ADផ្ទាំងផ្សព្វផ្សាយពាណិជ្ជកម្ម

Picture

ផ្ទះ​៣​ល្វែង​ឆេះ​ខ្ទេច​អស់​គ្មាន​សល់ សង្ស័យ​បុរស​ម្នាក់​លួច​ដុត រួច​រត់គេច​ខ្លួន​បាត់​ស្រមោល

3 ខែ មុន
  • ភ្នំពេញ

ផ្ទះ​ធ្វើ​អំពី​ឈើ​ប្រក់​ស័ង្កសី មាន​ទំហំ​១២​គុណ​នឹង​២០​ម៉ែត្រ ដែល​ស្មើនឹង​៣​ល្វែង នៅ​ជាន់​ទី​១ មួយ​កន្លែង ជា​ផ្ទះ​ដែល​ម្ចាស់​ចាក់សោរ​ទុក​ចោល ត្រូវ​បាន​ក្លាយជា​ចំណី​ព្រះ​អគ្គី​ឆាបឆេះ​យ៉ាង​សន្ធោសន្ធៅ​អស់​គ្មាន​សល់ បង្ក​អោយ​មានការ​ភ្ញាក់ផ្អើល​យ៉ាង​ខ្លាំង​

រាជធានី​ភ្នំពេញ ៖ ផ្ទះ​ធ្វើ​អំពី​ឈើ​ប្រក់​ស័ង្កសី មាន​ទំហំ​១២​គុណ​នឹង​២០​ម៉ែត្រ ដែល​ស្មើនឹង​៣​ល្វែង នៅ​ជាន់​ទី​១ មួយ​កន្លែង ជា​ផ្ទះ​ដែល​ម្ចាស់​ចាក់សោរ​ទុក​ចោល ត្រូវ​បាន​ក្លាយជា​ចំណី​ព្រះ​អគ្គី​ឆាបឆេះ​យ៉ាង​​សន្ធោសន្ធៅ​អស់​គ្មាន​សល់ បង្ក​អោយ​មានការ​ភ្ញាក់ផ្អើល​យ៉ាង​ខ្លាំង​ទៅ​ដល់​រថយន្ត​ពន្លត់​អគ្គិ​ភ័យ​រហូត​ទៅ​ដល់​ជិត​៣០​គ្រឿង​ចុះ​មក​ជួយ​ធ្វើ​អន្តរាគមន៍​បាញ់​ទឹក​ពន្លត់​។

Picture

ពាក់ព័ន្ធ​ទៅ​នឹង​ការ​ឆេះ​ខាងលើ​នេះ​ដែរ គេ​សង្ស័យ​ថា វា​កើតឡើង​ដោយសារ​តែ​ការ​ដុត​របស់​បុរស​ជា​ជនបរទេស​ម្នាក់ (​ជនបរទេស​ច្រមុះ​ស្រួច​) ដែល​ជា​មនុស្ស​មាន​អាកា​រៈ​បែក​ថ្នាំ ហើយ​តែងតែ​មក​ដេក​​រាល់ថ្ងៃ ដោយ​កន្លង​មក​ក៏​ធ្លាប់​ដុត​ដែរ តែ​ត្រូវ​បាន​អ្នក​ជិតខាង​បានឃើញ និង​នាំ​គ្នា​ទៅ​ពន្លត់​ទាន់​ពេល​។ ហើយ​ករណី​ខាងលើ​នេះ​ដែរ គឺ​កើតឡើង​កាលពី​វេលា​ម៉ោង​០៤ និង​០០​នាទី​ល្ងាច ថ្ងៃ​ទី​២១ ខែតុលា ឆ្នាំ​២០២២ នៅ​ចំណុច​ផ្ទះ​លេខ​១៧២ ផ្លូវ​៦៣ កែង​នឹង​ផ្លូវ​លេខ​២៨២ ស្ថិត​ក្នុង​សង្កាត់​បឹង​កេងកង​ទី​១ ខណ្ឌ​បឹង​កេងកង​។

