មន្ត្រីជំនាញមន្ទីរពាណិជ្ជកម្មខេត្ត បានបង្ហាញលទ្ធផលអំពីការពិនិត្យលើស្រាស
ខេត្តមណ្ឌលគិរី ៖ មន្ត្រីជំនាញរបស់មន្ទីរពាណិជ្ជកម្មខេត្ត បានបង្ហាញលទ្ធផលអំពីការពិនិត្យលើស្រាសនាថ្ងៃទី២២ ខែមីនា ដែលសង្ស័យថា
ខេត្តមណ្ឌលគិរី ៖ មន្ត្រីជំនាញរបស់មន្ទីរពាណិជ្ជកម្មខេត្ត បានបង្ហាញលទ្ធផលអំពីការពិនិត្យលើស្រាសនាថ្ងៃទី២២ ខែមីនា ដែលសង្ស័យថា បានបង្កឲ្យមានមនុស្សពុលរហូតមានមនុស្ស៣នាក់ស្លាប់នៅខេត្តមណ្ឌលគិរីថា មានផ្ទុកសារធាតុមេតាណុលក្នុងស្រាសលើសកម្រិតកំណត់។
យោងតាមរបាយការណ៍របស់អគ្គនាយកដ្ឋានកម្ពុជាត្រួតពិនិត្យទំនិញនីហរ័ណអាហរ័ណ និងបង្ក្រាបការក្លែងបន្លំ(កាំកុងត្រូល)បានបញ្ចេញលទ្ធផលវិភាគលើគំរូស្រាស ដែលយកពីកន្លែងកើតហេតុ កន្លែងចែកចាយបន្ត និងផ្ទះជនរងគ្រោះនោះមានដូចជា ៖ ស្រាសនៅផ្ទះរបស់អ្នកផលិត មានកម្រិតអាល់កុល 20.00% និងមេតាណុលមិនលើស0.15% ត្រឹមត្រូវតាមបរិមាណកំណត់។ ប៉ុន្តែចំពោះស្រាស ដែលយកមកពីផ្ទះអ្នកភូមិឈ្មោះ ឌៀប ដូរ លក់នោះគឺមានកម្រិតអាល់កុលរហូតដល់25.00% និងមេតាណុលរហូតដល់ 6.90% លើសពីកម្រិតកំណត់ដែលអាចបានត្រឹមតែ 0.15%តែប៉ុណ្ណោះ។
ចំពោះស្រាដែលសល់ពីជនរងគ្រោះផឹកមានកម្រិតជាតិអាល់កុល 26.00% និងមេតាណុល 4.10%។ ដូចច្នេះជនរងគ្រោះបានស្លាប់នោះ គឺដោយសារតែបរិមាណមេតាណុលដែលបានរកឃើញនៅក្នុងផ្ទះអ្នកលក់បន្តឈ្មោះ ឌៀប ដូរ លើសពីកម្រិតអនុញ្ញាតខាងលើ ជាហេតុធ្វើឲ្យជនរងគ្រោះពុល និងបង្កឲ្យស្លាប់ពេលទទួលទានស្រាសនោះ។
សូមបញ្ជាក់ថា មនុស្សចំនួន០៣នាក់ ត្រូវបានពុលស្រាសស្លាប់ជាបន្តបន្ទាប់ និងមនុស្សចំនួន០៩នាក់ផ្សេងទៀតបញ្ជួនទៅសង្គ្រោះទាន់ពេលវេលា ក្រោយទទួលទានស្រាស ក្នុងកម្មវិធីបុណ្យសព កាលពីថ្ងៃទី១៥ ,១៦និង១៧ខែមីនា ឆ្នាំ២០១៧ ស្ថិតក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី៕
ចែករំលែកព័តមាននេះ