ADផ្ទាំងផ្សព្វផ្សាយពាណិជ្ជកម្ម

Picture

ប៊ី សុធា​រី ហួសចិត្ត​រឿង​ដាក់​ពាក្យ​សម្តែង​ដើរ​ម៉ូត​ត្រូវ​បង់លុយ

1 ខែ មុន
  • ភ្នំពេញ

អតីត​បវរកញ្ញា​ចក្រវាល​កម្ពុជា ឆ្នាំ​២០១៧ ប៊ី សុធា​រី បាន​សម្តែង​ការ​ហួសចិត្ត ក្នុង​ពេល​ដែល​នាង​បាន​លេចលឺ​ព័ត៌មាន​ពី​ការ​ដាក់​ពាក្យ​ចូល casting (​ការ​សម្តែង​) តម្រូវ​ឲ្យ​បង់ប្រាក់​ជា​មុន ខណៈ​ពេល​ដែល​ករណី​នេះ នាង​

រាជធានី​ភ្នំពេញ ៖ អតីត​បវរកញ្ញា​ចក្រវាល​កម្ពុជា ឆ្នាំ​២០១៧ ប៊ី សុធា​រី បាន​សម្តែង​ការ​ហួសចិត្ត ក្នុង​ពេល​ដែល​នាង​បាន​លេចលឺ​ព័ត៌មាន​ពី​ការ​ដាក់​ពាក្យ​ចូល casting (​ការ​សម្តែង​) តម្រូវ​ឲ្យ​បង់ប្រាក់​ជា​មុន ខណៈ​ពេល​ដែល​ករណី​នេះ នាង​មិន​ដែល​បាន​ជួប​កន្លង​មក​ឡើយ តាំងពី​ចូល​ប្រឡូក​ក្នុង​វិស័យ​នេះ​ប្រមាណ​ជា​១០​ឆ្នាំ​។

ដោយ​មិន​បាន​បញ្ចេញ​ថា ជា​កម្មវិធី​ណាមួយ​នោះ ស្រី​ស្អាត ប៊ី សុធា​រី គ្រាន់តែ​ក្រើនរំលឹក និង​ដាស់តឿន​ទៅ​កាន់​យុវវ័យ​ដែល​មាន​បំណង​ចង់​ចូល​ប្រឡូក​ក្នុង​វិស័យ​ដើរ​ម៉ូត​នេះ កុំ​ឲ្យ​មានការ​ចាញ់​បោ​.​ក​គេ ត្បិត​គោលការណ៍​បង់លុយ​នេះ គឺ​មិន​មាន​ឡើយ​ទាំង​នៅ​ក្នុងស្រុក និង​ក្រៅ​ស្រុក​។

ស្រី​ស្អាត ប៊ី សុធា​រី បាន​បង្ហោះ​សារ​នៅ​លើ​គណនេយ្យ​ហ្វេ​ស​ប៊ុ​ក​របស់​ខ្លួន​ថា «​តាំងពី​ធ្វើ​តារា​ម៉ូ​ឌែ​ល​១០​ឆ្នាំ​មកនេះ មិន​ដែល​ចេះ​ទៅ casting កម្មវិធី​ណា៎​អស់​លុយ​ទេ មាន​តែ​ជាប់ ហើយ​ដើរ​ម៉ូត​បាន​លុយ​ទៀត លឺ​គេ​ថា​ឥឡូវ​មានកម្ម​វិធី casting ត្រូវ​ទិញ​ពាក្យ​បង់លុយ​, like what​? ត្រូវ​ចំណាយ​ទាំង​កម្លាំង ចំណាយ​ទាំង​ពេលវេលា ហើយ​មិនដឹង​ថា ជាប់​អត់​ផង ហើយ​ត្រូវ​អស់​លុយ​ទៀត0x017d7​»​។

នាង​បញ្ជាក់​ថា «​ចាំ​ណា​បងប្អូន ស្រលាញ់​វិស័យ​បង្ហាញ​ម៉ូត សូ​ម្បី​ស្រុក​គេ​ក៏​មិន​មាន​ដែរ អា​របៀប casting អស់​លុយ​នឹង បំណង​ល្អ​ពី​ខ្ញុំ ព្រោះ​ខ្ញុំ​ធ្លាប់​ឆ្លងកាត់ និង​មាន​បទ​ពិសោធ៍​មក​ច្រើន​ឆ្នាំ​ហើយ មិន​ថា​ដើរ​ក្នុងស្រុក ឬ​ក្រៅ​ស្រុក ខ្ញុំ​មិន​ដែល​អស់​លុយ​មួយ​កាក់​មួយ​សេន​ថ្លៃ casting ទេ មាន​តែ​បាន​លុយ​មក​វិញ ករណី​ដើរ​ម៉ូត​អត់​បាន​លុយ មាន​តែ​ដើរ volunteer ក្នុង​កម្មវិធី​សប្បុរ​ធម៌ ឬ​ស្ម័គ្រចិត្ត​ដើរ ព្រោះ​ខាង​កម្មវិធី​គេ​បាន​ប្រាប់​មុន​ថា មិន​មាន budged អាន ហើយ​គិតពិចារណា​ទៅ កុំអោយ​ខាត​ទាំង​លុយ ខាត​ទាំង​កម្លាំង និង​ពេលវេលា​»​។

ស្រី​ស្អាត ប៊ី សុធា​រី បន្ថែម​ថា «​និយាយ​នេះ មិន​ចង់​មាន​បញ្ហា​ជាមួយ​អ្នក​ណា​ទេ តែ​លឺ​ហើយ​វា​ហួសចិត្ត ខ្លាច​ប្អូន​ៗ​ដែល​ស្រលាញ់​ចូល​ចិត្ត​វិស័យ​ដើរ​ម៉ូត​ត្រូវ​បាន​ខាតបង់ ព្រោះ​បង​គ្មាន​ប្រវត្តិ casting ដើរ​ម៉ូត​អស់​លុយ​ទេ​១ ០​ឆ្នាំ​មកនេះ បើ​មិន​ជឿ​ទៅ​សួរ​រៀមច្បង Model ផ្សេង​ទៀត ក៏​បាន​»​។

យ៉ាងណា សារ​ដែល​ស្រី​ស្អាត ប៊ី សុធា​រី បង្ហោះ​នា​ពេល​នេះ ក៏​ត្រូវ​បាន​មហាជន​មួយ​ចំនួន​សម្តែង​ការ​គាំទ្រ​យល់​ស្រប និង​អរគុណ​ដល់​រូប​នាង​ដែល​បាន​ចែករំលែក​បទ​ពិសោធន៍​ទាំងអស់​រឿងរ៉ាវ​ពាក់ព័ន្ធ​បញ្ហា​ខាងលើ​នេះ​៕

Picture
Picture
Picture
Picture
Picture
Picture
Picture
Picture
Picture
Picture