Picture

តាម​ប្រភព​ព័ត៌មាន​ពី​សមត្ថកិច្ច​បាន​ប្រាប់​ឱ្យ​ដឹង​ថា ផ្ទះ​ដែល​ឆាបឆេះ​នេះ នៅ​ជាន់​ទី​១ (​ខាងក្រោម​ជា​ប្រភេទ​ផ្ទះល្វែង​ធ្វើ​អំពី​ថ្ម​បេតុង​ចំនួន​៣​ល្វែង​) ជា​ប្រភេទ​ផ្ទះ​ធ្វើ​អំពី​ឈើ ប្រក់​ស័ង្កសី មាន​ទំហំ​១២​ម៉ែត្រ​គុណ​២០​ម៉ែត្រ ស្មើនឹង​ចំនួន​៣​ល្វែង ជា​ផ្ទះ​ដែល​ម្ចាស់​ចាក់សោ​ទុក​ចោល​គ្មាន​មនុស្ស​នៅ​។ ហើយ​ម្ចាស់​មានឈ្មោះ ខៀវ ចាន់ធូ ហៅ​យាយ​ញាប់ ភេទ​ស្រី អាយុ​៦០​ឆ្នាំ មុខរបរ​អាជីវករ​។

Picture

ប្រភព​ដដែល​បន្ត​ថា មុន​ពេល​កើតហេតុ គេ​បានឃើញ​មាន​អណ្តាតភ្លើង​ក្រហមច្រាល​ឆាបឆេះ​ផ្ទះ​ខាងលើ​យ៉ាង​សន្ធោសន្ធៅ និង​ផ្សែង​ខ្មៅ​ហុយ​ទ្រលោម​ឡើង​លើ ភ្លាម​ៗ​នោះ​ក៏​ធ្វើ​អោយ​មានការ​ភ្ញាក់ផ្អើល​យ៉ាង​ខ្លាំង​ទៅ​ដល់​អ្នក​រស់នៅ​ក្បែរ​ខាង និង​កម្លាំង​មាន​សមត្ថកិច្ច​ខណ្ឌ​បឹង​កេងកង ចុះ​មក​ដល់​កន្លែង​កើតហេតុ​។

Picture

តាម​ប្រភព​ដដែល​បាន​ប្រាប់​បន្ត​ទៀត​ថា ពេល​ដែល​កម្លាំង​របស់​អាជ្ញាធរ​មូលដ្ឋាន ចុះ​មក​ដល់​ក៏​បាន​ធ្វើការ​ទំនាក់ទំនង​ទៅ​កាន់​ការិយាល័យ​នគរបាល​ពន្លត់អគ្គីភ័យ នៃ​ស្នងការ​នគរបាល​រាជធានី​ភ្នំពេញ ចំនួន​១៩​គ្រឿង និង​មាន​រថយន្ត​ពន្លត់​អគ្គិភ័យ​ជា​ច្រើន​គ្រឿង​ផ្សេង​ទៀត ចុះ​មក​ជួយ​ផង​ដែរ ក្នុង​នោះ​មាន​រថយន្ត​របស់ OCIC ចំនួន​៣​គ្រឿង​, កោះន​រា ១​គ្រឿង​, អូ​ឡាំ​ព្យ៉ា ២​គ្រឿង និង​ស្រា​បៀ​កម្ពុជា ១​គ្រឿង​ផង​ដែរ​។ ដោយ​បាន​ឆាបឆេះ​បំផ្លាញ​អស់​ផ្ទះ​ទាំងស្រុង តែ​មិន​បង្ក​អោយ​មាន​មនុស្ស​ណា​ម្នាក់​រង​របួស ឬ​ស្លា​.​ប់​ឡើយ ចំណែកឯ​មូលហេតុ​វិញ គេ​នៅ​មិន​ទាន់​ដឹង​ឡើយ រង់ចាំ​ធ្វើការ​ស្រាវជ្រាវ​ជា​ក្រោយ​សិន​។

