រាជធានីភ្នំពេញ ៖ អគ្គនាយកបេឡាជាតិរបបសន្តិសុខសង្គម(ប.ស.ស)បានបញ្ជាក់ឲ្យដឹងថា មានកម្មករនិយោជិតក្នុងវិស័យកាត់ដេរចំនួន១២៨ភាគរយបានពេញចិត្តពីការបង្កើតឲ្យមានរបបសន្តិសុខសង្គមផ្នែកប្រាក់សោធនពេលពួកគេចូលនិវត្តន៍បើធៀបនឹងសមាជិកប.ស.ស។
លោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. បានលើកឡើងក្នុងពិធីបិទយុទ្ធនាការផ្សព្វផ្សាយការដាក់ឱ្យអនុវត្តរបបសន្តិសុខសង្គមផ្នែកប្រាក់សោធនសម្រាប់បុគ្គលទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារជូនដល់ក្រសួងស្ថាប័ន អង្គការដៃគូអភិវឌ្ឍន៍សមាគមនិយោជក សហជីព និងតំណាងកម្មករនិយោជិត នាព្រឹកថ្ងៃទី២៩ កញ្ញា ឆ្នាំ២០២២ នៅសណ្ឋាគារភ្នំពេញថា ជាលទ្ធផលមានកម្មករនិយោជិតចំនួន១ ០៧២៤២៥នាក់ បានទទួលការផ្សព្វផ្សាយដែលស្មើនឹង ៧៣ភាគរយ បើធៀបទៅនឹងសមាជិកប.ស.សសរុប ហើយបើធៀបនឹងចំនួនកម្មករនិយោជិតក្នុងវិស័យកាត់ដេរ គឺស្មើនឹង១២៨ភាគរយ។
លោកសង្កត់ធ្ងន់ថា នេះជាភាពជោគជ័យលើសពីផែនការដែលបានគ្រោងទុក។ ហើយតាមរយៈការចុះផ្សព្វផ្សាយនេះ គឺមានការសារទរពីសំណាក់ភាគីនិយោជក ម្ចាស់-សហគ្រាសគ្រឹះស្ថាន និងភាគីបងប្អូនកម្មករនិយោជិត ដោយពួកគាត់បានបង្ហាញពីភាពពេញចិត្ត និងសប្បាយរីករាយដែលរាជរដ្ឋាភិបាលបង្កើតឱ្យមានរបបសន្តិសុខសង្គមផ្នែកប្រាក់សោធនព្រមទាំងបានស្ម័គ្រចិត្តក្នុងការចូលរួមបង់ភាគទានជាចំណែករបស់ខ្លួន ដើម្បីទទួលបានអត្ថប្រយោជន៍នៅពេលចូលនិវត្តន៍ទៀតផង។
ក្នុងឱកាសនោះដែរ ឯកឧត្តមអ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាភិបាលនៃបេឡាជាតិសន្តិសុខសង្គមបានលើកឡើងថា ប្រព័ន្ធសន្តិសុខសង្គម ដែលពេញលេញ គឺជាប្រព័ន្ធមួយដែលត្រូវរួមចំណែកពេញមួយវដ្ដនៃជីវិតរបស់យើងរួមមាន កើត ចាស់ ឈឺ ស្លា.ប់ ហើយជាការឆ្លើយតប ដើម្បីឈានទៅរកប្រព័ន្ធសន្តិសុខសង្គមពេញលេញរាជរដ្ឋាភិបាលក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាតាមរយៈក្រសួងការងារ និងបណ្តុះបណ្តាលវិជ្ជាជីវៈ ដែលមានបេឡាជាតិសន្តិសុខសង្គមជាប្រតិបត្តិករសន្តិសុខសង្គមបានចូលរួមចំណែកយ៉ាងសំខាន់ក្នុងការជួយសម្រាលនូវទុក្ខលំបាកនៃជីវភាពរស់នៅរបស់ប្រជាពលរដ្ឋតាំងពីពេលចាប់កំណើត ដោយមានរបបសន្តិសុខសង្គមផ្នែកថែទាំសុខភាព ដែលអាចឱ្យបងប្អូនជាសមាជិក ប.ស.ស. ទៅពិនិត្យផ្ទៃពោះមុន និងក្រោយសម្រាលការព្យាបាលជំងឺ និងការទទួលបានប្រាក់បំណាច់រយៈពេល៩០ថ្ងៃនៅពេលសម្រាកលំហែមាតុភាពព្រមទាំងប្រាក់ឧបត្ថម្ភបន្ថែមរបស់រាជរដ្ឋាភិបាលផងដែរ។
