ផ្ទុយពីគ្រប់គ្នា! បុរសម្នាក់សម្តែងការខកចិត្ត ក្រោយឈ្នះឆ្នោតជាតិរង្វាន់ធំបំផុត
ឥណ្ឌា ៖ នៅពេលនិយាយដល់ការឈ្នះឆ្នោត គ្រប់គ្នានឹងរំពឹងឃើញពីទិដ្ឋភាពដ៏សែនរីករាយបំផុតរក
ឥណ្ឌា ៖ នៅពេលនិយាយដល់ការឈ្នះឆ្នោត គ្រប់គ្នានឹងរំពឹងឃើញពីទិដ្ឋភាពដ៏សែនរីករាយបំផុតរក
ឥណ្ឌា ៖ នៅពេលនិយាយដល់ការឈ្នះឆ្នោត គ្រប់គ្នានឹងរំពឹងឃើញពីទិដ្ឋភាពដ៏សែនរីករាយបំផុតរកអ្វីមកកាន់ថ្លៃមិនបានឡើយ។ ប៉ុន្តែទោះយ៉ាងណា អ្វីៗមិនមែនសុទ្ធតែដូចគ្នាឡើយ ជាក់ស្តែងករណីបុរសជនជាតិឥណ្ឌាម្នាក់ បែរជាសម្តែងការហួសចិត្ត និងខកចិត្តទៅវិញ ក្រោយពេលគាត់បានឈ្នះឆ្នោតរង្វាន់ធំបំផុត (Jackpot)។
លោក Anoop ដែលជាអ្នកបើករថយន្តដឹកអ្នកដំណើររស់នៅរដ្ឋ Kerala ភាគខាងត្បូងប្រទេសឥណ្ឌា បានឈ្នះឆ្នោតរង្វាន់ធំ ២៥០លានរូពី ដែលស្មើនឹងប្រមាណ ៣,០៦លានដុល្លារអាមេរិក កាលពីដើមខែកញ្ញាកន្លងទៅ ដែលជាឆ្នោតជាតិបង្កើតឡើងដោយរដ្ឋាភិបាលរដ្ឋផ្ទាល់តែម្តង។
ប៉ុន្តែមួយសប្តាហ៍ក្រោយមក គាត់បានបង្ហោះវីដេអូស្នើសុំឱ្យមនុស្សចម្លែកមុខឈប់រំខានជីវិតឯកជនរបស់គាត់ និងក្រុមគ្រួសារគាត់ តាមរយៈការស្នើសុំជំនួយផ្នែកហិរញ្ញវត្ថុពីគាត់ទៀតទៅ។ លោក Anoop បាននិយាយថា «បើសិនជាអាចខ្ញុំមិនចង់ឈ្នះនោះទេ។ ខ្ញុំគិតថាឈ្នះរង្វាន់ទី៣ ប្រហែលជាប្រសើរជាងនេះ»។
ឥឡូវនេះ គាត់កំពុងពិចារណាផ្លាស់ប្តូរទីលំនៅ ដើម្បីគេចចេញពីការចាប់អារម្មណ៍របស់សាធារណជនដ៏ច្រើនលើសលប់។ លោក Anoop បានក្លាយជាជនល្បីល្បាញបំផុតជាមួយចំណងជើងថ្នាក់ជាតិ នៅពេលគាត់បានឈ្នះឆ្នោតរង្វាន់ធំ ដែលជារង្វាន់ខ្ពស់បំផុតមិនធ្លាប់មានពីមុនមកនៅក្នុងរដ្ឋ Kerala ។
«ដំបូងៗ ខ្ញុំសប្បាយចិត្តខ្លាំងណាស់ពេលឈ្នះរង្វាន់ធំ។ មនុស្សម្នានាំគ្នាកាន់កាមេរ៉ាសម្រុកមកថតពេញមុខផ្ទះខ្ញុំតែម្តង។ ប៉ុន្តែស្ថានភាពមិនយូរប៉ុន្មានគឺយើងមិនអាចគ្រប់គ្រងបានឡើយ។ ខ្ញុំមិនអាចចេញពីផ្ទះបានទេ ខ្ញុំមិនអាចទៅណាបានទាំងអស់ សម្បីតែពេលកូនខ្ញុំឈឺ ក៏ខ្ញុំមិនអាចយកគេទៅពេទ្យបានដែរ»។
គាត់បានបញ្ជាក់បន្ថែមទៀតថា «អ្វីដែលខ្ញុំអាចប្រាប់អ្នកគ្រប់គ្នាបាននោះគឺថា ខ្ញុំមិនទាន់ទទួលបានលុយនៅឡើយទេ។ គ្មាននរណាម្នាក់យល់អំពីបញ្ហារបស់ខ្ញុំទេ ទោះបីជាខ្ញុំនិយាយវាប៉ុន្មានដង ហើយដដែលៗយ៉ាងណាក៏ដោយ»។
លោក Anoop និងក្រុមគ្រួសារបច្ចុប្បន្នកំពុងស្នាក់នៅផ្ទះសាច់ញាតិ ដើម្បីគេចចេញពីការចាប់អារម្មណ៍របស់មនុស្សគ្រប់គ្នា។ ខណៈដែលរដ្ឋាភិបាលរដ្ឋ Kerala បានអះអាងថា ខ្លួននឹងរៀបចំកម្មវិធីបណ្តុះបណ្តាលពេញមួយថ្ងៃសម្រាប់លោក Anoop ស្តីពីការគ្រប់គ្រងហិរញ្ញវត្ថុ ដើម្បីជួយគាត់ឱ្យប្រើប្រាស់លុយដោយត្រឹមត្រូវ និងបានល្អបំផុត៕ (ដកស្រង់ចេញពី BBC)
ចែករំលែកព័តមាននេះ