រាជធានីភ្នំពេញ៖ ផលិតកម្ម«បុត្រា» កំពុងរៀបចំផលិតបទចម្រៀងថ្មីអបអរបុណ្យចូលឆ្នាំថ្មីប្រពៃណីជាតិខ្មែរនៅខែមេសា ២០១៧ ។ បទចម្រៀងចង្វាក់ប្រជាប្រិយខ្មែរ២០បទត្រូវផលិតកម្មបុត្រាចង.ក្រងសម្រាប់
រាជធានីភ្នំពេញ៖ ផលិតកម្ម«បុត្រា» កំពុងរៀបចំផលិតបទចម្រៀងថ្មីអបអរបុណ្យចូលឆ្នាំថ្មីប្រពៃណីជាតិខ្មែរនៅខែមេសា ២០១៧ ។ បទចម្រៀងចង្វាក់ប្រជាប្រិយខ្មែរ២០បទត្រូវផលិតកម្មបុត្រាចងក្រងសម្រាប់ឱកាសដ៏រីករាយនោះ ។
តារាសម្តែង និងតារាចម្រៀងជាច្រើនដួងទាំងថ្មីទាំងចាស់បានចូលសម្តែងកាលពីរសៀលថ្ងៃទី១១ កុម្ភៈ ឆ្នាំ២០១៧ នៅតាមបណ្តោយផ្លូវជាតិលេខ៦ ស្ពានទី២៥ ។
កញ្ញាឃិត សំម៉ាលីស ជាតារាចម្រៀងប្រចាំផលិតកម្មបុត្រា និងជាជំនួយការផលិតកម្មឱ្យដឹងថា ផលិតកម្មបានចំណាយដើមទុនប្រមាណ១ម៉ឺនដុល្លារ ផលិតបទចម្រៀងសម្រាប់បុណ្យចូលឆ្នាំប្រពៃណីជាតិនេះ ។ តារាថ្មីចាស់ប្រុសស្រីជាច្រើននាក់ត្រូវបានប្រមូលឱ្យចូលរួមសម្តែង រាំកម្សាន្តបទចម្រៀងប្រជាប្រិយខ្មែរយើង ។ បទចម្រៀងដែលផលិតមាន២០បទសម្រាំងជូនទស្សនិកជនដោយគ្រោងចេញលក់នៅលើទីផ្សារនៅអំឡុងពាក់កណ្តាលខែមីនាឬចុងខែមីនា ។
កញ្ញាឃិត សំម៉ាលីស និយាយថា «រំពឹងថា ទស្សនិកជននឹងជួយគាំទ្រវ៉ុលចម្រៀងពិសេសនេះ។ ក្រៅពីវ៉ុលចម្រៀងប្រពៃណីខ្មែរ ផលិតកម្មបុត្រាក៏មានបទចម្រៀងបែបស្នាដៃកូនខ្មែរនិពន្ធ ស្របតាមទីផ្សារបច្ចុប្បន្ននេះផងដែរ ធានាថានឹងទាក់ទាញ ។
តារាចូលរួមសម្តែងរួមមានលោករតនៈ ពិសិដ្ឋ, លោកបញ្ញា សិដ្ឋ, លោកម៉ាដូណា, លោកជុំ ជឿន, លោកសុវណ្ណ នេត, លោកឆាយ៉ា ឆានុន, លោកយូរី, កញ្ញាដួង ម៉ានិច្ច, កញ្ញាលី ច័ន្ទសីហា, អ្នកនាងស៊ុន ណារីម៉ូនីកា, កញ្ញាហេង ស្រីពេជ្រ និងកញ្ញាកុល ដាវីជាដើម។ តារាសម្តែងទាំងនោះបានបង្ហាញទឹកចិត្តរីករាយចំពោះការសម្តែងសម្រាប់កម្មវិធីពិសេសបុណ្យចូលឆ្នាំថ្មីប្រពៃណីជាតិខ្មែរ ៕
ចែករំលែកព័តមាននេះ