ប្រទេសថៃ ៖ អ្នកនិយមគាំទ្រ និងតាមដាននៅខ្សែរភាពយន្តរឿងភាគថៃ ជាពិសេសហ្វេនៗនៅខ្មែរតែម្ដង ប្រាកដជាស្គាល់ជាក់ជាមិនខានឡើយ នៅកំពូលតារាសម្ដែងប្រុសវ័យក្មេងដ៏ស្រស់សង្ហារ រាងខ្ពស់ស្រឡះ មុខមាត់មានមន្តស្នេហ៍ ប្រចាំស្ថានីយទូរទស្សន៍ប៉ុស្តិ៍លេខOne31 នោះគឺលោក Bright Norraphat លោកជាតារាប្រុសម្នាក់ដែលកំពុងតែឡើងកូដខ្លាំងនិងប្រជាប្រិយភាពមិនធម្មតា នៅក្នុងការសម្ដែងដ៏ប៉ិនប្រសព្វទាំងសមត្ថភាពដ៏ពូកែមិនថាសម្ដែងទម្រង់បែបមិចនោះទេ។ តារាប្រុសរូបនេះ សម្ដែងបានគ្រប់ទម្រង់ទាំងអស់ ត្រឹមតែរយៈពេលខ្លីសោះ តារាប្រុសរូបស្រស់សង្ហាររូបនេះ ផ្ទុះការគាំទ្រខ្លាំងពីសំណាក់មហាជនក្នុង និងក្រៅប្រទេស។
ដោយឡែក បើក្រឡេកមកដឹងឃើញថា មានមហាជនជាច្រើនដែលនិយមប្រើប្រាស់នៅក្នុងបណ្ដាញទំនាក់ទំនងសង្គមហ្វេសប៊ុក និងក្នុង IG ជាពិសេសស្រីៗតែម្ដង តែងតែនាំគ្នាចង់ដឹងនូវរឿងរ៉ាវស្នេហាបេះដូងរបស់តារាប្រុសដ៏លេចធ្លោររូបនេះគ្រប់ៗគ្នាតែម្ដង ព្រោះគេសង្កេតនិងតាមដានរហូតមក មិនដែលឃើញតារាប្រុសមុខមាត់រាយមន្តស្នេហ៍ Bright Norraphat រូបនេះ ចេញមុខមកនិយាយ ឬមួយក៏ផ្ដល់បទសម្ភាស៍ និងទម្លាយអោយមហាជនបានដឹងថា លោកមានទំនាក់ទំនងស្នេហាជាមួយនារីស្រស់សោភារូបណាម្នាក់នោះឡើយ ខណៈដែលមិត្តៗរួមក្រុមជាមួយលោកម្នាក់ៗសុទ្ធសឹងតែមានម្ចាស់បេះដូងស្ទើរតែទាំងអស់ និងគ្រប់ៗគ្នាទៅហើយ តែលោកហាក់បែរជាមិនខ្វាយខ្វល់នៅរឿងមានគូរស្រករទៅវិញ។
ជាក់ស្ដែង អ្វីដែលធ្វើអោយអ្នកគាំទ្រ ក៏ដូចជាក្រមុំៗនារីៗជាច្រើននាំគ្នារំជើបរំជួលមិនស្ទើរទៅវិញនោះ ថ្មីៗនេះ ស្រាប់តែតារាប្រុសលោក Bright Norraphat ធ្វើឱ្យស្រីៗស្ទើរតែមួយប្រទេសពេញចិត្តចំពោះលោកភ្លុកទឹកភ្លុកដី បន្ទាប់ពីតារាប្រុសវ័យក្មេងរូបនេះ ចេញមុខមកនិយាយខ្ទេចគ្មានសល់ អំពីការស្លៀកសម្លៀកបំពាក់សិចស៊ីរបស់ស្រីៗមួយចំនួន ទាំងគ្មានលាក់លៀម ក្រោយលោកបានចូលរួមនៅក្នុងកម្មវិធីកម្សាន្តដ៏ល្បីមួយរបស់ថៃ ដល់ថ្នាក់នារីៗគាំងនិយាយមិនចេញ ធ្វើភ្នែកស្លឺគ្រប់ៗគ្នា។
