឹងបែបនេះថា «ដំបូងខ្ញុំចង់និយាយពីខ្លួនខ្ញុំបន្តិចថា ទោះជាខ្ញុំអត់ ក្រ លំបាកយ៉ាងណា ដាច់ខាតខ្ញុំមិនយកពាក្យថា «ស្រលាញ់» និងខ្លួនប្រាណខ្ញុំទៅដូរ នឹងបោ.កប្រាស់ចិត្តមនុស្សប្រុសណាម្នាក់ ដើម្បីតែលុយ និងទ្រព្យសម្បត្តិរបស់គេទេ។ ត្បិតតែខ្ញុំជាមនុស្សមិនចេះនិយាយផ្អែម ឬទ្រអ្នកណា ប៉ុន្តែខ្ញុំក៏ច្បាស់ចិត្តណាស់ថា ខ្ញុំមិនអាចលេងខ្សែលើនិងបោ.កប្រាស់ទឹកចិត្តរបស់នរណាម្នាក់បានឡើយ ខ្ញុំមិនមានអំនួតនៅលើសម្រស់ និងចំណេះដឹងរបស់ខ្ញុំទេ ប៉ុន្តែខ្ញុំជឿថា បើសិនជាខ្ញុំដាច់ចិត្តចង់បោ.កប្រាស់បុរសណាម្នាក់ ដើម្បីតែលុយ និងសម្លឹងឃើញតែទ្រព្យសម្បត្តិរបស់គេ ខ្ញុំជឿថាខ្ញុំមិនបាច់លំបាក ខំប្រឹងរកស៊ីដោយញើសឈា.មខ្លួនឯងឡើយ»។
តារាស្រីរូបនេះបានលើកឡើងបន្តថា «វាពិតជាទើសភ្នែក និងពិបាកទទួលយក ហើយខ្ញុំមានអារម្មណ៍ថា រអើមនៅពេលដែលក្មេងស្រីម្នាក់អាយុមិនទាន់២០ឆ្នាំផង ទៅបោ.កប្រាស់ចិត្តបុរសម្នាក់អាយុស្មើនឹងឪ ឬក៏តារបស់ខ្លួន ដើម្បីតែសម្ភារៈក្រៅខ្លួន និងលុយកាក់។ បើនាងក្មេងនេះ ពិតជាស្រឡាញ់គាត់មែន បើបានសមល្មមពីគេហើយមិនគួរណាជាន់.កគេចង់បានបន្ថែម នេះបានបញ្ជាក់ឱ្យឃើញថា ការណាដែលនាងបានគ្រប់គ្រាន់នូវអ្វីដែលនាងគ្រោងនឹងបានហើយ bye bye my love ម៉ង។ អ្វីដែលខ្ញុំកាន់តែឆ្ងល់ គឺឪពុកម្ដាយរបស់នាងតូចនោះ ហេតុអ្វីបណ្ដោយឲ្យកូនមកធ្វើរឿងបែបនេះ ទាំងដែលអនាគតកូនអាចវែងឆ្ងាយជាងនេះ? ដោយមិនបាច់យកពេលវេលា និងខ្លួនមកប្ដូរ ដើម្បីតែលុយកាក់ប៉ុណ្ណឹង។ រៀនសូត្រសាលាក៏មិនដែលឃើញទៅ ការងារក៏គ្មានធ្វើ មួយថ្ងៃមួយថ្ងៃនៅតែកំដគេក្នុងផ្ទះ ហើយបង្ហោះ និងស៊ែរគ្រឿងពេជ្រ មាស ឡាន ផ្ទះ ដើម្បីឲ្យតាបានឃើញថា ខ្លួនចង់បានអីខ្លះ ក្មេងស្រីអាយុ១៩ឆ្នាំ ចូលចិត្តដើរលេងក្លិប ស្ដាប់បទបែកស្លុយ មួយថ្ងៃៗរកតែរបស់ត្រូវទិញ»។
តារាស្រីរូបនេះបានលើកឡើងបន្តទៀតថា «ក្នុងនាមខ្ញុំជាម្ដាយម្នាក់ ខ្ញុំមានកូនប្រុស ខ្ញុំតែងតែបន់ស្រន់ឲ្យកូនប្រុសខ្ញុំមាននរណាម្នាក់មកស្រឡាញ់គាត់ជាគាត់ ដោយមិនមែនអ្វីដែលគាត់មាន ឬចូលមកក្នុងជីវិតគាត់ដើម្បីបោ.កប្រាស់ទឹកចិត្តស្មោះ.