សន្និសីទសារព័ត៌មានស្តីពីខ្សែភាពយន្ត«មុនដំបូងខ្មែរក្រហមសម្លា.ប់ប៉ារបស់ខ្ញុំ»
ខេត្តសៀមរាប ៖ សន្និសីទសារព័ត៌មានមួយបានធ្វើឡើងកាលពីវេលាម៉ោង១២ថ្ងៃត្រង់ថ្ងៃទី១៨ ខែកុម្ភៈ នៅមហាសណ្ឋាគារអង្គរមុខព្រះរាជដំណាក់ ក្នុងក្រុងសៀមរាប
ខេត្តសៀមរាប ៖ សន្និសីទសារព័ត៌មានមួយបានធ្វើឡើងកាលពីវេលាម៉ោង១២ថ្ងៃត្រង់ថ្ងៃទី១៨ ខែកុម្ភៈ នៅមហាសណ្ឋាគារអង្គរមុខព្រះរាជដំណាក់ ក្នុងក្រុងសៀមរាប ។
សន្និសីទសារព័ត៌មាននេះ មានអ្នកចូលជាអ្នកសារព័ត៌មានជាតិ-អន្តរជាតិមកពីអង្គភាពផ្សេងៗដែលមានការចាប់អារម្មណ៍ជុំវិញការសម្ពោធបញ្ចាំងខ្សែភាពយន្តរឿង«មុនដំបូង ខ្មែរក្រហមសម្លាប់ប៉ារបស់ខ្ញុំ» ដែលដឹកនាំផលិតដោយលោកស្រី អេនចេលីណា ជូលី ។
ខ្សែភាពយន្តនេះ ត្រូវបានចាក់បញ្ចាំងលើកដំបូងនៅខេត្តសៀមរាបសម្រាប់រយៈពេល២ថ្ងៃ គឺថ្ងៃទី១៨-១៩ ខែកុម្ភៈ ក្រោមព្រះរាជាធិបតីភាពដ៏ខ្ពង់ខ្ពស់នៃព្រះករុណាសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះវររាជមាតា ។
ទោះជាយ៉ាងណា ការចាក់បញ្ចាំងខ្សែភាពយន្តនេះជាលើកដំបូង មិនបានបើកឱ្យចូលទស្សនាដោយសេរីឡើយ ដោយអ្នកដែលចូលរួមទស្សនាការចាក់បញ្ចាំងត្រូវបានកំណត់ចំនួនគឺមានជាង១ពាន់នាក់ នៅទីលានប្រជល់ដំរី ។
លោកស្រី អេនចេលីណា ជូលី ព្រមទាំងកូនៗពិសេសគឺម៉ាដុកជាកូនខ្មែរដែលលោកស្រីយកធ្វើជាកូនចិញ្ចឹម ព្រមទាំងក្រុមផលិតករ និងតួសម្តែងសំខាន់ម្នាក់គឺអ្នកនាង ស្វែង សុជាតា ក៏បានចូលក្រាបបង្គំគាល់ព្រះមហាក្សត្រ នៅព្រះរាជដំណាក់ ដោយភាពរំភើបរីករាយផង ដែរ ៕
ចែករំលែកព័តមាននេះ