អគ្គសេនាធិការចម្រុះរបស់កូរ៉េខាងត្បូងបាននិយាយថា កូរ៉េខាងជើងបានបា.ញ់មីស៊ីលបាលីស្ទីកមិនជាក់លាក់ឆ្ពោះទៅកាន់ឆ្នេរសមុទ្រភាគខាងកើត នៅថ្ងៃសៅរ៍ ទី ១ ខែតុលានេះ ដែលជាការបា.ញ់លើកទី ៤ ក្នុងរយៈពេលមួយសប្តាហ៍ ខណៈភាពតានតឹងកំពុងកើនឡើងនៅក្នុងឧបទ្វីបកូរ៉េ។…
អគ្គសេនាធិការចម្រុះរបស់កូរ៉េខាងត្បូងបាននិយាយថា កូរ៉េខាងជើងបានបា.ញ់មីស៊ីលបាលីស្ទីកមិនជាក់លាក់ឆ្ពោះទៅកាន់ឆ្នេរសមុទ្រភាគខាងកើត នៅថ្ងៃសៅរ៍ ទី ១ ខែតុលានេះ ដែលជាការបា.ញ់លើកទី ៤ ក្នុងរយៈពេលមួយសប្តាហ៍ ខណៈភាពតានតឹងកំពុងកើនឡើងនៅក្នុងឧបទ្វីបកូរ៉េ។
ការបា.ញ់របស់របបព្យុងយ៉ាង កើតឡើងបន្ទាប់ពីកងទ័ពជើងទឹករបស់កូរ៉េខាងត្បូង អាមេរិក និងជប៉ុន បានធ្វើសមយុទ្ធត្រីភាគីប្រឆាំងនាវាមុជទឹកកាលពីថ្ងៃសុក្រ និងបន្ទាប់ពីដំណើរទស្សនៈកិច្ចរបស់អនុប្រធានាធិបតីអាមេរិកលោកស្រី Kamala Harris ទៅកាន់ទីក្រុងសេអ៊ូលនៅក្នុងសប្តាហ៍នេះ។
ឆ្មាំសមុទ្រជប៉ុនក៏បានរាយការណ៍ផងដែរថា ទីក្រុងព្យុងយ៉ាងបា.ញ់សាកល្បងមីស៊ីលបាលីស្ទីក ២គ្រាប់។កាសែតជប៉ុនចុះផ្សាយថា មីស៊ីលទី ២ បានធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់ជប៉ុន។
លោក Leif-Eric Easley សាស្ត្រាចារ្យនៅសកលវិទ្យាល័យ Ewha ក្នុងទីក្រុងសេអ៊ូលបាននិយាយថា«ទោះបីមានភាពទន់ខ្សោយផ្ទៃក្នុង និងភាពឯកោអន្តរជាតិក៏ដោយ កូរ៉េខាងជើងកំពុងធ្វើទំនើបកម្មអាវុ.ធយ៉ាងឆាប់រហ័ស និងទាញយកប្រយោជន៍ពីពិភពលោកដែលបែងចែកដោយគូប្រជែងរវាងសហរដ្ឋអាមេរិក និងចិន និងការបញ្ចូលទឹកដីអ៊ុយក្រែនបន្ថែមទៀតរបស់រុស្ស៊ី» ។
លោកបន្ថែមថា «របបលោក គីម ក៏កំពុងលេងបាល់ជាមួយនឹងរដ្ឋបាលរបស់លោក Yoon ផងដែរ ខណៈនយោបាយកូរ៉េខាងត្បូងត្រូវបានរំខានដោយការប៉ះទង្គិចគ្នា»។
ជុំវិញការបា.ញ់មីស៊ីលរបស់កូរ៉េខាងជើងនេះ យោធាកូរ៉េខាងត្បូង មិនបានផ្តល់ព័ត៌មានលម្អិតពីចម្ងាយនៃការធ្វើដំណើរ កម្ពស់ និងល្បឿននៃមីស៊ីលនោះឡើយ៕ (យោងតាមប្រភព៖ Reuters)
ចែករំលែកព័តមាននេះ