Picture

បើ​តាម​ស្ត្រី​ជា​អ្នកលក់​កាហ្វេ​នៅ​ជាន់​ខាងក្រោម​ម្នាក់ បាន​ប្រាប់​ឱ្យ​ដឹង​ថា មុន​ពេល​កើតហេតុ ពួក​គាត់​នៅ​លក់​កាហ្វេ​ជា​ធម្មតា ដោយ​មិន​បានដឹង​ថា តើ​កើត​មានរឿង​អ្វី​កើតឡើង​ឡើយ0x017d7 ក៏​ស្រាប់តែ​ឃើញ​អ្នក​នៅ​ទល់មុខ​បាន​ស្រែ​កថា «​ភ្លើង​ឆេះ​ៗ» ទើប​បង្ក​ឱ្យ​មានការ​ភ្ញាក់ផ្អើល​កើតឡើង​ដល់​ពួក​គាត់​ប្រញាប់ប្រញាល់​នាំ​គ្នា​រត់​ចេញ​ខាងក្រៅ ក៏​ឃើញ​ភ្លើង​កំពុង​តែ​ឆាបឆេះ​ផ្ទះ​ខាងលើ​យ៉ាង​ខ្លាំង​នោះ​។

Picture

ពាក់​ព​ន្ធ័​ទៅ​នឹង​ការ​ឆេះ​នេះ​ដែរ ទំនងជា​កើតឡើង​ដោយសារ​តែ​បុរស​ជា​ជនបរទេស​ម្នាក់ (​ជនបរទេស​ច្រមុះ​ស្រួច​) ដែល​មាន​អាកា​រៈ​បែក​ថ្នាំ​ដុត រួច​រត់គេច​ខ្លួន​បាត់​ស្រមោល ព្រោះ​កន្លង​មក គេ​តែងតែ​មក​ដេក និង​ដុត​ម្តង​រួច​មក​ហើយ តែ​ត្រូវ​បាន​អ្នក​នៅ​ក្បែរ​ខាង​បានឃើញ និង​ពន្លត់​ទាន់​ពេលវេលា​។ ក្នុង​ក​ណី​អគ្គិភ័យ​នេះ​ដែរ បាន​ឆេះ​បំផ្លាញ​អស់​ផ្ទះ​ធ្វើ​អំពី​ឈើ​ប្រ់ក​ស័ង្កសី ដែល​មាន​ទំហំ​១២​ម៉ែត្រ​គុណ​នឹង​២០​ម៉ែត្រ​ទាំងស្រុង ហើយ​កម្លាំង​មាន​សមត្ថកិច្ច​បាន​ប្រើប្រាស់​រថយន្ត​ពន្លត់​អគ្គិភ័យ​សរុប​ចំនួន​២៦​គ្រឿង ក្នុង​នោះ​រថយន្ត​ពន្លត់​អគ្គិភ័យ​របស់​ការិយាល័យ​បង្ការ និង​ពន្លត់​អគ្គិភ័យ នៃ​ស្នងការ​នគរបាល​រាជធានី​ភ្នំពេញ ចំនួន​១៩​គ្រឿង ក្រុ​ន​ហ៊ុន OCIC កោះ​ពេជ្រ ចំនួន​៣​គ្រឿង រថយន្ត​ក្កោះ​ន​រា ១​គ្រឿង ផ្សារ​អូ​ឡាំ​ព្យ៉ា ២​គ្រឿង និង​របស់​ក្រុមហ៊ុនស្រា​បៀរ​កម្ពុជា ១​គ្រឿង ទើប​ពន្លត់​បាន​នៅ​ម៉ោង​០៥​ល្ងាច​ថ្ងៃ​ដដែល​ផង​ដែរ​។

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023