រាជធានីភ្នំពេញ ៖ អតីតសិស្សវិទ្យាល័យសម្តេចឪ ខេត្តបន្ទាយមានជ័យ លោកហ៊ុយ យ៉ាឡេង អ្នកដឹកនាំរឿង «វិកលចរិត»បានសម្រេចយកស្នាដៃរបស់ខ្លួន ទៅចាក់បញ្ចាំងនៅខេត្តបន្ទាយមានជ័យ ចាប់ពីថ្ងៃទី២៤ រហូតដល់ថ្ងៃទី២៨ កុម្ភៈ ដោយរឿងរបស់លោក កំពុងតែល្បីល្បាញរហូតបានពានរង្វាន់ផងដែរ ។
រាជធានីភ្នំពេញ ៖ អតីតសិស្សវិទ្យាល័យសម្តេចឪ ខេត្តបន្ទាយមានជ័យ លោកហ៊ុយ យ៉ាឡេង អ្នកដឹកនាំរឿង «វិកលចរិត»បានសម្រេចយកស្នាដៃរបស់ខ្លួន ទៅចាក់បញ្ចាំងនៅខេត្តបន្ទាយមានជ័យ ចាប់ពីថ្ងៃទី២៤ រហូតដល់ថ្ងៃទី២៨ កុម្ភៈ ដោយរឿងរបស់លោក កំពុងតែល្បីល្បាញរហូតបានពានរង្វាន់ផងដែរ ។
ស្នាដៃដែលកំពុងតែមានការជក់ចិត្តនៃខ្សែភាពយន្តរឿង «វិកលចរិត» ដែលជាស្នាដៃរបស់ផលិតកម្មមាតុចក្រ បានបន្តដំណើរយុទ្ធនាការរបស់ខ្លួន ចេញពីខេត្តមួយទៅខេត្តមួយ សម្រាប់ចាក់បញ្ចាំងជូនប្រជាពលរដ្ឋតាមខេត្ត ដើម្បីស្វែងយល់អត្ថន័យ និងបច្ចេកទេសថតរបស់កូនខ្មែរ ។
យ៉ាងណាមិញពេលនេះ រឿង «វិកលចរិត» បានពង្រីកខ្លួនមកដល់ខេត្តថ្មីមួយទៀត នៃខេត្តបន្ទាយមានជ័យ សម្រាប់អ្នកចង់ទស្សនាអាចមកទស្សនាបានចាប់ពីថ្ងៃនេះរហូតដល់ថ្ងៃទី២៨ កុម្ភៈ ឆ្នាំ២០១៧ តទៅ ។
ដោយសារតែស្រឡាញ់ការងារសិល្បៈភាពយន្ត និងចង់ឲ្យប្រជាពលរដ្ឋគ្រប់ខេត្តក្រុងលោកហ៊ុយ យ៉ាឡេង ចាងហ្វាងផលិតកម្ម
មាតុចក្រ ដែលបានផលិតខ្សែរឿង «វិកលចរិត» ឡើងរហូតមានការទទួលស្គាល់ពីសំណាក់ទស្សនិកជនទាំងក្រុង និងក្រៅស្រុកបានសម្រេចចិត្តយកស្នាដៃរបស់ខ្លួនចាក់បញ្ចាំងនៅខេត្តបន្ទាយមានជ័យដើម្បីបានទស្សនា។
បញ្ជាក់ប្រាប់អ្នកយកព័ត៌មានយើង តាមរយៈទូរស័ព្ទកាលពីម្សិលមិញ លោកហ៊ុយ យ៉ាឡេង អ្នកដឹកនាំរឿងមានចិត្តតស៊ូក្នុងការផលិតកុនខ្មែរ រហូតមានការឲ្យតម្លៃពីសំណាក់បងប្អូនបានថ្លែងថា លោកបានប្រកាសនៅលើទំព័រហ្វេសបុកផ្លូវការរបស់លោករួចរាល់ហើយសម្រាប់ជូនដំណឹងទៅដល់បងប្អូនអ្នកនៅខេត្តបន្ទាយមានជ័យផ្ទាល់ អាចមកទស្សនារឿង«វិកលចរិត»ដែលមកដល់កៀកផ្ទះបងប្អូនបន្ទាប់ពីឮតគ្នាថា រឿងនេះបែបនេះបែបនោះ អាចមកមើល និងស្វែងយល់ពិតៗតែម្តងថា សាច់រឿងបែបណា។
លោកបន្តទៀតថា ការណ៍ពិតថា សាច់រឿងមានភាពអាថ៌កំបាំងនិងប្រទាក់ក្រឡាបែបណា មានតែមកទស្សនានោះទេ ទើបដឹងលោកមិនហ៊ានថារឿងរបស់លោក ពិសេសឬមិនពិសេសឡើយ គឺអាស្រ័យលើទស្សនិកជនវាយតម្លៃប៉ុណ្ណោះ ។ រឿង«វិកលចរិត»នឹងបញ្ចាំង៥ថ្ងៃនៅរោងKL3Dផ្លូវទឹកស្អាត ហើយលោកបានសំណូមពរដល់លោកគ្រូអ្នកគ្រូសិស្សនៃវិទ្យាល័យសម្តេចឪព្រមទាំងប្រជាពលរដ្ឋ នាតំបន់ក្បែរថៃ មកទស្សនាចូលរួមលើកទឹកចិត្តផលិតករខ្មែរស្នាដៃកូនខ្មែរ ពិសេសលោកគ្រូ អ្នកគ្រូ សិស្សវិទ្យាល័យសម្តេចឪ ដោយលោកធ្លាប់រៀនសូត្រ និងបញ្ចប់ថ្នាក់វិទ្យាល័យនៅទីនោះ ដើម្បីចង់ដឹងថាអតីតសិស្សវិទ្យាល័យសម្តេចឪ មានស្នាដៃបែបណា ក្រោយឃ្លាតឆ្ងាយពីភូមិស្រុក។
គួរបញ្ជាក់ដែរថា រឿង«វិកលចរិក» កាលពីចុងឆ្នាំ២០១៦ រឿងនេះទទួលបានពានរង្វាន់ Screening Award ពីប្រទេសចិន ដែលនាមហោស្រពនៅប្រទេសចិននោះ មានការចាប់អារម្មណ៍រឿងនេះ។ ក្រៅពីនៅស្រុកចិន ក៏បានបញ្ចាំងនារោងភាពយន្តអំឡុងពេលចេញផ្សាយមានទស្សនិកជនច្រើននាក់រួចមកហើយ បានចូលរួមទស្សនាតាមរោងភាពយន្តនានានៃរាជធានីភ្នំពេញមានទាំងមន្ត្រីរាជការសិស្សនិស្សិត ។
ចែករំលែកព័តមាននេះ