អ្នកភូមិដៀលត្មះថាចេះអាបធ្មប់ លែងចង់រស់ចាក់ប្រពន្ធស្លា.ប់ រួចអត់ហ៊ានចាក់ខ្លួនឯង
ខេត្តស្ទឹងត្រែង ៖ នគរបាលបានចាប់ខ្លួនបុរសម្នាក់ ក្រោយពីចាក់ប្រពន្ធរបស់ខ្លួននឹងកាំបិតចុងស្រួច កាលពីវេលាម៉ោង១០និង៣០នាទីយប់
ខេត្តស្ទឹងត្រែង ៖ នគរបាលបានចាប់ខ្លួនបុរសម្នាក់ ក្រោយពីចាក់ប្រពន្ធរបស់ខ្លួននឹងកាំបិតចុងស្រួច កាលពីវេលាម៉ោង១០និង៣០នាទីយប់
ខេត្តស្ទឹងត្រែង ៖ នគរបាលបានចាប់ខ្លួនបុរសម្នាក់ ក្រោយពីចាក់ប្រពន្ធរបស់ខ្លួននឹងកាំបិតចុងស្រួច កាលពីវេលាម៉ោង១០និង៣០នាទីយប់ថ្ងៃទី១៩ ខែមីនា បណ្តាលឱ្យស្លាប់ នៅភូមិវាលពោធិ៍ ឃុំអន្លង់ភេ ស្រុកថាឡាបរិវ៉ាត់ ដែលតាមព័ត៌មានថា ដោយសារខ្មាសអ្នកភូមិដែលដៀលត្មះថាខ្លួនចេះអំពើធ្មប់ ។
បុរសរូបនេះក្រោយពេលត្រូវចាប់ខ្លួនបាននិយាយថា ខ្លួននិងប្រពន្ធបានសម្រេចចិត្តរួមគ្នាថាត្រូវតែសម្លាប់ខ្លួនទាំង២នាក់ ដើម្បីគេចពីការដៀលត្មះរបស់អ្នកភូមិ ។ ពេលចាក់ប្រពន្ធស្លាប់ហើយត្រូវចាក់សម្លាប់ខ្លួនឯងទៀត តែខ្លួនមិនហ៊ានក៏រត់កាន់កាំបិតហុចឱ្យអ្នកភូមិតែម្តងទៅ ។
មន្ត្រីនគរប៉ុស្តិ៍រដ្ឋបាលឃុំអន្លង់ភេ បានប្រាប់ឲ្យដឹងថា ប្តីប្រពន្ធនេះរស់នៅក្នុងភូមិឃុំកើតខាងលើ ជាជនជាតិភាគតិចកួយ ប្រកបរបរធ្វើស្រែចម្ការ ។ បុរសជាប្តីបានប្រើកាំបិត
ចុងស្រួចចាក់ប្រពន្ធរបស់ខ្លួនមួយកាំបិតលើចុងដោះខាងស្តាំបណ្តាលឱ្យស្លាប់នៅលើផ្ទះ ។ ការចាក់សម្លាប់ប្រពន្ធនេះ ត្រូវបានបុរសជាប្តីនិយាយថា ដោយសារភូមិជាមួយគ្នាតែងដៀលត្មះលើគ្រួសាររបស់ខ្លួនថាចេះអំពើអាបធ្មប់ ងាយបង្កគ្រោះថា្នក់ដល់អ្នកភូមិណាស់ ហើយក៏តែងខ្មាសអៀនជាខ្លាំងស្ទើរមិនចង់ឃើញមុខអ្នកភូមិផងដែរ ។
ប្រភពដដែលបន្តថា មុនពេលកើតហេតុបុរសជាប្តីបានផឹកស្រាស្រវឹងជោកជាំតាំងពីថ្ងៃរហូតដល់យប់ ហើយនិយាយជាមួយប្រពន្ធថានឹងសម្លាប់ខ្លួនទាំងអស់គ្នា ព្រោះមិនអាចរស់នៅក្នុងភូមិតទៅទៀតបានទេ ដោយសារសព្វថ្ងៃរងការដៀលត្មះពីអ្នកភូមិជាច្រើននិយាយចោទប្រកាន់ថា គ្រួសារខ្លួនចេះអាបចេះធ្មប់។ ប្រសិនបើរស់នៅតទៅទៀតពិតជាខ្មាសគេ និងមិនចង់រស់នៅក្នុងភូមិឡើយ ហើយបុរសជាប្តីក៏បានយកកាំបិតចុងស្រួចចាក់ប្រពន្ធចំដើមទ្រូងស្លាប់នៅលើគ្រែក្នុងមុងលើផ្ទះ។
តាមបុរសជាប្តីនិយាយថា ក្រោយពីចាក់ប្រពន្ធរួចហើយ ខ្លួនក៏ងងឹតមុខឈឹងមិនដឹងថា បានធ្វើអ្វីទៀតនោះទេ លុះពេលដឹងខ្លួនឡើងស្រាប់តែត្រូវប្អូនថ្លៃចាប់ចងរួចប្រគល់ឱ្យសមត្ថកិច្ចតែម្តង ។ ប៉ុន្តែប្រភពមួយទៀត និយាយថា ក្រោយពីចាក់សម្លាប់ប្រពន្ធហើយបុរសជាប្តីក៏បានរត់ចុះពីលើផ្ទះយកកាំបិតទៅឱ្យអ្នកភូមិរួចប្រាប់ថា ខ្លួនចាក់សម្លាប់ប្រពន្ធហើយ ទើបភ្លាមនោះមានការចាប់ខ្លួនប្រគល់ឱ្យសមត្ថកិច្ចតែម្តង ។
នគរបាលរដ្ឋបាលប៉ុស្តិ៍ឃុំអន្លង់ភេ និយាយថា បុរសជាប្តីឈ្មោះ ស៊ុត រ៉េត អាយុ៤៤ឆ្នាំ ប្រពន្ធឈ្មោះ វឿន ឡី អាយុ៣៩ឆ្នាំ មានកូន៥នាក់(ប្រុស៤នាក់និងកូនស្រីច្បងម្នាក់) ។ ពេលនេះម្តាយស្លាប់ ឯឪពុកក្លាយជាអ្នកទោស តើពួកគេត្រូវរស់ដោយរបៀបណា? បុរសជាប្តី និងជាឪពុក ត្រូវបានសមត្ថកិច្ចនាំខ្លួនមកសាកសួរបន្ថែមនៅស្នងការដ្ឋាននគរបាលខេត្ត មុនពេលកសាងសំណុំរឿងបញ្ជូនទៅសាលាដំបូង ៕
ចែករំលែកព័តមាននេះ