ឯកឧត្តមថានៅពេលចូលដល់វ័យធ្វើការ កម្មករនិយោជិតទទួលបានការធា នារ៉ាប់រងដោយមានរបបសន្តិសុខសង្គមផ្នែកហានិភ័យការងារ បង្ការពេលជួបគ្រោះថ្នា ក់ការងារជាយថាហេតុ ដើម្បីឱ្យពួកគាត់ទទួលបានសេវាព្យាបាល ការផ្តល់សេវាស្តារនី តិសម្បទា ប្រាក់បំណាច់ប្រចាំថ្ងៃពីការអាក់ខានការងារ ប្រាក់ធនលាភពីការបា ត់បង់ សមត្ថភាពបំពេញការងារ និងករណីដែលជួបគ្រោះថ្នាក់ការងាររហូតបាត់បង់អាយុជីវិត គ្រួសារ ឬអ្នកចាត់ចែងបុណ្យ នឹងទទួលបាននូវប្រាក់ឧបត្ថម្ភ។ ដោយឡែកនៅពេលដែលបងប្អូនជាសមាជិក ប.ស.ស. ចូលដល់វ័យចំណាស់ រាជរដ្ឋាភិបាលនៅតែបន្តផ្តល់ការគាំពារ ដោយបានបង្កើតឱ្យមាន របបសន្តិសុខ សង្គមផ្នែកប្រាក់សោធន ហើយនៅចុងបញ្ចប់នៃជីវិត គឺសេចក្ដីស្លាប់ គ្រួសារ ឬអ្នកចាត់ចែង បុណ្យ នឹងទទួលបាននូវប្រាក់វិភាជន៍បូជាសព ដើម្បីចាត់ចែងធ្វើបុណ្យសពតាមប្រពៃណី ក៏ដូចជាការផ្ដល់នូវអត្ថប្រយោជន៍ផ្សេងៗជូនអ្នកដែលរស់នៅក្នុងបន្ទុក ទៅតាមផ្នែកនី មួយៗដូចមានកំណត់នៅក្នុងច្បាប់ស្តីពីរបបសន្តិសុខសង្គម ដែលនេះគឺជាការគាំពារពេញ ១វដ្ដជីវិត ពោលគឺចាប់តាំងពីពេលចាប់កំណើតរហូតដល់ស្លា.ប់។
ឯកឧត្តមរដ្ឋមន្ត្រី លើកឡើងបន្ថែមថា ជាលទ្ធផលដើម្បីផ្សារភ្ជាប់ទំនាក់ទំនងរ បបសន្តិសុខសង្គមពេញមួយវដ្តជីវិតនេះ អស់រយៈពេលជាង ១០ឆ្នាំកន្លងមក ក្រសួងការងារ និងបណ្តុះបណ្តាលវិជ្ជាជីវៈ ដែលមាន ប.ស.ស. ជាប្រតិបត្តិករ បានអនុវត្តជាជំហានៗ រួមមាន៖ នៅឆ្នាំ២០០៨ បានដាក់ឱ្យអនុវត្តផ្នែកហានិភ័យការងារ នៅឆ្នាំ២០២១ ផ្នែកនេះបានដំណើរ ការសម្រាប់មន្ត្រីសាធារណៈ។ ក្នុងឆ្នាំ២០១៦ រាជរដ្ឋាភិបាលបានដាក់ឱ្យដំណើរ ការផ្នែកថែទាំសុខភាព សម្រាប់កម្មករនិយោជិតវិស័យឯកជន និងឆ្នាំ២០១៨ សម្រាប់ម ន្ត្រីសាធារណៈ ដោយធ្វើការធានារ៉ាប់រងសុខភាព ២៤ម៉ោង លើ២៤ម៉ោង ជារួមមិនថាក ម្មករនិយោជិត ឬមន្ត្រីសាធារណៈ សុទ្ធតែមានការធានារ៉ាប់រងសន្តិសុខសង្គមដូចគ្នាៗ។ ដោយឡែកបើយើងនិយាយពីប្រាក់ចូលនិវត្តន៍វិញ កាលពីមុនប្រាក់សោធនមានតែ ចំពោះមន្ត្រីរាជការប៉ុណ្ណោះមានសិទ្ធិទទួលបាន តែសម្រាប់បងប្អូនកម្មករនិយោជិត ក្នុងវិស័យ ឯកជនវិញ ពុំធ្លាប់ទទួលបានការធានារ៉ាប់រងប្រាក់សោធននេះទេ ហើយនេះជាប្រវ ត្តិសាស្ត្ររបស់កម្ពុជាហើយ ដែលបងប្អូនកម្មករនិយោជិតក្នុងវិស័យឯក ជនទទួលបាន របបសន្តិសុខសង្គមនេះ។
សូមជម្រាបថាការដាក់ឱ្យអនុវត្តរបបសន្តិសុខសង្គមផ្នែកប្រាក់សោធន សម្រា ប់បុគ្គលទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ ជូនដល់ក្រសួង ស្ថាប័ន អង្គការដៃគូអភិវឌ្ឍន៍ សមាគមនិយោជក សហជីព និងតំណាងកម្មករនិយោជិតនឹងត្រូវចាប់ ផ្តើមនៅខែតុលាខាងមុខនេះហើយ៕
ចែករំលែកព័តមាននេះ