រាជធានីភ្នំពេញ ៖ បើទោះបីជាពេលនេះតារាសម្តែងកញ្ញាណូម័រ មានការងារសិល្បៈច្រើន តែនាងមិនទាន់ពេញចិត្តទេ ព្រោះចង់បានច្រើនជាងនេះទៀត ដើម្បីជួយក្រុមគ្រួសារ ។ សំខាន់ណូម័រចង់ឱ្យម្តាយមាន
រាជធានីភ្នំពេញ ៖ បើទោះបីជាពេលនេះតារាសម្តែងកញ្ញាណូម័រ មានការងារសិល្បៈច្រើន តែនាងមិនទាន់ពេញចិត្តទេ ព្រោះចង់បានច្រើនជាងនេះទៀត ដើម្បីជួយក្រុមគ្រួសារ ។ សំខាន់ណូម័រចង់ឱ្យម្តាយមានសុភមង្គលតាមរយៈរូបនាងរកប្រាក់បានច្រើនជួយផ្គត់ផ្គង់ ។
តារាសម្តែងស្រីអន រ៉ាស៊ីសុមេត្តា ហៅណូម័រ កាន់តែលេចធ្លោខ្លាំងជាមួយនឹងអាជីពសិល្បៈ ពិសេសក្រោយពីនាងទទួលបានការងារច្រើនទាំងសម្តែងនិងពិធីករ។ ផ្ទុយពីការសប្បាយចិត្តនឹងការងាររីកចម្រើននេះ តារាស្រីណូម័រនឹកអាណិតម្តាយដែលដើរតាមមើលថែនាងស្ទើរគ្រប់ជំហានទាំងយប់ទាំងថ្ងៃ ។ ការងារសិល្បៈរបស់ណូម័រ ងើបឡើងក្នុងរយៈពេលប៉ុន្មានឆ្នាំចុងក្រោយនេះ ហើយឆ្នាំនេះនាងបានសម្តែងភាពយន្តថ្មីចំនួន៤រឿងសុទ្ធសឹងជាតួអង្គ សំខាន់ ។ រឿងទាំង៤នោះមានរឿង «មន្តស្នេហ៍ក្រមុំបាយឆា» រឿង «ម្តាយក្មេករើសកូនប្រសា» រឿង «កំលោះយំក្រមុំសើច» និងរឿង «ទេពធីតាសំរាម» ។ រឿងខ្លះត្រូវថតទាំងថ្ងៃទាំងយប់ ហើយអ្វីដែលធ្វើឲ្យណូម័រនឹកអាណិតម្តាយ គឺម្តាយតែងតែតាមនាងពេលទៅថតគ្រប់ទីកន្លែង ។
កញ្ញាណូម័រ និយាយថា «អារម្មណ៍របស់នាងខ្ញុំពិតជាអាណិតម្តាយដែលមានវ័យ៥៧ឆ្នាំហើយ គួរតែបាននៅសម្រាកនៅផ្ទះឲ្យបានស្រួលខ្លួន តែបែរជាត្រូវមកតាមកូនស្រីគ្រប់ច្រកល្ហក ។ រយៈពេលប៉ុន្មានឆ្នាំចុងក្រោយដែលនាងខ្ញុំចូលសិល្បៈ ម្តាយនាងខ្ញុំតាមស្ទើរគ្រប់ជំហាន ។ នាងខ្ញុំយកម្តាយតាមខ្លួនគ្រាន់បានជាគ្នាពេលធ្វើដំណើរទៅណាមកណា មិនមែននាងខ្ញុំនៅក្មេងទេ ហើយក៏មិនបង្កការលំបាក និងឲ្យម្តាយជួយការងារអ្វីទេ សូម្បីតែយួរ ឬកាន់សម្លៀកបំពាក់ ។ ពេលខ្លះការចេញទៅខេត្ត ម្តងៗក៏ជាឱកាសដែលអាចនាំម្តាយសម្រាកលំហែផងដែរ ។ អ្វីដែលធ្វើឲ្យនាងខ្ញុំកាន់តែអាណិត និងនឹកគុណម្តាយ គឺគាត់តែងតាមមើលថែនាងខ្ញុំ ដូចនាងខ្ញុំកាលពីក្មេង និងតែងផ្តល់កម្លាំងចិត្តឲ្យនាងខ្ញុំជានិច្ចគ្រាដែលនាងខ្ញុំលំបាកចិត្ត ។
នាងខ្ញុំសន្យាថា ជួយគ្រួសារឱ្យល្អរឹងមាំសិនចាំគិតរឿងគូគាប់ ឬគូអនាគតដើម្បីយឹតយោងអ្នកផ្ទះទោះជាពេលនេះមានកន្លង់ចោមសុំស្នេហ៍ច្រើន តែនាងខ្ញុំមិនទាន់ប្រើពាក្យអូខេនៅឡើយទេ» ៕
ចែករំលែកព័តមាននេះ