ដោយនៅក្នុងកម្មវិធីនោះ តារាប្រុសរូបនេះ ត្រូវបានគេជជីកសួរចំៗបែបនេះថា «តើយល់យ៉ាងដូចម្តេចចំពោះស្រីៗស្លៀកសិចស៊ី?» ភ្លាមៗនោះមិនទុកចាំយូរ ស្រាប់តែលោក Bright Norraphat បានឆ្លើយតបទៅវិញថា «លោកគាំទ្រ ប្រសិនបើលោកមានសង្សារ លោកក៏មិនបង្ខិតបង្ខំលើការស្លៀកពាក់ដែរ បើសង្សារលោកចូលចិត្តសិចស៊ី លោកនឹងឱ្យតែងខ្លួនសិចស៊ី ព្រោះបើស្រឡាញ់គ្នាស្មោះមែន គឺការស្លៀកពាក់ពុំមែនជាបញ្ហាឡើយ ហើយសម្រាប់លោកក៏ជាមនុស្សចូលចិត្តបែបសិចស៊ីដូចគ្នា»។
ក្រោយបានលឺតារាប្រុសស្រស់សង្ហារប្រចាំប្រទេសថៃរូបនេះ ចេញមុខមកធ្វើការឆ្លើយតបបែបនេះហើយ ក៏បានធ្វើឱ្យបណ្ដាអ្នកគាំទ្រមិនតិចនាក់នោះឡើយ នាំគ្នាហ៊ោ និងសម្ដែងការពេញចិត្តចំពោះពាក្យសម្ដីរបស់លោកខ្លាំងណាស់ ជាពិសេសអ្នកគាំទ្រស្រីៗតែម្ដង។
គួរបញ្ជាក់ផងដែរថា តារាប្រុសលោក Bright Norraphat បច្ចុប្បន្នលោក មានអាយុ២៥ឆ្នាំ គឺជាតារាសម្ដែងប្រុសថៃម្នាក់ ដែលកំពុងតែក្ដោបក្ដាប់បានទីផ្សារការងារសិល្បៈជាច្រើនសន្ធឹកសន្ធាប់ មិនថាសម្ដែងរឿង ថតកម្មវិធី និងថតពាណិជ្ជកម្មផ្សេងៗនោះទេ ហើយបើនិយាយពីម្ចាស់បេះដូងវិញ តារាប្រុសដ៏មានប្រជាប្រិយភាព Bright Norraphat ដែលធ្វើអោយក្រមុំៗនាំគ្នាធ្លាក់ក្នុងអន្លង់ស្នេហ៍គ្រប់ៗគ្នារូបនេះ លោកនៅមិនទាន់ប្រកាសបង្ហើបអោយគេដឹងថា «លោកពេញចិត្តតារាស្រីរូបណាម្នាក់នៅឡើយនោះទេ គឺនៅ Single ធម្មតា»៕
@brightnorr_239 ของผมอะค้าบบ🤭 #รู้ไหมใครโสด2022 #ไบร์ทนรภัทร #brightnorr #brightnorraphat
♬ เสียงต้นฉบับ – brightnorr (แดน 2) 🫶🏻💗 – brightnorr (แดน 2) 🫶🏻💗
@brightnorr_239 พี่หยุดแพรวพราวก่อนนน #รู้ไหมใครโสด2022 #ไบร์ทนรภัทร #brightnorr #brightnorraphat
♬ เสียงต้นฉบับ – brightnorr (แดน 2) 🫶🏻💗 – brightnorr (แดน 2) 🫶🏻💗
ចែករំលែកព័តមាននេះ