ទោះបីខ្លួនជាអ្នកសិល្បៈឆ្នើម និងបានសាងភាពល្បីល្បាញខ្លាំងក្នុងប្រទេសកម្ពុជា រហូតមានអ្នកស្គាល់ទូទាំងប្រទេសក្ដី តែពិធីការិនីចាស់វស្សា យុគ ចិន្ដា មិនជំរុញកូនអោយចូលប្រឡូកក្នុងវិស័យសិល្បៈឡើយ បែរជាលើកទឹកចិត្តអោយធ្វើជា
រាជធានីភ្នំពេញ ៖ ទោះបីខ្លួនជាអ្នកសិល្បៈឆ្នើម និងបានសាងភាពល្បីល្បាញខ្លាំងក្នុងប្រទេសកម្ពុជា រហូតមានអ្នកស្គាល់ទូទាំងប្រទេសក្ដី តែពិធីការិនីចាស់វស្សា យុគ ចិន្ដា មិនជំរុញកូនអោយចូលប្រឡូកក្នុងវិស័យសិល្បៈឡើយ បែរជាលើកទឹកចិត្តអោយធ្វើជាអ្នកជំនួញទៅវិញ ។
ប្រាកដណាស់ អ្នកនាង យុគ ចិន្ដា គឺជាពិធីការិនីជើងចាស់ដ៏ល្បីល្បាញមួយរូប ដែលទទួលបានការគាំទ្រ និងការគោរពស្រលាញ់យ៉ាងច្រើនលើសលុបពីសំណាក់មហាជនគ្រប់ស្រទាប់ ក្នុងប្រទេសកម្ពុជា តាមរយៈសមត្ថភាពទេពកោសល្យដ៏ប៉ិនប្រសព្វរបស់អ្នកនាងក្នុងវិស័យសិល្បៈ។ មិនតែប៉ុណ្ណោះ អ្នកនាងបានកសាងស្នាដៃជាច្រើនជូនប្រទេសជាតិ និងបានជួយដល់អ្នកសិល្បៈ ដែលជាសិស្សប្អូនជំនាន់ក្រោយជាច្រើន អោយមានឱកាសក្នុងការសម្ដែងលើឆាកអន្តរជាតិ។
យ៉ាងណាមិញ អ្នកនាង យុគ ចិន្ដា ក៏មានកូនស្រីឃ្យូតគួរអោយស្រលាញ់ធំពេញរូបពេញរាងម្នាក់ ដែលមានឈ្មោះថា អម នាង ដែលជាកូនស្រីតែមួយដែលអ្នកនាងស្រលាញ់ស្មើរជីវិតផងដែរ។ ចំពោះក្មេងស្រី អម នាង ដែលជាកូនអ្នកនាង យុគ ចិន្ដា ដើមឡើយ ត្រូវបានមហាជនសម្គាល់ និងជឿជាក់ថា អាចក្លាយជាអ្នកសិល្បៈបន្តវេនពីម្ដាយ ព្រោះក្មេងស្រីរូបនេះក៏មានដុងខាងផ្នែកសិល្បៈដូចជាម្ដាយរបស់នាង។
តួយ៉ាង តាមការកត់សម្គាល់តាំងពីកូនស្រីពេញវ័យមក ពិធីការិនីឆ្នើមរូបនេះ តែងតែបណ្ដើរកូនស្រីទៅចូលរួមកម្មវិធីតូចធំរបស់អ្នកសិល្បៈ និងកម្មវិធីមង្គលការនានាជាច្រើន ជាពិសេសនោះ កូនស្រីអ្នកនាង តែងតែនាំមោទនៈភាព និងកសាងកេរ្តិ៍ឈ្មោះល្អៗជាច្រើនជូនដល់ម្ដាយ រួមទាំងក្រុមគ្រួសារទាំងមូល តាមរយៈការបង្ហាញខ្លួននៅលើកឆាកទទួលពានរង្វាន់ ពីកម្មវិធី Asia Pacific Arts Festival ដែលប្រារព្ធឡើងក្នុងទឹកដីខេត្តសៀមរាប និងការងារតូចធំជាច្រើនផ្សេងទៀត។
ដោយឡែក បើទោះបីជាអ្នកនាង យុគ ចិន្ដា តែងតែនាំកូនស្រីដើរតាមចូលក្នុងចង្កោមអ្នកសិល្បៈ តាមរយៈកម្មវិធីតូចធំក្ដី តែមើលទៅពិធីការិនីឆ្នើមរូបនេះ ហាក់មិនចង់ឱ្យកូនស្រីប្រឡូកក្នុងវិស័យសិល្បៈប៉ុន្មានឡើយ តែបែរជាចង់ជំរុញកូនស្រីទៅលើផ្នែកមុខជំនួញច្រើនជាង ព្រោះថាបច្ចុប្បន្ននេះ មានជំនួញជាច្រើនដែលក្ដោបក្ដាប់ក្នុងដៃអ្នកនាង តែភាគច្រើនសុទ្ធសឹងតែដាក់ឈ្មោះរបស់កូនស្រី។ តួយ៉ាង ហាងរចនាម៉ូដសម្លៀកបំពាក់ ភោជនីយដ្ឋាន និង ជំនួញផ្សេងទៀត។
ជាក់ស្ដែងកាលពីថ្មីៗនេះ ពិធីការិនីឆ្នើមរូបនេះ បែរជាមិនជំរុញអោយកូនចូលសិល្បៈ តែចង់អោយធ្វើជាអ្នកជំនួញវិញ។ នេះបើយោងតាមការបង្ហោះរូបភាពកៀកកើយគ្នាយ៉ាងស្និទ្ធស្នាលជាមួយកូនស្រីបណ្ដូលចិត្តយ៉ាងច្រើនសន្លឹក អ្នកនាង យុគ ចិន្ដា ក៏បានភ្ជាប់មកជាមួយសារមួយឃ្លាថា «ថៅកែ អម ចង់ក្លាយជាតារា តែម្ដាយប្រាប់ថា ធ្វើជាអ្នកជំនួញវិញល្អជាងណាកូន… អារម្មណ៍ថៅកែ អម យ៉ាងណាដែរ…»៕
ចែករំលែកព័តមាននេះ