សរបស់គាត់ ដើម្បីតែលុយ និងទ្រព្យសម្បត្តិ ព្រោះក្នុងនាមខ្ញុំជាម្ដាយវាឈឺចាប់ ខ្ញុំមិនអាចមើលដឹងទេថា វាសនារបស់ខ្ញុំនឹងទៅជាអ្នកមានឬក៏យ៉ាងណា? តែបើថ្ងៃអនាគតទៅ ខ្ញុំមានកូនស្រី ខ្ញុំប្រាកដចិត្តច្បាស់ណាស់ថា ខ្ញុំនឹងបង្រៀនកូនស្រីរបស់ខ្ញុំ មិនឲ្យរស់ពឹងដង្ហើមអ្នកណា ហើយត្រូវតែអាចរស់ដោយខ្លួនឯងបាន ដោយមិនបាច់យកពេលវេលា ខ្លួនប្រាណដ៏ស្រស់ស្អាតមានតម្លៃទៅប្ដូរ ដើម្បីតែលុយកាត់បោ.កប្រាស់ទឹកចិត្ត និងក្ដីស្រឡាញ់របស់នរណាម្នាក់ ដើម្បីតែភាពលោ.ភលន់ ចង់បាន តែខ្ចិលរករបស់ខ្លួនឯង ព្រោះវាថោ.កទាប។ សូមបញ្ជាក់ថា រឿងនេះមិនពាក់ព័ន្ធនឹងសមាជិកគ្រួសាររបស់ខ្ញុំទេ មិនបានពាក់ព័ន្ធនឹងលោកឪពុករបស់ខ្ញុំ វាពាក់ព័ន្ធទៅលើមនុស្សជិតដិតរបស់ខ្ញុំ ខ្ញុំសរសេរនេះ ព្រោះខ្ញុំតឹងទ្រូងជំនួសគាត់ពេក»។
ក្រោយឃើញតារាស្រីរូបនេះបង្ហោះសារអញ្ជឹងរួចមក មិនទុកចាំយូរក៏មានមហាជននាំគ្នាចូលទៅខមិនព្រាតថា «ខ្ញុំអានត្រង់ចំណុច បងសរសេរថា ក្នុងនាមបងជាម្ដាយម្នាក់មានកូនប្រុសម្នាក់ បន់ស្រន់រាល់ថ្ងៃអោយកូនទៅថ្ងៃមុខជួបគូជីវិតដែលស្រលាញ់កូនជាកូន ខ្ញុំស្រក់ទឹកភ្នែកភ្លាម ព្រោះខ្ញុំក៏មានកូនប្រុសដែលស្រលាញ់ស្មើជីវិតដែរ»។ អ្នកខ្លះទៀតបានលើកឡើងថា «ខ្ញុំឲ្យតម្លៃមនុស្សស្រីណាស់ តែមិនពេញចិត្តនៅអត្តចរិតមនុស្សស្រីមួយចំនួន ដែលគេចិញ្ចឹមគាត់ដូចអ្វីបងនិយាយខាងលើ High show គាត់មើលមកមនុស្សប្រុសដទៃទៀតដែលគ្មានលទ្ធភាព ទាំងគេខំប្រឹងដោយកម្លាំងញើសឈា.មគេ តែមិនដែលទុកពួកគាត់ក្នុងកែវភ្នែក។និយាយអាក្រក់ស្តាប់ ប្រពន្ធហ៊ាមិនអីទេ ណាស់តែស្រីហ៊ាតាស់ គេមិនដល់ខ្លួន»។
សូមរំលឹកផងដែរថា តារាសម្តែងស្រីដ៏ស្រស់ស្អាត និងជាអតីត Freshie Girls មួយរូប ដែលមានភាពលេចធ្លោល្បីល្បាញមិនស្ទើរនោះ គឺកញ្ញា ហ្វីយ៉ាតា បើទោះបីជាពេលនេះតារាស្រីរូបនេះ ហាក់បីឃ្លាតឆ្ងាយពីសិល្បៈក៏ពិតមែន ប៉ុន្តែនាងនៅតែជាតារាស្រីម្នាក់ដែលមានមហាជន ក៏ដូចជាអ្នកគាំទ្រជាច្រើននាក់នាំគ្នាផ្ទុះការចាប់អារម្មណ៍គ្រប់ៗគ្នា ជាពិសេសគេតែងតែសង្កេតឃើញតាមរយៈការលេងស្ទាយ៍តុបតែងខ្លួនសិចស៊ីគួរអោយទាក់ទាញ លេងខ្លួនបែបប្លែកៗមិនដែលឲ្យច្រឡំគេនោះឡើយ ដល់ថ្នាក់ធ្វើអោយកំលោះៗមិនតិចនាក់នោះទេ ធ្លាក់ក្នុងអន្លង់ស្នេហ៍នាងគ្រប់ៗគ្នាតែម្ដង៕
ចែករំលែកព័តមាននេះ