ជាង1ខែមុនស្រីស្រស់ធ្វើឱ្យភ្ញាក់ផ្អើល ពេលនេះផ្អើលម្តងទៀត
រាជធានីភ្នំពេញ ៖ ស្ត្រីម្នាក់ដែលគេស្គាល់ថា ជាប្រពន្ធរបស់ម្ចាស់ភូមិគ្រឹះចោមចៅដែលជាអាណិកជនខ្មែររស់នៅសហរដ្ឋអាមេរិក មុននេះបានប្លុងរថយន្តឡិចស៊ីស
រាជធានីភ្នំពេញ ៖ ស្ត្រីម្នាក់ដែលគេស្គាល់ថា ជាប្រពន្ធរបស់ម្ចាស់ភូមិគ្រឹះចោមចៅដែលជាអាណិកជនខ្មែររស់នៅសហរដ្ឋអាមេរិក មុននេះបានប្លុងរថយន្តឡិចស៊ីស
រាជធានីភ្នំពេញ ៖ ស្ត្រីម្នាក់ដែលគេស្គាល់ថា ជាប្រពន្ធរបស់ម្ចាស់ភូមិគ្រឹះចោមចៅដែលជាអាណិកជនខ្មែររស់នៅសហរដ្ឋអាមេរិក មុននេះបានប្លុងរថយន្តឡិចស៊ីស RX330មួយគ្រឿងនៅក្បែរភូមិគ្រឹះរបស់ខ្លួន និងបើករថយន្ត១គ្រឿងផ្សេងទៀតចាកចេញទៅបាត់ ធ្វើឲ្យមានការភ្ញាក់ផ្អើលដល់ប្រជាពលរដ្ឋទៅចោមរោមមើល ព្រោះសង្ស័យក្រែងមានឃាតកម្មនៅក្នុងភូមិគ្រឹះនេះ ។
ចំណែកនគរបាលខណ្ឌពោធិ៍សែនជ័យនិងប៉ុស្ដិ៍ចោមចៅបានចុះទៅធ្វើការឡោមព័ទ្ធ ហើយកម្លាំងនគរបាលការិយាល័យបច្ចេកទេសរាជធានីភ្នំពេញ បានចុះទៅពិនិត្យមើលផងដែរព្រោះសង្ស័យថា បុរសម្ចាស់ភូមិគ្រឹះជាអាណិកជនអាចត្រូវគេសម្លាប់នៅក្នុងភូមិគ្រឹះនោះ ។ ប៉ុន្តែក្រោយមក ក៏មានការស្ងប់ស្ងាត់ទៅវិញដោយសារតែនគរបាលរកមិនឃើញដូចការសង្ស័យនោះទេ ។
ការភ្ញាក់ផ្អើលនោះបានកើតឡើងកាលពីជាង១ខែមុនម្ល៉េះ លុះមកដល់ពេលនេះទើបគេឃើញស្ត្រីរូបនោះវិលចូលមកភូមិគ្រឹះរបស់ខ្លួនវិញ និងបានបង្កការភ្ញាក់ផ្អើលសាជាថ្មីទៀត ។
ស្ត្រីរូបស្រស់នេះឈ្មោះអ៊ុំ ដាវី អាយុ២៦ឆ្នាំ ជាជនជាតិវៀតណាម រស់នៅក្នុងភូមិគ្រឹះខាងលើ ចំណែកប្ដីជាអាណិកជនខ្មែររស់នៅសហរដ្ឋអាមេរិកឈ្មោះសូ លីម ជាម្ចាស់ភូមិគ្រឹះចោមចៅ។
