លោកដេវីដ ម៉េកខេនឡេស អ្នកសារព័ត៌មានបានប្រមូលផ្ដុំទិន្នន័យស្រាវជ្រាវពីប្រទេសដែលលេចធ្លោលើផ្នែកអ្វីមួយ ដោយផ្អែកលើតួលេខដែលប្រមូលបានពីប្រភពទិន្នន័យតាមអីុនធើរណេត, តាមប្រភពពីអង្គការសហប្រជាជាតិ, ធនាគារពិភពលោក និងទិន្នន័យតាមហ្គូហ្គល កាលពីចុងឆ្នាំ២០១៦កន្លងទៅ ។
លទ្ធផលដែលទទួលបានបង្ហាញថា ប្រទេសថៃមានភាពលេចធ្លោលើការនាំចេញអង្ករ ខណៈពេលប្រទេសជិតខាងវៀតណាម គឺជាដៃគូប្រកួតប្រជែងលើអង្ករជាមួយថៃ លេចធ្លោលើម្រេច ។
ដោយឡែកប្រទេសឥណ្ឌូណេស៊ី ឈានមុខលើផលិតផលដូង, សិង្ហបុរី ជាប់ចំណាត់ថ្នាក់ពលរដ្ឋមានសុខភាពល្អ រីឯហ្វ៊ីលីពីន ជាប្រទេសមួយឈានមុខខាងវេបសាយ និងម៉ាឡេស៊ី ខាងនាំចេញស្រោមដៃ ។
ចំពោះប្រទេសដទៃទៀត នៅលើពិភពលោកគឺ អាមេរិក ឈានមុខខាងការបញ្ជូនអីុម៉េល, ជប៉ុន ផ្នែកម្ហូបអាហារឆ្ងាញ់ រីឯកូរ៉េខាងត្បូងលេចធ្លោលើរឿងICT, អាហ្សង់ទីន មានកេរ្ដិ៍ឈ្មោះខាងនាំចេញសាច់សេះ ។
ដោយឡែកប្រទេសវ៉ាន់ដា ជាប្រទេសមានស្ដ្រីក្នុងសភាច្រើនបំផុត ។ ប្រទេសអេមីរ៉ាតអារ៉ាប់រួម ជាប្រទេសមានបុរសច្រើនជាងស្ដ្រី ។
ប្រទេសឡេតូនី មានស្ដ្រីច្រើនជាងបុរស, អែលសាល់វ៉ាឌ័រ មានប៉ូលិសតិចបំផុត ។ ចំណែកប្រទេសណាមីប៊ី មានគ្រោះថ្នាក់រថយន្ដច្រើន ។ ប្រទេសដែលមានសេចក្ដីសុខតិចបំផុត គឺតូហ្គោ ៕
ចែករំលែកព័តមាននេះ