គ្រោះធម្មជាតិនៅក្រុងសំរោង បំផ្លាញផ្ទះ២៦ខ្នង និងសាលារៀន១ខ្នង
ខេត្តឧត្តរមានជ័យ ៖ ភ្លៀងកក់ខែមួយមេធំ លាយឡំដោយខ្យល់កន្ត្រាក់បក់បោកយ៉ាងខ្លាំងមកលើលំនៅឋានពលរដ្ឋ កាលពីវេលាម៉ោង៥ និង៣០នាទីល្ងាច ថ្ងៃទី២៤ ខែកុម្ភៈ …
ខេត្តឧត្តរមានជ័យ ៖ ភ្លៀងកក់ខែមួយមេធំ លាយឡំដោយខ្យល់កន្ត្រាក់បក់បោកយ៉ាងខ្លាំងមកលើលំនៅឋានពលរដ្ឋ កាលពីវេលាម៉ោង៥ និង៣០នាទីល្ងាច ថ្ងៃទី២៤ ខែកុម្ភៈ ឆ្នាំ២០១៧ បណ្តាលឱ្យ២៦ខ្នងនៅក្នុងភូមិ២ គឺភូមិពោធិ៍វង្ស និងភូមិអូរបាត់ដាវ សង្កាត់បន្សាយរាក់ ក្រុងសំរោង រងការខូចខាតយ៉ាងដំណំ ។
ប្រជាពលរដ្ឋបានរៀបរាប់ឱ្យដឹងថា មុនពេលកើតហេតុពួកគាត់ឃើញមាឃឡើងពពកខ្មៅ បន្តិចក្រោយមកក៏មានភ្លៀងធ្លាក់ លាយឡំខ្យល់កន្ត្រាក់បក់បោកយ៉ាងខ្លាំងមកលើលំនៅឋានពលរដ្ឋ បណ្តាលឱ្យខូចខាតជាច្រើនខ្នង ។
ក្រោយពីកើតហេតុដោយគ្រោះធម្មជាតិបំផ្លិចបំផ្លាញលំនៅឋានពលរដ្ឋ អាជ្ញាធរ និងសមត្ថកិច្ចនៅក្នុងមូលដ្ឋានបានចុះទៅធ្វើការត្រួតពិនិត្យឃើញថា លំនៅឋានដួលរលំរងការខូចខាតទាំងស្រុងចំនួន៧ខ្នងផ្ទះ និងរងការខូចខាតប៉ើងដំបូលចំនួន១៩ខ្នងផ្ទះ រួមទាំងសាលារៀនមួយខ្នងផងដែរ ។
អាជ្ញាធរមូលរដ្ឋានបានឲ្យដឹងថា ពលរដ្ឋដែលទទួលរងការខូចខាតដោយគ្រោះធម្មជាតិបំផ្លាញផ្ទះនេះ អាជ្ញាធរបានដកស្រង់ចំនួន ហើយធ្វើជារបាយការណ៍បញ្ជូនទៅក្រុមការងារថ្នាក់ខេត្ត ចុះជួយធ្វើការសង្គ្រោះដោយផ្ដល់នូវសម្ភារៈប្រើប្រាស់ និងស្បៀងអាហារជាបឋមសម្រាប់ដោះស្រាយជីវភាព ៕
ចែករំលែកព័តមាននេះ