អ្នកទាំងអស់គ្នាប្រាកដជាស្គាល់ហើយ បើទោះជាមិនបានវិលត្រឡប់មកកាន់វិថីសិល្បៈវិញក៏ពិតមែន ប៉ុន្តែអតីតតារាសម្តែងកញ្ញា វ៉ាង ស្រីណូ ក៏នៅតែត្រូវបានមហាជនអ្នកគាំទ្រ
រាជធានីភ្នំពេញ ៖ អ្នកទាំងអស់គ្នាប្រាកដជាស្គាល់ហើយ បើទោះជាមិនបានវិលត្រឡប់មកកាន់វិថីសិល្បៈវិញក៏ពិតមែន ប៉ុន្តែអតីតតារាសម្តែងកញ្ញា វ៉ាង ស្រីណូ ក៏នៅតែត្រូវបានមហាជនអ្នកគាំទ្រតែងតែចាប់ក្រសែភ្នែក ចង់ដឹងពីជីវិតឯកជនរបស់កញ្ញាផងដែរ បន្ទាប់ពីមួយរយៈក្រោយនេះ វ៉ាង ស្រីណូ បានបង្ហាញវត្តមានក្នុងកម្មវិធីរបស់អ្នកសិល្បៈជាបន្តបន្ទាប់។
ដោយឡែក បើយើងក្រឡេកមកដឹងឃើញថា ក្រោយពីផ្តាច់ខ្លួនក្នុងការសម្តែងអស់រយៈពេលប្រមាណ១០ឆ្នាំមកនេះ កញ្ញា វ៉ាង ស្រីណូ ក៏បានបើកមុខជំនួញផ្ទាល់ខ្លួនដោយការនាំចូលផលិតផលថែសម្រស់ និងរបស់ប្រើប្រាស់ប្រ៊េនៗ សេរីអភិជន ដូចជា កាបូប ស្បែកជើង ខ្សែក្រវាត់ ទឹកអប់ពីបរទេស ជាដើម លក់លើទីផ្សារអនឡាញនៅកម្ពុជា ដោយកំពុងទទួលបានការគាំទ្រយ៉ាងខ្លាំង។
បើទោះជាមិនស្ថិតក្នុងវិស័យសិល្បៈទៀត តែកញ្ញា វ៉ាង ស្រីណូ កំពុងតែរស់នៅលើគំនរទ្រព្យសម្បត្តិពីញើសឈា.មនៃរបររកស៊ីអនឡាញរបស់ខ្លួន ដោយមកដល់ពេលនេះ កញ្ញា វ៉ាង ស្រីណូ ត្រូវបានមហាជនឃើញថា នាងបានចាយវា.យប្រាក់កាក់ទិញផ្ទះវីឡាជាច្រើនខ្នង និង រថយន្តស៊េរីទំនើបជាច្រើនគ្រឿង។ ហើយបើនិយាយពីការតុបតែងខ្លួនវិញ ពេលចេញក្រៅជាប្រចាំថ្ងៃរបស់កញ្ញា វ៉ាង ស្រីណូ ក៏ហាយសូខ្លាំងណាស់ដែរ ក៏ព្រោះសម្ភារៈប្រើប្រាស់លើខ្លួនរបស់នាងពេលចេញដើរម្តងៗដូចជា កាបូប ស្បែកជើង គឺមានតម្លៃមិនក្រោមពាន់ដុល្លារនោះឡើយ។
ជាក់ស្ដែង អ្វីដែលធ្វើអោយមហាជននឹកស្មានមិនដល់ និងស្ទើរតែមិនគួរអោយជឿទៅវិញនោះ ថ្មីៗនេះស្រាប់តែអតីតតារាសម្ដែងរូបនេះ បានបង្ហោះវីដេអូដោយភ្ជាប់ជាមួយសាររៀបរាប់បែបនេះថា «រឿងហួសចិត្ត ធ្វើគុណហើយ បែរជាមិនបានគុណសោះ! អ្នកណាខ្លះធ្លាប់ចឹង? គេបាញ់លុយចូលមកខុសចូលកុងយើង គេតេមកពីរបីដងអោយបាញ់អោយគេវិញ ដល់ពេលយើងបាញ់ចូលវិញ បានលុយស្ងាត់ជ្រាប អត់មានតេមកប្រាប់ថា ចូលហើយ ឬមិនចូល ឬតេមកអរគុណមួយម៉ាត់ក៏គ្មានផង! កុំអោយបាញ់ខុសចឹងម្តងទៀតណា អ្នកផ្សេងចិត្តគេមិនដូចខ្ញុំទេ ប្រហែលតែលេខ គេមិនទុកអោយតេចូលផង កុំថាដល់បាញ់អោយវិញ ហើយចាំទៅតវ៉ានៅ ABA ទៅ រ៉ាប់ខែមិនដឹងបានលុយវិញអត់»។
បន្ទាប់ពីឃើញដូច្នេះ ក៏មានអ្នកចូលទៅខមិនថា «រើសបានតាម ABA ? ទាំងគេទាំងយើង បើសិនជាលុយនេះជាលុយក្រុមហ៊ុនវិញ ហើយម្នាក់បាញ់ច្រឡំនឹងគ្រាន់តែជាបុគ្គលិកធម្មតា បានប្រាក់ខែ 500$ ក្នុងមួយខែ ហើយលុយ 14,000$ ដែលគាត់បាញ់ច្រឡំនឹងសំរាប់ទូទាត់បំណុលក្រុមហ៊ុនដែលគាត់ធ្វើការ តើគាត់ម្នាក់នឹងទៅជាយ៉ាណាវិញ? សាកស្រម៉ៃមើលៗ បង?» ។ «លុយកម្លាំងញើសឈា.មគេ ចង់បានម៉េសមីង 300$ មិនមែនតិចណា បើយើងធ្វើបុណ្យចង់អោយគេវិញ កុំចង់បានសាគុណ គឺត្រូវធ្វើចេញពីចិត្ត កាត់គេ 300$ ហើយ ចង់អោយគេអរគុណទៀត» និងនៅមានខមិនជាច្រើនទៀត ដែលមិនអាចរៀបរាប់អស់។
ក្នុងនោះផងដែរ កញ្ញា វ៉ាង ស្រីណូ ក៏បានទ្បាយបកស្រាយបន្តទៀតថា ការបាញ់លុយខុសចូលកុងរបស់នាង គឺសំណាងហើយ បើអ្នកផ្សេងគេមិនចិត្តបុណ្យដូចនាងទេ ហើយបើទៅសួរខាងធនាគារ មិនដឹងថា យកលុយនឹងបានមកវិញអត់ ទោះជាបានក៏អស់កម្រៃជើងសាដូចគ្នាដែរ ។ នាងបញ្ជាក់ថា លុយដែលបាញ់ចូលនោះ ជាលុយដែលនាងរើសបាន ចឹងបលនាងអោយវិញទាំងអស់ វានឹងស៊យ ចឹងទើបនាងសុំ 300$ ដើម្បីកុំអោយស៊យដល់រូបនាង៕
ចែករំលែកព័តមាននេះ