គូស្នេហ៍បរទេសមួយគូបានជ្រើសយកខេត្តKrabiរៀបអាពាហ៍ពិពាហ៍តាមទំនៀមទម្លាប់របស់ថៃ កាលពីថ្ងៃ១២ កុម្ភៈ ២០១៧ ។ នោះគឺអាពាហ៍ពិពាហ៍រវាងតារាបង្ហាញម៉ូដប្រេស៊ីលជាមួយអ្នកជំនួញនៅតំបន់ឆ្នេរលើកោះ
គូស្នេហ៍បរទេសមួយគូបានជ្រើសយកខេត្តKrabiរៀបអាពាហ៍ពិពាហ៍តាមទំនៀមទម្លាប់របស់ថៃ កាលពីថ្ងៃ១២ កុម្ភៈ ២០១៧ ។ នោះគឺអាពាហ៍ពិពាហ៍រវាងតារាបង្ហាញម៉ូដប្រេស៊ីលជាមួយអ្នកជំនួញនៅតំបន់ឆ្នេរលើកោះ «Lanta»ប្រទេសថៃ ។
សារព័ត៌មានបរទេសកាលពីពេល ថ្មីៗកន្លងមកផ្សាយថា នៅបរិវេណឆ្នេរខាងមុខសណ្ឋាគារ Pimalai Resort &Spa ស្ថិតក្នុងស្រុក Lanta ខេត្ត Krabi លោកទ្រីតថាវ៉ាច រ៉ាក់មឿង ចៅហ្វាយស្រុកបានចូលរួមជាអធិបតីក្នុងពិធីមង្គលការរវាងគូស្នេហ៍ជនជាតិប្រេស៊ីល គឺលោក Breno Lima អាយុ៣៥ឆ្នាំ ជាអ្នកជំនួញ និងនាង Larissa da Silvaជាតារាបង្ហាញម៉ូដអាយុ២៥ឆ្នាំ រួមជាមួយអាជ្ញាធរផ្សេងទៀតនៅក្នុងស្រុក និងបុគ្គលិកសណ្ឋាគារច្រើនកុះករធ្វើជាសាក្សីនៃក្តីស្រឡាញ់ ។
ពិធីមង្គលការនោះ រៀបចំតាមបែបប្រពៃណីបុរាណរបស់ថៃ និងបង្កើតការពេញចិត្តដល់អ្នកចូលរួម ។
ស្របពេលជាមួយគ្នានេះនៅមានគូស្នេហ៍ពីប្រទេសឆែកមួយគូទៀតដោយកូនក្រមុំ គឺនាងAndrea Bezdekovaបវរកញ្ញាឆែកឆ្នាំ២០១៦ និងលោកMartin Svachរៀបការតាមបែបបុរាណរបស់ថៃដែរ ។ ពិធីនេះលោកស៊ូរីយ៉ាន ណារុងគូល ចៅហ្វាយស្រុកមឿងក្រាប៊ី ចូលរួមជាកិត្តិយស និងមានភ្ញៀវចូលរួមច្រើនកុះករដូចគ្នា ៕
ចែករំលែកព័តមាននេះ