តាមប្រភពព័ត៌មានបានឲ្យដឹងថា នៅវេលាម៉ោង៩ព្រឹកថ្ងៃទី១៦ ខែកុម្ភៈ ស្ត្រីរូបនេះបានគរខោអាវ១ពំនូកនៅក្នុងភូមិគ្រឹះរបស់ខ្លួន ស្ថិតនៅក្នុងភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ រួចហើយដុតបណ្តាលឲ្យមានផ្សែងហុយទ្រលោមចេញមកក្រៅ ។ ខណៈនោះ ដោយសារមានការភ័យខ្លាចភ្លើងឆេះរាលដាលដល់ផ្ទះសម្បែងរបស់ខ្លួន ធ្វើឲ្យអ្នកមានទីលំនៅក្បែរៗនោះនៅមិនសុខនិងភ័យព្រលឹងចុងសក់ ក៏បានទូរស័ព្ទរកការអន្តរាគមន៍ពីកម្លាំងនគរបាលចុះទៅពន្លត់ភ្លើងនោះ ។
ចំណែកស្រីស្រស់រូបនេះ បន្ទាប់ពីភ្លើងដុតសំរាមរលត់ទៅក៏មិនបាននៅស្ងៀមគឺបានចេញពីផ្ទះទៅរករឿងយោធានៅបន្ទាយកងពលតូចលេខ៧០ ដែលស្ថិតនៅជិតភូមិគ្រឹះនោះ និងសួររកមុខអ្នកពន្លត់ភ្លើងដែលនាងដុត ព្រមទាំងសួររករថយន្តឡិចស៊ីសRX330មួយគ្រឿងរបស់នាង ដែលត្រូវនគរបាលដកហូតកាលពីជាង១ខែមុនយកទៅរក្សាទុកនោះ ។
បន្ទាប់ពីការអុកឡុកបន្ទាយយោធាកម្លាំងនគរបាលប៉ុស្ដិ៍ចោមចៅ ក៏បានឃាត់ខ្លួនស្ត្រីរូបនេះនាំទៅប៉ុស្ដិ៍ធ្វើការណែនាំ រួចទើបឲ្យត្រឡប់ទៅផ្ទះវិញ ដូចជាគ្មានរឿងអ្វីធំដុំសោះគ្រាន់តែចម្លែកប៉ុណ្ណោះ ។
បុរសឈ្មោះ ហេង គង់ អាយុ៦០ឆ្នាំ ត្រូវជាឪពុករបស់ស្ត្រីរូបនេះនិយាយប្រាប់នគរបាលកាលពីជាង១ខែមុនថា កូនស្រីរបស់គាត់ឈ្មោះ អ៊ុំ ដាវី អាយុ២៦ឆ្នាំ ឯរថយន្តឡិចស៊ីសRX330មួយគ្រឿង ពណ៌ស ពាក់ផ្លាកលេខ ភ្នំពេញ ២Z-៥២៦៤ នោះនាងទើបនឹងទិញបានជាងកន្លះខែប៉ុណ្ណោះ ហើយនៅក្នុងផ្ទះនោះ មានរថយន្តសរុបទាំងអស់ចំនួន៣គ្រឿង ។
ប៉ុន្តែកូនស្រីគាត់ម្នាក់នេះមានចរិកឆេវឆាវខ្លាំងណាស់ដូចជាមនុស្សសរសៃប្រសាទ ដែលកាលពីយប់ថ្ងៃទី៩ ខែមករា បានដេញគាត់និងប្រពន្ធចេញពីផ្ទះដោយគ្មានមូលហេតុ ។
បន្ទាប់ពីត្រូវកូនដេញចេញបែបនេះ គាត់ក៏បានចាកចេញទៅ ចំណែកឯកូនស្រីក៏បានចាកចេញពីផ្ទះទៅបាត់ដែររស់នៅជាមួយមិនបាន ដោយមិនដឹងថានាងទៅណាឡើយ គាត់បានទូរស័ព្ទទៅរកចៅដែរ ប៉ុន្តែទូរស័ព្ទចូលហើយនាងអត់លើកសោះ ៕
ចែករំលែកព័តមាននេះ