ក្រុងសែនមនោរម្យរៀបចំភ្លើងរាត្រីចម្រុះពណ៌តាំងលម្អស្វាគមន៍ឆ្នាំថ្មី(មានវីដេអូ)
ខេត្តមណ្ឌលគិរី ៖ អាជ្ញាធរក្រុងសែនមនោរម្យបានរៀបចំភ្លើងរាត្រីចម្រុះពណ៌ដាក់តាំងលម្អតាមដងវិថីកណ្តាលក្រុងសែនមនោរម្យ
ខេត្តមណ្ឌលគិរី ៖ អាជ្ញាធរក្រុងសែនមនោរម្យបានរៀបចំភ្លើងរាត្រីចម្រុះពណ៌ដាក់តាំងលម្អតាមដងវិថីកណ្តាលក្រុងសែនមនោរម្យដើម្បីត្រៀមទទួលស្វាគមន៏បុណ្យចូលឆ្នាំថ្មីដែលជិតចូលមកដល់នាពេលឆាប់ៗខាងមុខនេះ ។ នៅពេលរាត្រីប្រជាពលរដ្ឋអាចប្រទះឃើញពន្លឺភ្លើងអគ្គិសនីបំភ្លឺឡើងចម្រុះពណ៌គួរឲ្យចង់គយគន់ក្រៃលែងយ៉ាងស្រល់ស្អាត ។
បើតាមមន្ត្រីសាលាក្រុងបានឲ្យដឹងថា ដើម្បីទទួលឆ្នាំថ្មីអាជ្ញាធរខេត្តមណ្ឌលគិរីរួមជាមួយអាជ្ញាធរក្រុងសែនមនោរម្យបានរៀបចំកម្មវិធីកម្សាន្តជាច្រើនសម្រាប់ឲ្យប្រជាពលរដ្ឋ និងភ្ញៀវទេសចរណ៏លេងកម្សាន្តដូចជា លេងល្បែងប្រពៃណី ចាក់ភ្លេងរាំលេងនៅរង្វង់មូលគោព្រៃ ជាដើម ។
ទោះជាយ៉ាងណាប្រជាពលរដ្ឋស្នើរឲ្យអាជ្ញាធរខេត្តមណ្ឌលគិរីរុះរើស្លាកផ្សាយពាណិជ្ជកម្មរបស់ក្រុមហ៊ុនទូរស័ព្ទចេញពីបង្គោលអគ្គិសនីបំភ្លឺផ្លូវក្នុងក្រុងសែនមនោរម្យ ព្រោះដើម្បីសោភ័ណភាព ខណៈជិតចូលឆ្នាំថ្មីនេះគេឃើញមន្ត្រីអគ្គិសនីខិតខំបំពាក់អំពូលចម្រុះពណ៏សម្រាប់លម្អនាពេលរាត្រីតែភាពស្រល់ស្អាតទាំងនោះបែរជាត្រូវបិតបាំងដោយស្លាកផ្សព្វផ្សាយរបស់ក្រុមហ៊ុនឯកជនដែលវាបានដល់ផលប្រយោជន៏សម្រាប់តែក្រុមហ៊ុន ចំណែកប្រជាពលរដ្ឋទូទាំងខេត្តបានត្រឹមសោកស្តាយដែលទីក្រុងរបស់ខ្លួនមិនអាចបង្អួតសម្រល់ដ៏ស្រល់ស្អាត ទាក់ភ្នែកអ្នកទេសចរណ៏ពលរដ្ឋបានចោតសួរថា តើអាចទេបើប្តូរពីដាក់បង្ហាញស្លាកពាណិជ្ជកម្មហើយដាក់តាំងព្រះឆាយាល័ក្ខណ៍ព្រះមហាក្សត្រ ឬរូបទេវតាឆ្នាំថ្មី ពាក្យស្លោកស្វាគមន៏ឆ្នាំថ្មី ឬរូបភាពតំបន់ទេសចរណ៏នានាដែលមានក្នុងខេត្ត? ៕
ចែករំលែកព័តមាននេះ