អ្នកនិយមលេងនៅក្នុងបណ្ដាញសង្គមជាច្រើនប្រាកដជា ស្គាល់ជាក់ជាមិនខាននោះឡើយ ចាប់តាំងពីទទួលតំណែងជាម្ចាស់មកុដ Miss Grand Thailand 2022 រួចមក គេនាំគ្នាគាត់សម្គាល់ឃើញថា សន្ទុះនៃការគាំទ្រភាពលេចធ្លោរប្រជាប្រិយភាពរបស់បវកញ្ញា…
អ្នកនិយមលេងនៅក្នុងបណ្ដាញសង្គមជាច្រើនប្រាកដជា ស្គាល់ជាក់ជាមិនខាននោះឡើយ ចាប់តាំងពីទទួលតំណែងជាម្ចាស់មកុដ Miss Grand Thailand 2022 រួចមក គេនាំគ្នាគាត់សម្គាល់ឃើញថា សន្ទុះនៃការគាំទ្រភាពលេចធ្លោរប្រជាប្រិយភាពរបស់បវកញ្ញា Engfa Waraha ហាក់កាន់តែហក់ឡើងខ្លាំងៗថែមមួយកម្រិតទៀត រហូតធ្វើអោយមហាជនថៃ មានក្ដីសង្ឃឹមចំពោះនាងគ្រប់ៗគ្នា ។
ដោយសារតែនាងមានរូបសម្រស់ស្រស់ស្អាត ក្រមិចក្រមើមរួសរាយរាក់ទាក់ មុខមាត់មានមន្តស្នេហ៍គួរអោយស្រលាញ់ ក៏ដូចជា អត្តចរិតរបស់នាង ព្រមជាមួយនឹងសមត្ថភាពទេពកោសល្យនៅក្នុងសិល្បៈជាច្រើនទៀតដែលនាងមានផងដែរ។
ដោយឡែក បន្ទាប់ពីជិតដល់ថ្ងៃឈានជើងចូលប្រកួតនៅលើឆាកអន្តរជាតិក៏ពិតមែន តែតារាស្រីគ្រាប់ពេជ្ររបស់ថៃ Engfa រូបនេះ នាងនៅតែនៅមិនបោះបង់ចោលឱកាសការងារដែលហូរចូលមកឡើយ ពោល គឺនាងតែងតែឆ្លៀតពេលហាត់សមជានិច្ចធ្វើការងារផ្ទាល់ខ្លួនផង មិនចេះនៅទំនេរនោះទេ មិនតែប៉ុណ្ណោះ ដោយសារតែលទ្ធផលគាំទ្របែបនេះហើយទើបធ្វើអោយលោក Nawat ដែលជាស្ថាបនិករបស់កម្មវិធី Miss Grand តែងតែលើកសរសើរពីនាងមិនដាច់ពីមាត់នោះទេ សូម្បីតែមហាជនអ្នកគាំទ្រ និងតារាល្បីៗទាំងប្រុសទាំងស្រីនៅក្នុងសិល្បៈជាច្រើនក៏នាំគ្នាសរសើរពីនាងគ្រប់ៗគ្នា។
ជាក់ស្ដែង អ្វីដែលធ្វើអោយមហាជននាំគ្នានឹកស្មានមិនដល់ទៅវិញនោះ កំពុងតែសាងនៅកេរ្តិ៍ឈ្មោះល្បីល្បាញសុសសាយផង ស្រាប់តែថ្មីៗនេះបែរជាផ្ទុះកក្រើកពាសពេញបណ្ដាញសង្គមទៅលើម្ចាស់មកុដ Miss Grand Thailand 2022 រូបនេះទៅវិញដោយមានអ្នកខ្លះបានចូលទៅរិះគន់ខមមិនដាក់ទៅចំៗគ្មានទុកមុខអោយបែបនេះថា« មុនទៅប្រឡងគិតតែដើរលេង មិនគិតហាត់រៀនហាត់បន្ថែមទេ» មិចក៏ធ្វើខ្លួនបែបនេះជាបវកញ្ញាផង ដើរលេងពេញផ្សារអញ្ជឹងមិនចេះខ្មាសគេទាល់តែសោះ»។
ក្រោយឃើញមានអ្នកគាំទ្រមិនតិចនាក់នោះទេនាំគ្នារិះគន់ខ្លាំងពេក មិនទុកចាំយូរ Engfa ក៏បានចេញមុខមកឡាយវីដេអូនិយាយបកស្រាយ អោយបានដឹងយ៉ាងដូច្នេះថា «គ្មានថ្ងៃណាដែលនាងឈប់អភិវឌ្ឍន៍ខ្លួនឯងនោះទេ នាងហាត់នៅក្នុងខុនដូជាមួយនឹងគ្រូក្បែរខ្លួននាងរហូត គ្រាន់តែនាងមិនបានបង្ហោះនៅលើបណ្តាញសង្គមតែប៉ុណ្ណោះ តែគ្រប់គ្នាបែរជាបន្ទោសនាង ក្រុមហ៊ុន និងអ្នកក្បែរខ្លួនទៅវិញ។នាងពិតជាសុំទោសដល់ប្រធានក្រុមហ៊ុន Miss Grand និងអ្នកជិតស្និទ្ធជុំវិញខ្លួនដែលត្រូវមកទទួលរងការជេរប្រមាថដោយសារតែនាង។
លើសពីនេះទៅទៀត Engfa បញ្ជាក់ជាលើកចុងក្រោយថា នាងមិនបានទៅដើរហើរផឹកស៊ី ឬទៅណាដូចអ្វីដែលមហាជនគិតនោះទេ ហើយនាងក៏អរគុណដល់អ្នកគាំទ្រដែលយល់ចិត្តនាងនៅក្បែរលើកកម្លាំងចិត្តនាង តាំងពីថ្ងៃចាប់ផ្តើមរហូតមកទល់ពេលនេះផងដែរ អគុណពិតមែនស្រលាញ់បងប្អូនទាំងអស់គ្នាខ្លាំងណាស់។
គួរបញ្ជាក់ផងដែរថា បវកញ្ញាEngfa នាងមានអាយុ ២៧ឆ្នាំ ជាអ្នកចម្រៀងអាជីពមួយរូប និងជាអ្នកដឹកនាំនៅក្នុងពិធីបួសបុរសក្នុងព្រះពុទ្ធសាសនាផងដែរ Engfa នាងធំឡើងពីគ្រួសារក្រីក្រ ប៉ុន្តែនាងជាមនុស្សរឹងមាំខ្លាំងណាស់ ហើយបានជួយគ្រួសារក្នុងអាជីពផ្សេងៗទៀតផង តាំងពីនាងនៅកុមារភាពរហូតធំដឹងក្ដី នាងក៏ទទួលបានជោគជ័យដោយក្លាយខ្លួនជា Miss Grand Thailand 2022 ហើយទទួលបានការគាំទ្រយ៉ាងច្រើនលើសលប់ពីសំណាក់អ្នកគាំទ្រ និងទទួលបានការចាប់អារម្មណ៍ភ្លុកទឹកភ្លុកដី៕ ដោយ ៖ សុភា ដាណេត
ចែករំលែកព័តមាននេះ