ខេត្តស្ទឹងត្រែង៖ ស.ពបុរសម្នាក់ ត្រូវគេប្រទះឃើញ វេលាម៉ោង ១៥ និង០០នាទីរសៀល ថ្ងៃទី១៨ ខែកញ្ញា ឆ្នាំ២០២២ នៅក្បែរចំណុចបង្គោលសេវាទូរស័ព្ទ ០៩៧ ស្ថិតក្នុងភូមិរិទ្ធីសែនជ័យ២ ឃុំអូរស្វាយ ស្រុកបុរីអូរស្វាយសែនជ័យ។

យោងតាមប្រភពព័ត៌មាន ស.ពបុរសម្នាក់នោះ ពាក់អាវដៃវែងពណ៌ផ្ទៃមេឃ ស្លៀកខោពណ៌បៃតង ក្រវ៉ាត់ខ្សែក្រវ៉ាត់ពណ៌ខ្មៅ នៅក្បែរសាកស.ព​មានស្បែកជើងផ្ទាត់មួយគូ។ សាកស.ព ស្លា.ប់ដោយដៃទាំងសងខាងជាប់ខ្នោះ។

ប្រភពព័ត៌មានបឋមពីសមត្ថកិច្ច អោយដឹងថា ជនរង​គ្រោះ ស្លា.ប់ដោយអំពើឃា.ត.កម្ម ដោយមាន​ស្លាក​ស្នាម​ផុងលលាដ៍ក្បាល ផ្នែកខាងក្រោយ និងបាក់.ក។

ប្រភពដដែលបន្តថា ជន​រងគ្រោះឈ្មោះ ថេន សុមិត្ត ភេទប្រុស អាយុ ១៩ឆ្នាំ រស់នៅភូមិកោះ កី ឃុំកោះស្នៃង ស្រុកបុរីអូរស្វាយសែនជ័យ។

សមត្ថកិច្ចអោយដឹងថា ​សាច់ញាត្តិបានប្រាប់ថា ជនរង​គ្រោះជិះម៉ូតូម៉ាកវ៉េវអាល់ហ្វា កញ្ចាស់ ពណ៌​ត្រួយ​ចេក ចេញពីផ្ទះ តាំងពីថ្ងៃទី១៦កញ្ញាមកម្លះ ពុំបានត្រឡប់ទៅផ្ទះវិញឡើយ ទើបនៅរសៀល​ថ្ងៃនេះ ក្រុមគ្រួសារ ទទួលដំណឹងថា ស្លា.ប់។ ចំណែកម៉ូតូកញ្ចាស់របស់​ជនរងគ្រោះ ក៏ត្រូវបាត់ផងដែរ។

​ការវិភាគរបស់សមត្ថកិច្ច លើហេតុការណ៍ ក្រៅផ្លូវការ បង្ហាញថា ករណីខាងលើ ជាអំពើឃា.តកម្ម ច្រើនជាងអំពើប្លន់សម្លា.ប់ ហើយជនរងគ្រោះអាច​ស្គាល់គ្នាជាមួយជនដៃដល់ និងពេលធ្វើសកម្មភាព​ជនដៃដល់ អាចមានគ្នាលើសពី ២នាក់ឡើងទៅ ព្រោះ​បើមួយទល់នឹងមួយ ជនដៃ ដល់ពុំអាចមានឱកាសដាក់ខ្នោះដៃជនរងគ្រោះ បាន និងវាយពីក្រោយ រហូតដល់បាក់ឆ្អឹងកង.ក និងផុងលលាដ៍ក្បាលនោះឡើយ។

នគរបាល និងគ្រូពេទ្យ បានពិនិត្យសាកស.ព ហើយសន្និដ្ឋានថា ករណីខាងលើនេះ ជាករណីឃា.តកម្ម។ ក្រោយការពិនិត្យសាកស.ព និងធ្វើកំណត់ហេតុរួចរាល់ ដោយ​មានការសម្របសម្រួលពីព្រះរាជអាជ្ញាអមសាលាដំបូងខេត្ត ស.ពត្រូវបានប្រគល់​អោយសាច់ញ្ញាតិ យកទៅធ្វើបុណ្យតាមប្រពៃណី៕ រ៉ូ សាលី